SOFONI 3:11 - Boy Lonana

¹¹ «Hu buu namma ni ndak hin ka haɗ huruk kay dlaaka cora oloɗi, kay yara ndak landa egendaɗi lay, kay hu li namma an yow suu ŋga tasi cocona ki varak da, ndak hin seŋ li mayra li dla cora kay ɦini manda teteɗta kiyo.

SOFONI 3:11 ပူးပေါင်းရင်းမြစ်များ

EZAYI 54:4

Li ndaaɗi, kay dlara zolo ka faŋ oloɗi. Li zoloɗi kay sa ma ndak a panaŋ ka oloɗi. Aŋ hin maa zolo ma laŋ ay u goo taŋŋa kiyo, humuŋ hin maa dono maŋga ay jewra ki lay.

EZAYI 11:9

Va ma co ka li kay ɦini manda teteɗtaɗi, ɓalakka kaɗi, kay yam mbassa halaŋ hin oy ki u wira vi Yawe, ko ndal mbona oy ki hu lummara na.

EZAYI 61:7

Pan ma suuna panagina u zolona ka lagi oloɗi, agi hin yowosi nus ndaŋga masira ay ki a jona. Furi magira hin li ha ni na gak gak.

1 PIYER 2:6

Gola ni va ɓiira hu magaara damma, «An manni ɦini ma dlam ŋgolna, an tinimmi a ɦini ma gi u zina hu Siyon kamma, sa ma tin hurum kamma ka mbuɗ zoloɗi.»

ROMMA 9:33

Ɓiira di ana, «Gologi an tin hu Siyon ɦini ma daɓ semma ni ɦini ma ndi sana kaŋgana sa tin hurum kamma ka mbuɗ ki zoloɗi.»

MATIYE 3:9

Saaragi hurugi ana, Abraham ni bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?

DANYEL 9:16

Bu Suuna, u sun maŋga ɗegeera, ko yaaŋga u huruŋ ma zalina li kay Yerusalem ziiŋŋa, ɦini maŋga teteɗtaɗi ni kay suluk mamina u cora vi somoyomira, Yerusalem u suu maŋsina mbuɗ ni va ma ŋgulla maŋ suu ŋguy kamina halaŋ.

JEREMI 7:4

Halagi boy ma mbambara a hoŋogi dira ana, «Ni ziŋ Yawera, ni ziŋ Yawera, ni ziŋ Yawera. Nam ki tani wanna.»

EZAYI 45:17

Yawe suɗ suu Israelna ki ni namu. Suɗ ndaɗta hin ha kasi ni na din din. Agiya zolo ka kagiɗi, ŋgul kaɗi lay, ha ni a fafaɗta.

ROMMA 2:17

Aŋ sa ma di ana aŋŋi sa ma Juifna aŋ coli eŋga kay gaɗta, ka li zolo kay Looŋŋaɗi.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

DANYEL 9:20

An ɓak tu may, cena hom coonda ki may, cora vi suu Israelna may, tin yoo manda fok Yawe, Lo manna, kay sem ɦinira teteɗta vi Loonnara.

EZEKIYEL 24:21

Di suu Israelna ana, Bu Suuna, Yawe, di ana, an min ɓalak Ziinda kiyo, ŋga taagira kay saɓak maginara, furi magira agi laɗ wanda, hurugi ma tini kay iiri magirana. Goryogi suu njufiina u gorɓiina suu agi hinisi hu Yerusalem wanna ŋgewna hin casi kiyo.

SOOLLA 49:5

An tin humun a hum vun ŋgolna, hu li ma an ci diŋŋa ni an gi u dlara ŋgayra kiyo.

NDUMBA 16:3

Asi mba mol kolo fok gi Moiz u Aaron dasi ana, «Tlaagira ndakami wa. Suu Israelna halaŋŋi teteɗ, Yawe ka ni dukusi halaŋ, agi tli tagi kolo kay suu vi Yawena na halaŋŋi kay mege?»

SOOLLA 59:12

Casi kiɗi, kay a suu mansina maa ki kasiɗi, geŋeɗesi u saɓak maŋŋa, pukusi gaa. Bu Suuna aŋŋi mbari mamina.

SOOLLA 131:1

Soolla suu tuɗ luu ma vi Lonna gaɗta, vi David. Yawe, hurun ka ŋga tam oloɗi, irin ka gol ha ki na day oloɗi. An ka hal ŋgolla oloɗi lay. Ka hal dlara su saɓakandaɗi lay.

EZAYI 2:12

Kay ana buu ma vi Yawe, ma Saɓakŋa Kom Belna, hin mbaa, ni kay suu ka furiya, ŋga tasina u suu tli yasi kolona, suu asina halaŋ hin hoŋ ki dagani.

EZAYI 5:15

Suu warna halaŋ yasi hin hoŋ gaa, sana hin hoŋ ki dagani. Suu ŋga tasina hin cok yasi ki gaa.

EZAYI 56:7

an hin tuɗusi kay ɦini manda teteɗta, an hin oyosi u furira, hu ziinda cenda. Ɓivun masi ma asi lamma an vam u furira kay ziinda asi hin yaɗ ana, zira cenda vi suuna halaŋ.

JEREMI 13:9

«Yawe ɓak anaba, ni ko ndaɗta na an hin ɓeŋ furira vi Yudara kiyo, furira jivira vi Yerusalemba.

EZEKIYEL 20:40

Bu Suuna Yawe di ana, agi suu Israelna hin sunungi ni kay ɦini manda teteɗta, ɦinira wuli kolo fiyek coco ɦayra. Ha hu li namma ni an hin vi tlesuu agi ɦansinana, ɦal magi ta ɦawara jivira u tlege suu agi ɦansina ki manna halaŋ.