SOFONI 3:5 - Boy Lonana

⁵ Yawe ka hu ɦoŋzina, nam li ɗegeera, ka li coɗi. Maɗii tew tew nam ka kaɓakŋa, hu buuna tew tew nam ka li va ma coɗi. May sa ma cona ka wi zolonaɗi.

SOFONI 3:5 ပူးပေါင်းရင်းမြစ်များ

GA 8ATAMBARA 32:4

Nammi Ҥinina, sun mamba halaŋ u voɗoɗu, Voɗ mamba tuɗta halaŋŋi ɗegee. Ni Lo ma ɗegeena, dlara guni ka hurumbi. Nammi gasi u ɗegee.

YOORA 3:23

Maɗii tew tew ni ndaɗ wiliya. Ɗegee maŋga ŋgol cocoo.

SOOLLA 145:17

Yawe ɗegee hu dlaamba halaŋ, ɗegee hu sun mamba halaŋ lay.

SOFONI 3:15

Yawe yowok ɓak ma gin kak nekŋa ki wa, nam tin ii babali makŋa ha ki hu li ma daŋŋa wa. Mul ma Israelna, Yawe, u tamba ka varaku. Ndak ka li ndaa ko dla coraɗi.

EZAYI 28:19

Hu li ma ndaɗ mbana halaŋŋi hin vagiya. Kay ana ndaɗ hin tin koɗ ki kagi hu buuna tew tew, faali lay, njeŋge lay. Hin li ni ndaa ma cocona ma a tak dlara ŋgayra kina.

SOFONI 3:17

Yawe, Lookŋa, ka vo varaku, u saɓak mamma, a su kay suunara. Nam furi cocora ni kaku, u min mamba nam holoŋok kolo ki wiliya. Nam luu njoŋŋa furi coco ni kaku.»

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

GA 8ATAMBARA 23:14

Sa ma asgaana gegelay ni li va ma vek zulla komu, hu li ma nam kal ki doŋ kaana wa ni nam vek zulla hin tos soɗom ki ga huwa.

1 PIYER 1:17

Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.

ROMMA 3:26

Cemi wanda nam tak dlara nam mbuɗ suuna ɗegeera nam min a mbuɗ suu tin hurusi kay Yesuna ki ɗegee may.

ZAKARI 2:5

An tli irin kolo na ni, an wi tlena. Sana u zew ma ŋgara kom viiya.

SOOLLA 37:6

Nam hin takaŋ ɗegee maŋga ki ko kiɗikkana, dlaaŋga jivira hin tak ki ko kiɗik faɗta na.

JOB 34:10

Humungi haa, agi suu saaragi jivina. Lona huu ma co ka hurumbi. Ma Saɓakŋa ka li dlara guniɗi.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

ROMMA 2:5

Aŋ sa ma huruŋ cona ka min a jok huruŋ zeɗɗi, ni kay ndaɗta aŋ tok ɓak ma ŋgolna kaŋ wa, falira Lona hin a kaɓak mamma ɗegeena.

Boy Ma Ayra Ma LUK Ɓiirimma 12:2

Va yam ki baarina suuna hin wam kiyo. Boy ma ki ŋgayna um hin gi ki lay.

SOFONI 2:1

Mologi kay tagiya, mologi kay tagiya, agi suu zolo ka cagiɗina.

HABAKUK 1:3

Aŋ mbuɗun a an wi dla cora u irin ŋgolla na ni kay mege? Aŋ min colla col duk suu li dla cora su? Fokon halaŋŋi suu li dla cora ɦurum tlena vi suunana. Hu li ma kaɓakŋa ni honira hin yow koloo.

MISE 7:9

Yara vi Yawera, an ndak vaɗ kanu, kay ana an li sulukŋa egem ta ta hu li ma nam kaan ɓak manna mbuɗun ki jivina. Nam hin kalan ay ki ii kiɗikka an hin golom sun mamba ɗegeera.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

EZEKIYEL 48:35

Fiyek gulumun ma ŋguy kay ɦoŋzinana li halaŋŋi meter buɓ buɓ dleeŋe. «Sem ɦoŋzi namma asi yam ana Yawe Samma ni ana Yawe ka tani.»

