SOFONI 3:19 - Boy Lonana

¹⁹ An hin kaɓakŋa kay suu lasakŋa halaŋ, hu buu namma wanni an hin suɗ timigii suu dalira kiyo, an hin tok timigii suu viɗ kina kay tasiya. An hin mbuɗugi suu ŋgolona, segi hin fi ŋgara hu mbassa agi fi dlara zolona huruɗta halaŋ.

SOFONI 3:19 ပူးပေါင်းရင်းမြစ်များ

EZAYI 26:11

Cemi Yawe koŋ ka tli koloo asi ka wambi lay. Na may asi wi huruŋ ma haɗ kay suu maŋsinana asi mbuɗ ki zolona. Kura aŋ miniɗ kay suu babali maŋsinara ŋgalasi ki wa.

EZAYI 33:1

Hahawra ka kaŋ aŋ sa ma ɓalak tlena kina, ma sa ɓalakaŋ aŋ taŋga ka ki ɗewɗina. Aŋ sa ma kaf dlara ha kay suuna sa kafaŋ taa ka kaŋ ɗewɗina. Hu li ma aŋ hin ɓalakka ɓalak tlenara wa ni aŋ taŋga hin ɓeŋ ki may. Aŋ hin kaffa kaf suuna u dlara wa ni taŋga asi hin kafaŋ u dlara ni na may.

EZAYI 60:14

Suu may suu lasagina hin mba cok yasi ga fokogiya, suu may suu panagina halaŋ hin mba goɓ ga u segiya. Asi hin yagi ana, «Ҥoŋzi ma vi Yawena,» «Siyon ma vi ma teteɗ ma vi suu Israelna.»

EZAYI 60:18

Hin ha fokka ni della ya ta las suuna ka njaɗ hu mbas magira oloɗi. Ka li ii hagara u suu ŋguy kay mbas magiranaɗi lay. Aŋ hin tin sem gulumun maŋŋa ni ana, «Suɗta.» Vun grekŋa aŋ hin yammi ana, «Geleɗta.»

EZAYI 61:7

Pan ma suuna panagina u zolona ka lagi oloɗi, agi hin yowosi nus ndaŋga masira ay ki a jona. Furi magira hin li ha ni na gak gak.

EZAYI 62:7

Ka hinim a koɗ tambi, ta ta Yerusalem min ki tuwa. Hin a zi ma Yerusalemma fi ŋgolla a suu kay ndaŋgarana halaŋ ŋgaammi nam dew.

JEREMI 30:16

Na ɗaŋŋi suu caŋ kina hin casi ki may. Suu babali maŋsina halaŋ dukusi sa ka hin kiɗi, hin tuɗ ki ŋgayra. Suu ɦurumuŋŋa hin ɦurumusi ki may. Suu ɦurumuŋŋa halaŋ an hin suuna ɦurumusi ki may.

JEREMI 30:19

Suuna hin gi deɓpa ŋgol cocoo, vun sunna hin soo a li luuna. An hin mbuɗusi ki bolowo, asi hin ka hoŋ ki kaŋga oloɗi. An ɦasi saɓakŋa wa.

JEREMI 31:8

An hin mbaasi ay ki hu mbassa ii mbayawra, hin tokosi eg tasi hu vun ndaŋgara ma daɓma. Dukusi ni suu dugina ka lay, suu dalira ka lay, boyogi suu wiina ka lay, suu ndak ki a vuɗtana ka lay. Asi hoŋ ay tani suuna bolow cocoo.

JEREMI 33:9

Asi hin li ni a gogor guun ma ɗuf wilina, ni semma tiira, ni dlara eg sana jivi mayra tak ki maŋ njaf suuna kay ndaŋgara halaŋ ana an ɦal tlesuu jivina maŋ Yuda u Israel ɦay lay. Asi hin mbuɗ ki ndaana ko tlesuu jivi suu an ɦasisinana lay, begera an ɦasira ŋgol cocora lay.

