SOFONI 3:20 - Boy Lonana

²⁰ Hu buu namma an hin hoŋogi ay voo, hin li ni hu buu ma an hin tokogi kay tagina. Segi hin tii ki kay yam mbassa, an hin mbuɗugi suu ŋgolona duk suu kay ndaŋgarana, Yawe di ana an hin mbuɗugi dlaagira jewra ki jivira ni irigi gaw.

SOFONI 3:20 ပူးပေါင်းရင်းမြစ်များ

SOOLLA 35:6

Ko voɗ masira mbuɗ ki ndufunu u dlaaɗaɗta lay, hu li ma sa sunda vi Yawe ka dikisina.

EZAYI 56:5

an hin kakam hu ziinna, hu gulumun manna, u sem ɓiiri huwa, ni nam hin fi ni dlara jivi su gorrara. Sem hin li ɓiiri kon na din din, ka bulum kiɗi.

EZAYI 56:8

Bu Suuna Yawe ma taɓ yam suu Israelna kel tasina di ana, «Cemi an tok suuna ay ki kel tasi wa, suu hinna an hin taarasi ay ki hu olo.»

EZAYI 60:15

Jew ni suuna noyogi kiyo, sa ma minigi kaɗi, sa ma mba a heɗegi kaɗi lay. Cemi ni ka na oloɗi, agi mbuɗ ni li ma furira a fafaɗta, furi ndaɗta ha ni na gak gak.

EZAYI 61:9

Njafagi ka hin viɗ ka ki duk njaf suunaɗi. Goryogi dlasi hin li ni ŋgolo ii suuna halaŋ. Suuna fasi ni aragelay ni wasiya, asi ni njaf ma Yawe paɗ vunum ki kamma.

EZAYI 62:12

Asi hin yasi ana, «Suu may suu teteɗna,» «Suu vi Yawe suu nam buɗusi ay kina.» Asi hin yi zi ma Yerusalemma ana, «Zi ma halamma,» «Zi ma sa ka noyom kiɗina.»

EZAYI 62:7

Ka hinim a koɗ tambi, ta ta Yerusalem min ki tuwa. Hin a zi ma Yerusalemma fi ŋgolla a suu kay ndaŋgarana halaŋ ŋgaammi nam dew.

EZAYI 66:22

Na daŋ may ko huulona ma wilina u ndaŋgara wilira na an min a colosi fokon eŋ didin di na ni Yawe u tamba. Njafagi hin lak ka eŋga ni na gak gak, segi hin yi ka na didin.

JEREMI 23:3

«An may ni hin tok u suu man suu hinna kay tasiya, hu mbassa an njayasi ki hura halaŋ. An hin hoŋosi ay hu kaana asi hin zul coco lay, fi begera coco lay.

JEREMI 29:14

Agi hin fan may. Di na ni Yawe. An hin hoŋogi balamagiya, an hin tokogi eg tagi u njafagi bel, ay hu li ma an njayagi ay ki huna bel may. Di na ni Yawe. An hin hoŋogi hu li ma an yowogi ay huna may.

JEREMI 30:3

Buuna hin mbaa, Yawe di na, an hin hoŋ suu man suu Israelna u suu Yudana aya. Yawe di na. An hin hoŋosi ay hu mbas mayra an ɦaɗ ki maŋ somoyosira. Asi hin tlaɗ a jona.»

JEREMI 33:9

Asi hin li ni a gogor guun ma ɗuf wilina, ni semma tiira, ni dlara eg sana jivi mayra tak ki maŋ njaf suuna kay ndaŋgara halaŋ ana an ɦal tlesuu jivina maŋ Yuda u Israel ɦay lay. Asi hin mbuɗ ki ndaana ko tlesuu jivi suu an ɦasisinana lay, begera an ɦasira ŋgol cocora lay.

EZEKIYEL 16:53

An hin mbuɗusi dlaasira, ko dlara vi Sodomma u goryoɗta na, vi Samari u goryoɗ may. An hin mbuɗuk dlaak ndak takkara dukusi ni zeɗ may.

EZEKIYEL 28:25

«Bu Suuna, Yawe, di ana, hu li ma an tok yam suu Israelna ay ki kel tasi hu li ma an njayasi ay ki huna halaŋ halaŋ, an hin tak teteɗ manda ki dukusi ii njaf suu daŋŋa halaŋ. Asi hin mba cuk ziisi ki hu mbas masira, mbassa an ɦaɗ maŋ saan ma sunda Yakobpa.