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

JEREMI 8:12

Asi ki viɗiya kay ana asi li dla cora ɦay, may asi ka mbuɗ zoloɗi, asi ka saa kay hahaw masiraɗi. Na ɗaŋŋi asi hin puk ki kaŋga ko suu hiŋŋa na. Hu buu ma kaɓakŋa ni asi hin ka fi sesi ma collaɗi. Yawe di na.

JEREMI 6:15

Asi ki viɗiya kay ana asi li dla cora. Na may asi ka min wi dla coosiraɗi. Asi ka saa kay dlara mbuɗusi ki zolonaraɗi. Na ɗaŋŋi asi hin puk ki kaŋga ko suu hiŋŋa na. Asi hin daɓ pukka kaŋga hu li ma an hin kaasi ɓakŋa kasina. Yawe di na.

JEREMI 3:3

Yo lo ma si ŋgolona doorom ki kak wa. Lo ma si ŋgoo daganna ka mba oloɗi. Na may ndak su vunna u yamba eŋga a li gawlaŋŋa ka vi dla cookka kakgi.

EZAYI 50:4

Bu Suuna Yawe haɗan dlara an daɗta ni namu, kay a an ɗil ii suu ki loɓina, a an dam boy mamma maɗiiya, maɗiiya tew tew. Nam minin humun ki a humba ko suu haɗina humba na.

EZAYI 45:21

Dagi boy namma ha ki maŋ suuna, vasi u dla ndaɗta kiyo, lagi tokka ko tagi dew. Sa ma tak dlara li wanda ay ki fok jewna ni gege? Ni ka Anɗi su? Yaweɗi su? Lini anɗi ni lo ma daŋ kaɗi, anni Lo ma ɗegeena, Lo ma suɗ suuna. Lo ma daŋ kaɗi, ni an dew daŋ.

EZAYI 33:2

Yawe wami hahawami aya, ami tin hurumi ni kaŋu. Hu maɗiira halaŋ aŋ li a saɓak mamina ni aŋu, Aŋŋi a sa ma buɗumi ki hu dlara yoora famira.

JOB 8:3

Aŋ wi ana Lona kaɓakŋa ni kay gasira, ɗegee mamba ka mbuɗɗi.

URA TIN AYRA 18:25

Aŋ ka ndak a li naɗi, suu ɗegeena u suu cona aŋ ka ndak a baasi ki ko tasi dewɗi. Aŋ li u suu ɗegeena ko suu cona su? Aŋ ndak a li naɗi. Sa ma kaɓakŋa kay suu kay ndaŋgara halaŋŋa hin li ni u ɗegee mam ndaɗtaɗi su?»

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

JOB 7:18

Hu buuna halaŋ aŋ ka gol sana tew tew. Aŋ ka tukum hu lina halaŋ lay.

SOOLLA 92:15

Lini asi ki mbuɗi maa lay ni asi ka vuɗ gak gak, Kay asi ka u mbirisi egesi, humusi ɗuffi tew tew.

EZEKIYEL 18:25

Agi hin di ana, Voɗta vi Bu Suunara ka jivi oloɗi. Humugi haa, agi suu Israelna, voɗ manda ka jiviɗi ni ndaɗ na ɗow su? Voɗ magira ka jiviɗi ni ndaɗ na ɗow.

Magaara Vi Sa Jok Vun Lona OZE 14:9

Efrayim, va ma an hin lam u fulinana ni me ologe? Anni sa hoŋom dirana, ni sa ka golomma lay. An tanda ni ko ndal ŋgusu sipre na humum ka ɗuf tew tewna na, vuɗuŋ col ay ni egenu.

SOFONI 3:13

Suu Israel suu hinna hin ka li cora oloɗi, asi hin ka kaboyna oloɗi, sa hin ka humusi boy ma ganyam funusi oloɗi. Asi hin taa yoorina hin koɗ tasi lay, sa hin ka mbuɗusi ndaana oloɗi.»

Magaara Vi Sa Jok Vun Lona OZE 6:5

Kay ndaɗta an waɗagi u suu jok vun lona. An casi ki u boy ma kal ha ki fununna, ɓak man ma kara njay ha ki ko kiɗikka na.