SOFONI 3:2 - Boy Lonana

² Ndaɗ hum yira kaɗi, ndaɗ vi haɗta ka kaɗɗi, ndaɗ hum vun Yawe kaɗi, ndaɗ ɦuɗ taɗ ay ka eg Looɗnaɗi.

SOFONI 3:2 ပူးပေါင်းရင်းမြစ်များ

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

SOOLLA 10:4

Hu ŋga taamba nam di ana, Lona ka a kaam ɓak kambi, kay «Lona kaɗi». Nam ɓii tam na.

SOOLLA 50:17

Aŋ sa ma ka ŋgelen gaɗ mandana, aŋ sa ma cukun boy manna ki ŋgoroŋ daganna.

SOOLLA 73:28

Jivi manda kay tanda ni ana kak na tok eg Lona. An ŋgay tanni eg Bu Suuna Yawe, an min njaɗaŋ dlaaŋga ki halaŋ.

SOOLLA 78:22

Kay asi tin hurusi ka kay Lonaɗi, asi vi ka ana nam a suɗusi kiyoraɗi.

VUN ŊGOLNA 1:7

Ndaa ma lam u Yawena ni sok wira ŋgolla gaw. Yalna u haɗta, suu laɓana san u dla ndaɗta ni asi hol.

VUN ŊGOLNA 5:12

Aŋ hin mbuɗ ɓak taŋ ana, «An hum ka u haɗtaɗi ni kay mege? Hurun vi dla mayra dandara kaɗi ni kay mege?

EZAYI 1:5

Agi min a waɗagi ni ana me ologe, agi suu tuɗ fok u dla cora gak gakŋa? Yagi halaŋ mbuɗ ki ni tuguɗiyo. Hurugi mbuɗ maŋiya.

EZAYI 29:13

Bu Suuna di ana, suu asina ɦuɗ tasi ay egenni u boy ma dira ɦawaa, asi ŋgaanni u vunusi ɦawaa. Na may hurusi kurufu ni ha ki day egenu, Ndaa ma asi lam konna ni u gaɗta vi suu warnara ɦawaa, ni dlara asi haɗaɗta ɦawaa.

EZAYI 31:1

Hahawra ka kay suu hoŋ irisi ga tuɗ ŋgay hu Egiptena, suu tin saa masira kay kulumi suu bolow cocona, asi gol ni kulumi suu taɗ pus pusna, kay asi saɓak cocoo. Asi ka saa kay ma teteɗ ma vi suu Israelnaɗi. Asi ka min a hal Yaweɗi.

EZAYI 43:22

Bu Suuna di ana, agi yan sen ka hu cen magiraɗi, agi suu Israelna njaf Yakob, agi cen ka kanɗi, dlara agi laɗta halaŋ laɗ ka u senɗi.

EZAYI 9:12

Suuna hoŋ ay ka eg sa ma ka casinaɗi. Asi hal Yawe ma Saɓakŋa Kom Belna, kaɗi.

JEREMI 13:25

Gola ni dla cookka. Ni ta an ŋgaakka kakka. Yawe di na. Ndak mayra maaran ki hin li dlara bay uɗta.

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

JEREMI 22:21

An ɓak u aŋŋi hu li ma dla ka kaŋ tuɗi na, aŋ hoŋon dira ana, «Aŋ ka min a humbi.» Ni dlara aŋ laɗ ay u goo taŋ dayra, aŋ humun delen ay kaɗi a fafaɗta.

JEREMI 32:33

Asi ɦan zagaɗasiya, ka ɦan hurusiɗi, an haɗasi na tew tew lay ni asi ka humunɗi, ka van haɗ manda kasiɗi lay.

JEREMI 35:13

«Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, tuɗ di suu Yudana u suu hu Yerusalemma. Na ni agi ndak a humun gaɗ manda u boy manna ɗaŋ su? Yawe di na.

JEREMI 35:17

Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

EZEKIYEL 22:24

«Goŋ sanna di mbassa Yerusalemba ana, hu li ma hurun ki ɓeŋina ni lo si ka huruɗɗi. Ndaɗ ki ni njenjee, buu ma yara.

EZEKIYEL 24:13

Yerusalem, ndak mbuɗ tak ki njenjera u dlaakka cora. An hal a mbusuk lay ni ndak ka min mbus ki oloɗi. Na may ni ndak ka ndak a mbus ki oloɗi ta ta yaanda daɓ ki egek tuwa.

SOFONI 1:6

An hin bulum suu ɦal ŋgorosi maŋ Yawe ka pereɗ irisi ay egembi layna kiyo, ka halambina, ka joɓom va kombi layna.

2 TIMOTE 3:16

Magaara vi Londa ɓiiri halaŋŋi nam fo musuk mamba kaɗu, ndaɗ jivi a haɗ gasira kay gaɗ sana takam coomba a nam kak jivi ɗegee.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.