EZEKIYEL 34:16

Yoo ma viɗ kina an hin halam aya, ma tuɗ ki dayna an hin koɗom irim ay may. Ma gayam ki kusina an hin jakamu, ma tuguɗiira an hin ɦam saɓakŋa. Na may yoori suu ɗoori cocona u suu saɓak cocona, an hin baasi kiyo. An hin taa yoori mansina ni u ɗegeera gasira.

EZEKIYEL 37:12

Kay ndaɗta aŋ tuɗ dasi dlara kiyo, dasi ana, Bu Suuna Yawe di ay ana, an hin malagi vun zulugi kiyo, an hin selegi ay ki hu zulugiya. Suu mansina, an hin mbaaragi ay ki kay mbassa Israella.

EZEKIYEL 37:21

Aŋ dasi ana, Bu Suuna, Yawe, di ana, an min tok suu Israelna ay ki hu mbassa asi ay ki njay hura halaŋ hu duk kon dew. An hin mbaarasi ay ki kay yam ndaŋga masira.

EZEKIYEL 39:13

Suu Israelna halaŋ hin pasiya. Asi hin furi coco hu li ma an hin tak bibiŋil manda kina. Di ni Bu Suuna, Yawe.

EZEKIYEL 39:28

Asi hin wi ki ana anni Yawe, Loosina. Kay hu li ma an njayasi ay ki duk njaf suu daŋŋa ni an hin tokosi ay vo balamasi kay ndaŋga masira. An ka hinisi ha ki hu li namma oloɗi.

JOEL 3:1

Ŋgoo dagan dla ndaɗta wanni, an hin njay Musuk manda ki kay suuna halaŋ. Goryogi u gorɓii magisina hin jok boyna kiyo, suu maana doyra hin dasiya, gorzoŋŋi magisina hin wi tlena.

AMOS 9:14

An hin mbuɗ ɦalla vi suu man suu Israelna kiyo, asi hin hoŋ ɦoŋzi ma ɓeŋem kina minda, kak huwa. Asi hin pi ŋgusu gugutlura a hin caɗ sumuɗta, asi hin horok senena, tam vuɗum may.

MISE 2:12

An hin tokogi kay tagiya, suu vi Yakobma halaŋ halaŋ, an hin tok suu Israel suu hinna, an hin taɓasi dew ko ndal timigii suu vi Bosrana na, ko ndal yoorina ay hu li ma tira na. Del suuna hin kal ay ki dukusiya.

MISE 4:7

Duk suu dalira an hin mbuɗusi a ura hinda, suu ay ki njayna a mbas mayra saɓakŋa. Kolo kay ɦinira Siyonda Yawe hin li ni a mul masina cecem wanda, hu fokka a fafaɗta.

SOFONI 2:7

Mbas ndaɗta hin hin ki ni maŋ suu usi hin hu Yuda ndena, asi hin taa yoori masisina hu li namma, asi hin koɗ tasi fiɗigi hu ɦoŋzi ma Askalonna. Kay Yawe, Loosina, hin njunusi hu kaɓakŋa hin mbuɗusi dlaasira ki jiviya.

SOFONI 3:19

An hin kaɓakŋa kay suu lasakŋa halaŋ, hu buu namma wanni an hin suɗ timigii suu dalira kiyo, an hin tok timigii suu viɗ kina kay tasiya. An hin mbuɗugi suu ŋgolona, segi hin fi ŋgara hu mbassa agi fi dlara zolona huruɗta halaŋ.

ZAKARI 8:13

Ko ndaɗta na, agi li ni suu wi hawra ay duk suunana zi ma Yudana, zi ma Israelna, na may an hin suɗugi kiyo, agi hin fagi paɗvunna. Lagi ndaanaɗi, soogi ugiya.

ZAKARI 8:8

An hin hoŋosi aya asi hin kak hu Yerusalem. Asi hin li ni suu mansina, an hin li ni Loosina may, hu ɗegeera u jivira.

MALASI 3:12

Suuna hin li furira kagiya, kay agi ni suu paɗvunna li ki kay ndaŋga magirana, Yawe, ma Saɓakŋa Kom Belna, di na.

GA 8ATAMBARA 26:18

Cemi ni Yawe vagi ki ni a suu mam suu kay tamma, ko nam di ay ki fok jewra na, agi may ni mba hum u gaɗ mamba halaŋ halaŋ may.

GA 8ATAMBARA 26:19

Na daŋ may Yawe Loogina minni ana agi mbuɗ ki ni a suu fokŋa, suuna ŋgaagi cocoo, segi tii ki cocoo, dlagi hum ha ki duk njaf suu nam lasina halaŋ, agi ni a suu ki teteɗ maŋ Yawe Looginana ko nam di ki fok jewra na.