SOOLLA 10:14 - Boy Lonana

¹⁴ Halaŋ ca ni aŋ ka wiya, aŋ ka wi lassa vi suunara, aŋ min taŋ a njun usira. Sa ma hahawra hin tammi hu duk koŋu, kay aŋŋi sa ma njun u suu kuyuna.

SOOLLA 10:14 ပူးပေါင်းရင်းမြစ်များ

SOOLLA 68:5

Gagi soolla maŋ Lona, gagi soolla u semu, minigi voɗta Lona tuɗ hura kiyo. Sem ana Yawe, furiyugi fokomu.

SOOLLA 146:9

Yawe ka gol suu poy kolona, nam njun suu kuyuna u boyogi suu donora, may suu hurusi cona nam viɗisi kiyo.

Magaara Vi Sa Jok Vun Lona OZE 14:3

Vagi boyna kogi hin hoŋogi ay eg Yawe dam ana, «Aŋŋi sa bulum cora ki halaŋŋa, min dlara jivira, balam bolo mbutlina ami hin ɦaŋ a ɓivunna ni boy ma funumina.

JEREMI 49:11

«Ndak haɗ huruk kay goryok suu kuyunaɗi, an hin wulusi ni anu. Boyogi mak suu hin ki donorana saa ni kan anu.»

SOOLLA 55:22

Vunum njaɗ dlara mbulna cocoo, hurum kurufu ni duuna may. Boy mamma jivi su mbulna lay, doli ni ko ŋgew ma digiina na.

GA 8ATAMBARA 10:18

Ma li ɗegeera kay gor suu kuyuna u boyogi suu donora, ma min suu poy kolona ɦasi tina u baraw ma cuk tasina.

1 PIYER 5:7

Tokogi yoo magira halaŋ kay Lona kay ndaɗta nam hin gologiya.

1 PIYER 4:19

Ko ndaɗta na suu wihawra u minda vi Lona tuɗ fok a li jivira u hurusi halaŋ maŋ Lona ma li tlena halaŋŋa, ma li u vi vun mammana.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

HABAKUK 1:13

Iriŋ ki saɓaki pasiyak a wi cora, aŋ ka min col gol dla cora u iriŋgi, ni kay me aŋ min gol suu li dla cora may, seŋ taŋ, ka di vaɗi hu li ma sa cona ka ci sa jivi suumma kina nige?

JEREMI 51:56

Gasi nam ka mbay kaɗu, sa li dla cora, mbay kay Babilon. Suu maɗ suu saɓakŋa casi ki wa, gu mburu masira kusuɗ ki wa. Yawe ni Lo ma wi hoŋdira, nam wi yal ma warak suuna kay dla coosira.

JEREMI 16:17

Irin ka tinira kasi hu liisi ma tuɗtana ta, va ka viɗ irinɗi. Dla coosira ka ndak a ŋgay irinɗi.

VUN ŊGOLNA 15:3

Ii Yawe ka ki hu lina halaŋ, wi suu cona u suu jivina halaŋ.

SOOLLA 35:22

Aŋ wi wa may, Yawe, ŋgel humuŋ kiɗi, Bu Suuna, tuɗ ki egen dayɗi.

SOOLLA 22:11

Ay hu li ma an kal ay ki huu sun na gawni, an hin tanni hu duk koŋu, ay kurufu huu sun lay ni aŋŋi Loonna.

2 DLAŊ MULINARA 6:23

aŋ ha kolo huulona day ni huma, kaɓakŋa ki duk suu sun maŋsina, kaɓakŋa kay sa ma dlara vamma, hoŋom dlaamba co ndaɗta ni kay duduu yamu. Sa ma ɗegeena aŋ lam dlaamba ni u ɗegee mamba may.

2 MULINA 9:26

An, Yawe, wi dla ndaɗta ki halaŋ hu li ma aŋ ci Nabot u goryom kina. An, Yawe, suu tan ana an hin kaaŋ ɓakŋa kaŋ kay dla ndaɗta ni hu sene namma na gay may.» Jehu hin di ana, «Tli maɗ Joram gam ha ki hu sene namma, ko ndal Yawe di ay ki fok jewra na.»

