SOFONI 3:15 - Boy Lonana

¹⁵ Yawe yowok ɓak ma gin kak nekŋa ki wa, nam tin ii babali makŋa ha ki hu li ma daŋŋa wa. Mul ma Israelna, Yawe, u tamba ka varaku. Ndak ka li ndaa ko dla coraɗi.

SOFONI 3:15 ပူးပေါင်းရင်းမြစ်များ

URA TIN AYRA 30:23

Ndaɗ vi wiina, vuɗ go njufna di ana, «Lona tlan zolona ki kan wa.»

SOOLLA 149:2

Ko suu Israelna furi kay sa ma lasina, ko goryoŋ Siyonna li luu ma vi mul masinana.

SOOLLA 19:9

Gaɗta vi Yawera ndaɗ ɗegee, ndaɗ furi huu sa ma li uɗna. Boy Yawena ni gasi nam mal ira kiyo.

SOOLLA 85:3

Aŋ bulum cora vi suu maŋsina ki wa, aŋ baarasi yam suluk masina ki halaŋ.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

EZAYI 25:8

Nam hin doo miɗna ki a fafaɗta. Bu Suuna Yawe hin saɗ simi ma ii suunana kiyo. Hu mbassa halaŋ nam yow zolona ki kay suu mamsina. Yawe u tamba di na ni namu.

EZAYI 33:22

Na daŋ may Yawe ni saaygi ma kaɓakŋa, nammi sa ma ɦaygi gaɗta, Yawe ni mul maygina, nam buɗuygi ki ni namu.

EZAYI 35:10

Suu Yawe buɗusi ay kina hin hoŋ aya. Asi hin cuk hu zi ma Siyonna ni u soolla furira. Golosi irisi ni u furira ka daɓ kiɗira. Ayra u furira ŋgafasi aya. Yoora u hahawra yow liŋŋa may.

EZAYI 51:22

Gola Yawe, malagina di ana, an tlaŋ kop ma lassa ndaɗta ki wa, kop ma yaanda ay oy huna. Las ndaɗta ka a laŋ oloɗi a fafaɗta.

EZAYI 52:9

Gagi soolla furira agi suu Yerusalemma halaŋ suu las ayna, kay Yawe ɗil ii suu mamsina wa, nam suɗ Yerusalem ki wa.

EZAYI 54:14

Aŋ hin kak eŋŋe va ma ŋgeneŋ kaɗi. Aŋ ka li ndaa ko suu babali maŋsina oloɗi, aŋ buɗ ki wa ko dlara laŋ ndaana, ndaɗ ka laŋ va oloɗi.

EZAYI 60:18

Hin ha fokka ni della ya ta las suuna ka njaɗ hu mbas magira oloɗi. Ka li ii hagara u suu ŋguy kay mbas magiranaɗi lay. Aŋ hin tin sem gulumun maŋŋa ni ana, «Suɗta.» Vun grekŋa aŋ hin yammi ana, «Geleɗta.»

EZAYI 65:19

An hin furi coco kay Yerusalem, an hin furi kay suu mansina. Del tii ma yoo ka hum hu ɦoŋzi namma oloɗi.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

EZEKIYEL 35:10

«Kay agi di ana, njaf suu mba' asina u mbassa mba' ndaɗta hin mbuɗ ki ni mamiya. Ami hin tlaɗ kiyo. Doliɗi ni Yawe kaa.

EZEKIYEL 36:15

An ka hin a njaf suu ɦawana mbaarak dlara zolona kak oloɗi. Suu taa ka ndak a ŋguluk oloɗi lay. Ndak ka li dlara daɓ sem suu maksina oloɗi lay. Di ni Bu Suuna, Yawe.»

EZEKIYEL 39:29

An ka ŋgay tan ki irisi oloɗi kay ana an fo Musuk manda kay suu Israelna. Di ni Bu Suuna, Yawe.

EZEKIYEL 48:35

Fiyek gulumun ma ŋguy kay ɦoŋzinana li halaŋŋi meter buɓ buɓ dleeŋe. «Sem ɦoŋzi namma asi yam ana Yawe Samma ni ana Yawe ka tani.»

AMOS 9:15

An hoŋosi kay ndaŋga masira, sa hin ka dikisi ki kay ndaŋga masira oloɗi, ndaŋga mayra an ɦasirara. Yawe, Looŋŋa, di na.

