SOFONI 3:4 - Boy Lonana

⁴ Suu maɗ suu jok vun Lona ni suu ŋga tasina, suu kulla lay. Muli maɗ suu li ɓivunna mbuɗ tlesuu li ɓivunna ki njenje lay.

SOFONI 3:4 ပူးပေါင်းရင်းမြစ်များ

EZAYI 9:15

Suu may suu tuɗ fok suu Israelna viɗisi ki wa. Suu asi tuɗ fokosina tli ni voɗta cora may.

JEREMI 23:32

An hin li dla cora eg suu jok vun Lona suu doyra kaboyna dasina. Yawe di na. Suu njaɗaɗ ki u kaboyna u dlaasira ganyamba viɗin suu mansina kiyo. An sunusi ay kaɗi lay, joɓosi va kaɗi lay. Asi ka li va ma jivi eg suu asinaɗi. Di na ni Yawe.

JEREMI 34:19

Maliyaŋ mbassa Yudara u suu Yerusalemma, sa ŋgol ma hu taraŋgana, muli suu li ɓivunna u suu maliyaŋ mbassana, suu calaɗ kay mbala goo mbutlna ki ɓorowi duk mbana halaŋ.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

EZEKIYEL 22:26

Muli masi suu li ɓivunna ɓalakan gaɗ manda kiyo. Asi mbuɗun tlegeyen suu teteɗna ki njenjera. Asi ka ɓorow ii tlesuu teteɗna ki u tlesuu ɦawanaɗi lay. Ka ɓorow teteɗta ki u njenjeraɗi. Asi dug irisi ki kay buu ma vi Lonna, mbuɗum ki dukusi lalassa.

EZEKIYEL 22:6

«Huruŋ aŋ zi ma Yerusalemma ni muli suu Israelna ka ci maɗna cocoo. Gegelay ni ci ni u ndak mamba.

EZEKIYEL 44:23

«Asi haɗan suu mansina kay tlesuu vi Lonna u suu ɦawana, haɗasi tlegesuu teteɗna u tlegesuu njenjena.

Magaara Vi Sa Jok Vun Lona OZE 9:7

Li ma kaɓakŋa mba wa, li ma ɓak dlara mba wa, Israel wam kiyo. Sa jok vun Lona mbuɗ ki laɓaa, mbuɗ ni sa saaram kaɗina, ni kay ŋgol dla cora aŋ laɗta, ni kay ŋgol duu ma aŋ duurumma.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MALASI 1:6

Goona ŋga bumu, sa sunda ŋga malamma. Doli wani an li ni Buna ni ŋgara agi ŋgaanda ni arage? Li ni anni sa haɗagina ni humba agi humunda arage? Yawe, ma saɓakŋa kom belna, dagi na, agi li ɓivunna u tlesuu ɓeŋen sen kina. Agi hoŋdira ana, «Ami ɓeŋeŋ seŋ ki ni u mege?»

MALASI 2:7

A gasira ni sa li ɓivunna ni sa wi dlara, suuna hum boy ma gaɗ tasina ni funumu, kay ana nammi sa vun sunda vi Yawe ma Saɓakŋa Kom Belna.

MALASI 2:8

Agi may ɗaŋŋi viɗigi ki wa. Agi viɗ suuna u haɗ magira cocoo. Agi ɓeŋegi banara vi Levira ki wa. Yawe, ma saɓakŋa kom belna, di na.

MATIYE 7:15

«Lagi tagi jivi ko suu kaboyna ana asi ni suu jok vun Lonna. Asi mba egegi ni, mbuɗ tasi ko timigiina na, doy hurusi kurufu ni, ko bosokona na.

2 KORINTNA 11:13

Suu asina ni suu vovoɗta suu bay gasina, asi kaboyna kay sun masira, mbuɗ tasi ana asi ni suu vovoɗta vi Kristu.

1 JAŊ 4:1

Banayanna tinigi hurugi kay suu di kay tasi ana Musuk Lonara hurusiyana halaŋgi, agi tukusi a hal ki ana musukka hurusira col ay ni vi Lona ko su? Kayme suu jok vun Lona suu cona zul ki kaŋga hu duliyara waɗi.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

SUU KAƁAKŊA 9:4

Asi ɦam gursura dok-kiɗisiya ni gursura ay hu ziŋ loosina Baal-Beritta. U gursu ndaɗta ni Abimelek yow suu poy kolo ɦawana kay ceremu, warakasi u ndaɗu.

1 SAMUEL 2:22

Heli mbuɗ ki maara cocoo. Nam hum dlara goryom ka laɗ eg suu Israelnara halaŋ. Asi buu u boyogi suu ka moli kaŋga fun Mbutluɓ ma Tokka hurumma lay.