SUU KAƁAKŊA 1:7

Adoni-Bezek yoo tam di ana, «Muli suu asi kaasi gogor kosi u gogor sesi kina na dok-kiɗisiya ay vaa tlesuu tira suu yakki kaŋgana ni u tabul manda, dlara an laɗta Lona hoŋonda kan wa may.» Asi mbaaram ay ki hu Yerusalem. Nam mba miɗ ki ni huwa.

HEBRENA 4:13

Va ma ŋgay ii Lona kaɗi. Tlesuu nam lasina halaŋŋi ki fokom nam Lona ni siiliya, aygi di kay dlaaygira halaŋ fokom namu.

JOEL 3:4

Faɗta hin mbuɗ ki ndufunda, tilna hin mbuɗ ki busuna may, hu buu ma Yawe mbana ma dlam ti tara ɦayna.

EZAYI 10:3

Hu buu ma kaɓakŋa agi hin li tagi ni nanage? Hu li ma bil mbona mba wa toko ni agi hin li ni nanage? Sa ma agi hin liŋ egem a njun kagina ni gege? Bege magira agi hin cukuɗ ni arage?

JEREMI 23:24

Lini sana ŋgay tam ha ki day lay ni, an hin ka wambi su? Di na ni Yawe. An oy li ma kolona u li ma kaŋgana, ka ki ni anɗi su? Yawe di na.

URA TIN AYRA 21:17

Lona hum tiina vi goona. Sa sunda huulona vi Lona yi Hagar ay kolo ana, «Me lak ge, Hagar? Li ndaaɗi, Lona hum tiina vi goona ay hu li ma nam ka hu wanna.

URA TIN AYRA 31:12

Nam di ana tli iriŋ kolo, gol gige, ŋgekgi suu un dogonira wanna halaŋ tasi klekle, jari may, ndunduɓuk may. Kay an wi dlara Laban laŋga egeŋga halaŋ.

KALKIRA 2:25

Lona wi suu Israelna las hu mbaɓura nani, humum gamu.

KALKIRA 22:22

Lini aŋ lasamu, nam yi ha kolo egen wa ni, an humum tii mamma.

KALKIRA 22:26

Kay nam kom dew ni vaam ma ŋgom tamma. Aŋ buurumma ki wa ni nam hin buu njeŋge ni u mege? Aŋ li ka ɦammaɗi, nam tii ha kolo egen wa ni an humum tii mamma kay anni sa ma wi hahaw suuna.

2 SAMUEL 16:12

Kala, Yawe hin wan hahaw manda ay, hin ɦan jivira ay kala, balam givun mamma karamma.»

2 DLAŊ MULINARA 24:22

Mulna Joas humum ka gam kay jivira bum Yoyoda lambara kekgi. Nam cam goromma kiyo. Hu li ma nam a miɗna ni nam di ana, «Ko Yawe wiya, nam hin joɓ u dla ndaɗta ni namu.»

SOOLLA 31:8

An luu ni luu ma furira kay ɗegee maŋga, kay aŋ wan hahaw manda wa, aŋ saa kay las manda.

SOOLLA 68:6

Bu suu kuyuna, ma njun kay boyogi suu donona, ni Lona ma kaki hu Ziim ma Teteɗna.

VUN ŊGOLNA 15:25

Yawe to zi ma vi suu ŋga tasina kiyo. May nam col zi ma vi cara donara eŋe.

YOORA 3:59

Aŋ golla, Yawe, ko asi lan dla cora egen na ni, aŋ gan ii dlaanda u ɗegee manda.

YOORA 3:60

Aŋ wasi sa sugul masina ki halaŋ. Dla cora asi landa egenda halaŋ halaŋ.

Magaara Vi Sa Jok Vun Lona OZE 14:4

Asiri ka ndak a suɗumiɗi. Ami ka ful kolo kay kulumbi, ami hin ka di olo ana tlesuu ami minisina ni Loominaɗi, aŋ taŋga sa ma ka wi hahaw goo ma kuyuna.»