MISE 7:10

Ndaɗ hin wi ki jiviya, babali manda, ndaɗ hin mbuɗ ki zolona, ndaɗ mayra li dan ana, «Yawe, Looŋŋa, ni aragera?» Irin ka tini kaɗ ta, an hin tayaɗ ki kaŋga u sen ko ndal luɓuna hu voɗtara na.

HABAKUK 2:17

Gasi saɓak ma aŋ lam ay hu Libanna pereɗ kaŋ wa, mbuuri suu ɓeŋ tlegena kina hin casi kiyo kay busu suuna, kay dla cora laɗ hu mbassara, hu zi ma ŋgolna u suu ɦurumma halaŋ.

HABAKUK 2:8

Ko aŋ ɦurum suuna bolowra na, njaf suu hinna halaŋ hin ɦurumuŋu, kay busu ma vi suunana kay saɓak ma aŋ lam kay mbassana, hu zi ma ŋgolna u suu ɦurumma halaŋ.

SOFONI 3:17

Yawe, Lookŋa, ka vo varaku, u saɓak mamma, a su kay suunara. Nam furi cocora ni kaku, u min mamba nam holoŋok kolo ki wiliya. Nam luu njoŋŋa furi coco ni kaku.»

SOFONI 3:5

Yawe ka hu ɦoŋzina, nam li ɗegeera, ka li coɗi. Maɗii tew tew nam ka kaɓakŋa, hu buuna tew tew nam ka li va ma coɗi. May sa ma cona ka wi zolonaɗi.

ZAKARI 12:3

Gasi, hu buu namma wanni an hin tin Yerusalem ki fok suuna halaŋ ko ndal gogoyra sa ka ndak a tlaɗ ki koloɗira na. Gegelay ma min a tlaɗ kolona hin dak tamu. Na lay njaf suu kay ndaŋgarana halaŋ hin vi vunusi kaɗu.

ZAKARI 14:11

Asi hin kak huwa, dla co hin ka li oloɗi, Yerusalem hin kak u heɓpa.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

Boy Ma Ayra Ma JAŊ Ɓiirimma 1:49

Natanael dam ana, «Mala Haɗta, aŋŋi Goŋ Lonna, Mulna vi suu Israelna.»

Boy Ma Ayra Ma JAŊ Ɓiirimma 12:15

«Zi ma ŋgol ma Siyonna, Li ndaaɗi, gol mul maŋŋa ka mbaya nam kak kay goo korona.»

Boy Ma Ayra Ma JAŊ Ɓiirimma 19:19

Pilat dasi ana asi ɓii kam kolo hu guna ana, «Yesu ma Nazaretna, Mulna vi suu Juifna.»

Boy Ma Ayra Ma JAŊ Ɓiirimma 5:30

«An ndak ka a li va kay tanɗi. An kaɓakŋa ni u va ma bun danana, kaɓak manna ni u voɗomu, kayme an ka hal a li dlara kay tandaɗi, an li ni dlara sa sunun ayna miniɗta.

WIRA ŊGAYRA 12:10

An hum della ay kolo huulona di eŋga ana, «Cemi suɗta vi Lona mba wa, cemi Lona tak saɓak mamma mulla ki wa, cecemi Kristu tak ŋgol mamba ki wa kay sa ma gonokka u gorseyna ma coli fok Lona faali lay njeŋge lay a duu u asira dikim ay ki kaŋga wa.

WIRA ŊGAYRA 18:20

«Huulona furi kay ɓalak mamba, suu njafna vi Lonna halaŋ lagi furira, suu vovoɗta u suu jok vun Lona, Lona kaɓakŋa kay zi namma ni kay cora nam lakira egegira.»

WIRA ŊGAYRA 19:16

Sem ma ɓiiri kay baraw mamma u gayam kaŋgana ko fok wanda na, Mulna vi mulina, Bu Suuna vi Bu Suuna.

WIRA ŊGAYRA 7:15

Ni kay ndaɗta asi ka coli fok dlamba mulla vi Lona, asi sun Lona njeŋge lay faali lay hu Ziŋ Lonara. Sa ma kaki kay dlamba mulla njun usi ni namu.