11 U huruŋ ma ɓeŋ kina, aŋ tlan kolo van kaŋga wa.
Ni ko ndal ɓo tlena na, ndaɗ mun kiyo, hin so ki ni ɦawaa. Ni ko ndal ŋgusna pereɗta na ndaɗ hin jak kiyo.
Nam viɗin ki hu dlara halaŋ an tuɗ ni tuɗiya. Nam viɗin saa manda ki ko ndal suuna a paɗ guna ki u sariyamba na.
An tuɗ ki ni ko ŋgus ma fiɗigina ɦawa na, asi dikinni ko ndal jeena na.
Sa warna ni ko semeɗna ɦawa na, buu mamma kay ndaŋgara ni ko ŋgus ma maɗina ɦawa na.
Sa ma wi dlara ndak sana ki jivi hu iiri mamba nde hu duliyara wandara ni gege? Iiri ndaɗta jak ki ni semeɗna ɦawa na. Ɗowba sa ma ndak a di sana kay dlara hin li ka ŋgorom dagan miɗ mammara ni gege?
Anni sa wara ma wihawra, nam poŋon u yaamba cocoo.
Wayagi ma ɦizina Lona hoŋom yam kaŋga may, kay mege ɦizza hin jak ki ni ko ɓo tlena ɦawa na.
Vin maɗii ni iiri magira hin li ana mege agi ka wiɗi lay, agi ni ko kuɗ ma gi na ew kak njokŋi nam ka oloɗina na.
Ko magaara di ana, «Suuna halaŋ ni ko usuna na, ŋgol masira ni ko ɓo usuna na. Usuna so kiyo, ɓoom yak kiyo.
