SOFONI 3:17 - Boy Lonana

¹⁷ Yawe, Lookŋa, ka vo varaku, u saɓak mamma, a su kay suunara. Nam furi cocora ni kaku, u min mamba nam holoŋok kolo ki wiliya. Nam luu njoŋŋa furi coco ni kaku.»

SOFONI 3:17 ပူးပေါင်းရင်းမြစ်များ

URA TIN AYRA 1:31

Lona wi ana tlesuu nam lasina halaŋ jivi cocoo. Njeŋgera liya, maɗiira fo may, ni buu ma karkiyana.

URA TIN AYRA 17:1

Hu li ma basa Abram li ki dok-dleeŋe yam dleeŋe ni, Yawe tak tam ki irim dam ana, «Anni Lona ma Saɓakŋa. Aŋ poy fokonu li ɗegee.

URA TIN AYRA 18:14

Va ma su kay saɓakŋa vi Yawe ka su? Daa ko wanda na an hoŋ ay ni mba fi Sara u go njufna koɗu.»

URA TIN AYRA 2:2

Lona daɓ sun mamba ki hu buu ma karkiyana, hu buu ma kiɗisiyana ni nam koɗ tam kay sun mamba nam laɗta halaŋ.

SOOLLA 147:11

Yawe minni suu lam ndaaramma, u suu minim ɗegee mambana.

SOOLLA 149:4

Kay Yawe njun kay suu mamsina, suu hoŋ yasi gana nam ɦasi saɓakŋa.

SOOLLA 78:65

Ko ndal sa ma ay buuri senna na, ko ndal sa ma ay gurɗi u summa na, Bu Suuna dliɗ ki kolo wa.

EZAYI 12:2

Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

EZAYI 18:4

Kay Yawe dan ana, An kakŋi na en, an gol ay ni hu liin ma an kaki huna na wana, ni ko ndal zamalla li hu li ma faɗta faalina na, ko ndal ɗugulla li kolo faali hu li ma suuna a feɗ wanara na.

EZAYI 63:1

Sa ma tuɗ ay col ay hu mbassa Edomba namma ni gege? Ay hu zi ma Bosrana u baraw ma tlawna tamu. Vun baraw mamma ki ŋgufi u kura funumu, tuɗ u saɓakam cocoo, sa namma ni gege? «Ni an, Bu Suuna, an ka u saɓak ma suɗta, an mba ni a tak ki ni kiɗikka ana an tiwara.»

EZAYI 63:12

Nam ma saɓak mamma ka kay bik ko Moiz ma njufna, ma so mbo lumma ki voɗ suu mamsinana, ma tin sem ana, ma kak dindinna.

EZAYI 65:19

An hin furi coco kay Yerusalem, an hin furi kay suu mansina. Del tii ma yoo ka hum hu ɦoŋzi namma oloɗi.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

JEREMI 32:41

Furi manda hin li ni kay ɦalla ɦasi tlesuu jivinara. Gasi, an hin kakasi hu mbas ndaɗta. An hin li dla ndaɗta ni u hurun halaŋ u tanda halaŋ lay.»

Magaara Vi Sa Jok Vun Lona OZE 14:4

Asiri ka ndak a suɗumiɗi. Ami ka ful kolo kay kulumbi, ami hin ka di olo ana tlesuu ami minisina ni Loominaɗi, aŋ taŋga sa ma ka wi hahaw goo ma kuyuna.»

JOEL 2:21

Ndaŋgara li ndaanaɗi, li furira kay Yawe li tlesuu ŋgolona ni namu.

SOFONI 3:15

Yawe yowok ɓak ma gin kak nekŋa ki wa, nam tin ii babali makŋa ha ki hu li ma daŋŋa wa. Mul ma Israelna, Yawe, u tamba ka varaku. Ndak ka li ndaa ko dla coraɗi.

SOFONI 3:5

Yawe ka hu ɦoŋzina, nam li ɗegeera, ka li coɗi. Maɗii tew tew nam ka kaɓakŋa, hu buuna tew tew nam ka li va ma coɗi. May sa ma cona ka wi zolonaɗi.

NDUMBA 14:8

Lini Yawe waygi hahawaygi wa ni nam hin tiniygi hu mbas ndaɗta, nam hin ɦaygira, mbas mayra law mbul yumma u mbiira.

Boy Ma Ayra Ma LUK Ɓiirimma 15:32

Ay ndak a luu luu ma furira kayme wayaŋŋa gin ay ki ni ko miɗira na, cecemi nam mbuɗ ki ni iiriya. Nam ay ki ni baaya, cecemi an fam wa.»

Boy Ma Ayra Ma JAŊ Ɓiirimma 13:1

Hu buu namma ni jew luu ma Pakŋa. Yesu wi ana fat mayra nam hin suu hu duliyarana ka ta, tuɗ kolo eg Bum Lonara, ndakiya. Nam min suu mam suu hu duliyara cocoo. Nam minisi na gak gak tew ki u ndaɗta.

Boy Ma Ayra Ma JAŊ Ɓiirimma 15:11

«An dagi boy namma na ni, a furi manda li u agiya, furi magira hin li u voɗoɗ may.

GA 8ATAMBARA 23:15

Kay Yawe Loogina u tamba mbay hin hoŋ dukugi hu kaŋŋa a suɗugi kira, ɦagi suu babali magisina ki hu duk kogi lay. Na ni huu kaŋ magina ki jivi teteɗ su, ka a Yawe Loogina, wi va ma njenje ma zolo u irimbi, li wa na ni nam ka mba dukugi oloɗi.

GA 8ATAMBARA 30:9

Yawe Loogina hin ɦagi furira hu dlara agi laɗta halaŋ. Nam hin zulugi gorra kogi cocoo, zulugi yoorina, jifigi wana coco lay, kay Yawe furi coco kay ɦis magira ko nam li ay u somoyogira na may.

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.