SOFONI 3:12 - Boy Lonana

¹² Suu an hin hinisi varakŋa ni suu hoŋ yasi kaŋgana u suu hawra, asi hin hal li ma ŋgayra ni u sem Yawe.

SOFONI 3:12 ပူးပေါင်းရင်းမြစ်များ

EZDRAS 9:8

Cecem wanda lina jakki tani nde ni heɓpa vi Yawe, Loominara, hinimi umi taa suɗ nde, ɦami lina ka hu liim ma teteɗna, na ɗaŋŋi, Loomina, malami irimi kiyo, ɦami iirira ay hu liimi ma mbaɓura.

SOOLLA 37:40

Yawe njunusiya, buɗusi ki lay, nam buɗusi ki ko suu cona, suɗusi kiyo, kay asi ŋgay tasi ni egemu.

EZAYI 14:30

Suu ay las cocona Bu Suuna hin ɦasi tina, suu hawra hin koɗ tasi u heɓpa, na may njafaŋ halaŋ an hin casi ki u mayra u suu maŋ suu hinna hin casi kiyo.

EZAYI 14:32

Ay hin hoŋ dira maŋ suu may suu Filistinna sunusi ayna ni ana mege? Ay hin dasi ana, «Ko Yawe min Siyon koloo, a suu mam suu maŋina fi koɗ tara huwa.»

EZAYI 29:19

Suu hoŋ yasi gana hin furi coco hu Yawe. Suu hawra hin furi kay sa ma Teteɗ ma vi suu Israelna.

EZAYI 50:10

Dukugi ni sa ma li ndaa Yawe ka su? Sa namma humum vun saam ma sunda haa, sa ma ka tuɗ duk ndufunda bay wi kiɗikka tu ka su? Nam tin saa mamba ni kay sem Yawe, nam deŋ tammi eg Loomma na ɗow.

EZAYI 6:13

Lini keŋ ma doogona vi mbas ndaɗta suɗ ko las ndaɗta lay ni, ŋguy masira mba kasi ni u kura may. Ni ko ndal suuna ka ɦoyna kira na, sariyam hin hin kaŋga ni nam hol kay sarina ni ii njaf ma teteɗna.»

JEREMI 17:7

Heɓpa ka kay sa ma tin saaram kay Yawena. Yawe hin mbuɗ ni saɓak mamma.

JEREMI 50:20

Hu li namma na ni, Yawe ɓak hu li namma na gaw ana, Asi hin hal u dla cora Israel laɗta may, ndaɗ hin viɗ kiyo. Dla cora Yuda laɗta lay ndaɗ hin viɗ ki may, ka faɗ oloɗi. An hin heɓ hurun ki eg suu an hinisi iirina.

EZEKIYEL 6:8

«Na may u suu hin dew dewna tuɗ ki duk njaf suu daŋŋa wa, hu li ma agi njay ki wa hu mbassa daŋga ni, an hin gol u suu hin ndena.

MISE 5:6

Suu vi Yakob suu usi hinna hin li duk ɦoŋ suu bolow cocona, ko ndal mbaɗagira col ay eg Yawera na, ko ndal lo ma si hum usuna na, ta ka juɓ va ko saɗira na, ka saa kay va ko suu warna naɗi layra na.

NAHUM 1:7

Yawe jiviya, nammi ŋgus ma kay suuna hu buu ma wi hawrana. Nammi sa gol suu ŋgay tasi egemma.

ZAKARI 11:11

Boy namma um gi ki kolo hu buu namma. Suu li paa yoorina suu humunna wi ana gasi ni boy ma Yawe ɓakamma.

ZAKARI 11:7

An taa doli ni yoori suu paara ɦasi ki a ŋgaɗtana. An yow tokolora taa yoona mba'. An yira jewra ana, «Jivira», ta mbara ana «Humba» an gijaŋ taa yoorina.

MATIYE 11:5

Suu dugina mbuɗ wiya, suu dalira mbuɗ tuɗa, suu liɓina mbuɗ ki jiviya, suu ŋgelina mbuɗ huma, suu miɗina paɗ ki kolo iiriya, Boy ma Ayra jok ki maŋ suu hawra halaŋ.

MATIYE 12:21

Suuna halaŋ hin tin saa masira kamu.»

MATIYE 5:3

«Furira ka kay suu wi tasi hawra hurusi fok Lonna, Mulla huulonara ni masiya.

ROMMA 15:12

Ezayi di olo ana, «Sa ma hu njafna vi Jesena hin mbaa, kak mulla kay njaf suuna halaŋ, hurum namu suuna hin mba juɓum u heɓpa.»

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.