SOOLLA 101:5 - Boy Lonana

⁵ Sa ma tum u suuna ŋgay gumuna an hin seŋem vunumu. Ii mayra cora u huu ma mbambana, an ka min suu asinaɗi.

SOOLLA 101:5 ပူးပေါင်းရင်းမြစ်များ

SOOLLA 18:27

Eg suu teteɗna aŋ tak taŋ ki teteɗ may, eg suu li dla cora, aŋ takasi yaaŋga may.

SOOLLA 15:3

Ni sa ma ka tum u saɗina, nam ka li dla co eg ndaram ma vok zinaɗi, nam ka ŋgul ndarambi.

VUN ŊGOLNA 30:13

Suu daŋŋa kaa ni gol tasi ki ni kolo kay ndarayasina halaŋ, suuna halaŋŋi usi kaŋgaa.

SOOLLA 50:20

Aŋ kak nje ni tummi u wayaŋŋa, aŋ ɓalak gorseŋŋa ki u dla cora.

TITTA 2:3

Di boyogi suu maana poy masira mba li ko suu teteɗna na. Asi mba nja kosi kaŋga u dlara ɦay ɦayra coraɗi, mbuɗ tasi mborɓiina vi summaɗi lay. Asi ɦal ni gaɗta jivira.

1 KORINTNA 5:11

An min dagi anaba taɓagi u sa di kay tam ana nammi sa ma vina, hin li dla cora, ŋgiziɗ tlena vi suuna, cen lo ɦawana, ŋgul suuna, ma guruɗ u summa, ma kulna, taɓagi u nambi, ti fu u nambi lay.

Boy Ma Ayra Ma LUK Ɓiirimma 18:14

An dagiya, sa namma hoŋ vo wanni mbuɗ ki ɗegee su ma Farisenna. Suu tli yasi kolona, hin hoŋ ki kaŋgaa. Suu ka tli yasi koloɗina, hin tuɗ ni foko.»

VUN ŊGOLNA 20:19

Sa ma gi u dlara ŋgayra kina ni sa ma ŋgeŋŋa. Vi galamba u sa ma njaɗ coconaɗi.

EZEKIYEL 22:9

Suu cuki huruŋŋa ka li ŋgeŋŋa kay tasi, ci suuna kiyo. Suu daŋŋa ka ti tlesuu li ɓivunna maŋ fulina kolo kay lii mbuyna. Suu daŋŋa li dlara zolona cocoo.

EZAYI 2:11

Hu buu namma ni suu ŋga tasina yasi hoŋ gaa, suu tli yasi kolona halaŋ hin hoŋ ki dagani. Hu buu namma geleɗta hinni maŋ Yawe dew.

VUN ŊGOLNA 25:23

Semeɗ ma mbayawna mbaa mbo lona aya, ŋgeŋ ma mbuɗum duk kala kalana mbaa ɗeɗna duk suuna may.

VUN ŊGOLNA 10:18

Sa ma ŋgay gonokka hurumma ɓak dlara u ganyamba. Sa ma di dlara ŋgeŋŋa duk suuna ni sa ma laɓanna.

SOOLLA 138:6

Gasi Yawe ni ma Kolo Dayna, nam wi suu hoŋ yasi gana aya, ay day ni nam wi suu ŋga tasina ay lay.»

1 SAMUEL 2:3

Hoŋogi dlara bay uɗta na hoŋ hoŋgi. Ko boy ma cona kal ay ki funugiɗi. Yawe ni Lo ma wi dlara. Nammi sa ŋga nek dlara.

DLAŊ LEVIRA 19:16

Aŋ ka di ŋgeŋ kay wayaŋgi, di dlara co kay saaŋ ma vok zina a voom busuɗum kiɗi. Ni an, Yawe.

KALKIRA 23:1

Aŋ ka di ŋgeŋ kay saɗi, aŋ kaboy kay sa bay uɗ ɦawa na gorɗi.

KALKIRA 20:16

«Aŋ di dlara co kay ndaraŋgi.

1 TIMOTE 3:11

Boyogosi mba lini boyogi suu ɗegeena ka suu ɦalinaɗi, asi mba doo tasiya ɗegee hu tlena bel.

VUN ŊGOLNA 21:4

Ii mayra gol golla ŋga tara u huu ma ŋga tara ɦayna, saɓak ma vi sa ma dlam cona, halaŋ ca ni sulukŋa.