JEREMI 46:28

Aŋ saan ma sunda Yakob li ndaaɗi. Yawe di na. An ka u aŋu. An ci njaf suu an manaŋ ay ki dukusina ki halaŋ halaŋ. Na may aŋ wanni an ka caŋ ki koɗi. An haɗaŋ a aŋ li u gaɗta ka hiniɗ jak ki kaŋgi.

EZEKIYEL 16:27

Gola an tin kon kak wa. An hin dagarak suu maksina kiyo. An hin hinigi ni duk ko suu babali maksina, gorɓii suu Filistinna tasi mbuɗ ki zolona ko dlaagira cora.

EZEKIYEL 16:57

Hu li ma dla cookka bay tak ki kiɗik tunaɗi su? Ko ndaɗta na may ndak hin cemi fun gorɓii suu vi Sirina ni a va ma ndal ndalla, u ndaryasi suu vok zina halaŋ. Gorɓii suu Filistinna ka ŋguluk ay keŋ hu gak lay.

EZEKIYEL 34:16

Yoo ma viɗ kina an hin halam aya, ma tuɗ ki dayna an hin koɗom irim ay may. Ma gayam ki kusina an hin jakamu, ma tuguɗiira an hin ɦam saɓakŋa. Na may yoori suu ɗoori cocona u suu saɓak cocona, an hin baasi kiyo. An hin taa yoori mansina ni u ɗegeera gasira.

EZEKIYEL 39:13

Suu Israelna halaŋ hin pasiya. Asi hin furi coco hu li ma an hin tak bibiŋil manda kina. Di ni Bu Suuna, Yawe.

EZEKIYEL 39:26

Asi hin maa zolo masina u bay ɗegee masira asi laɗ ay egen hu li ma asi ay laki kay ndaŋga masira u heɓpara kiyo. Sa ma ay a ŋgenesi hu li namma kaɗi lay.

MISE 7:10

Ndaɗ hin wi ki jiviya, babali manda, ndaɗ hin mbuɗ ki zolona, ndaɗ mayra li dan ana, «Yawe, Looŋŋa, ni aragera?» Irin ka tini kaɗ ta, an hin tayaɗ ki kaŋga u sen ko ndal luɓuna hu voɗtara na.

SOFONI 3:15

Yawe yowok ɓak ma gin kak nekŋa ki wa, nam tin ii babali makŋa ha ki hu li ma daŋŋa wa. Mul ma Israelna, Yawe, u tamba ka varaku. Ndak ka li ndaa ko dla coraɗi.

ZAKARI 8:23

Yawe, ma Saɓakŋa Kom Belna, ɓak ana, hu buu namma wanni suuna doogo hu njaf vun ma suuna ɓakamma hin taɓ tasi eg sa Juif maa dew vam vun baraw mamma hin di ana, «Ami min a tuɗ u agiya, kay ami hum ana Lona ka u agiya.»

GA 8ATAMBARA 26:19

Na daŋ may Yawe Loogina minni ana agi mbuɗ ki ni a suu fokŋa, suuna ŋgaagi cocoo, segi tii ki cocoo, dlagi hum ha ki duk njaf suu nam lasina halaŋ, agi ni a suu ki teteɗ maŋ Yawe Looginana ko nam di ki fok jewra na.

HEBRENA 12:13

Tuɗugi hu voɗta jivi ɗegeera, kay gayagi ma dalina irim mba ɗoɓ kiɗi, doli nam garaɗ ki jiviya.

WIRA ŊGAYRA 20:9

Asi hin njay ki kay yam ndaŋgara halaŋ hin ŋguy ki kay zi ma vi suu vi Lonna u suu hu ɦoŋzi ma Lona minimma lay. Kura hin mbay kolo huulona ŋgalasi ki bel.

SUU KAƁAKŊA 1:7

Adoni-Bezek yoo tam di ana, «Muli suu asi kaasi gogor kosi u gogor sesi kina na dok-kiɗisiya ay vaa tlesuu tira suu yakki kaŋgana ni u tabul manda, dlara an laɗta Lona hoŋonda kan wa may.» Asi mbaaram ay ki hu Yerusalem. Nam mba miɗ ki ni huwa.