SOFONI 2:7 - Boy Lonana

⁷ Mbas ndaɗta hin hin ki ni maŋ suu usi hin hu Yuda ndena, asi hin taa yoori masisina hu li namma, asi hin koɗ tasi fiɗigi hu ɦoŋzi ma Askalonna. Kay Yawe, Loosina, hin njunusi hu kaɓakŋa hin mbuɗusi dlaasira ki jiviya.

SOFONI 2:7 ပူးပေါင်းရင်းမြစ်များ

URA TIN AYRA 50:24

Yosef di gorsemma ana, «An miɗni miɗiya. Lona hin gologi kaa, nam hin hoŋogi ha ki hu mbassa nam suu tam kaɗ ana nam hin ɦaɗ maŋ Abraham, maŋ Isaak, maŋ Yakobpa.»

SOOLLA 80:14

Zeŋ ma col ay ŋgoo bagina ka ɓeŋeɗ vuɗuɗ kiyo, tle bagi suu ŋgoo hu senenana ka taɗ ki cocoo.

SOOLLA 85:1

Soolla vi sa ma fok suu gi soollana, soolla vi goryoŋ Korena.

KALKIRA 4:31

Suuna vi boy namma. Asi wi ki ana Yawe mbay a njun kay suu Israelna wa, nam wasi hahaw masira ay wa, asi goɓ ga cen Lona.

EZAYI 11:11

Hu buu namma ni Bu Suuna hin maɗ kom njun kay suu mamsina a yamba mbara, kay a buɗ u suu mam suu hin ay ko suu Asirina u suu Egiptena ndena kira, suu ay hu Patros, Kus, Elam, Sinear u Hamatna u suu ay kay daara duk lum ŋgolnana may.

EZAYI 11:14

Njaf suu mba' asina taɓ tasi ni kay cee suu Filistinna suu u fiɗiginana dew. Asi taɓ dew tuɗ ɦurum suu u maɗiinana. Asi hin duu suu Edomma u suu Moabma goryoŋ Amonna hin li ki ni usi gaa.

EZAYI 11:16

Voɗta hin li hu maŋ suu mamsina maŋ u suu mam suu hin ay hu Asiri ndena. Ko ndal voɗta hin ay ki maŋ suu Israelna hu li ma asi sel ay ki hu Egiptera na may.

EZAYI 14:1

Yawe hin wi hahaw Yakob. Nam hin man suu Israelna olo. Nam hin hoŋosi ay hu mbas masira. Suu koyogina hin taɓ ay u asiya, asi hin cuk tasi duk suu vi Yakobma.

EZAYI 32:14

Ziŋ mulna ta ŋgolla sa ka huruɗ oloɗi. Ҥoŋzi ma suuna li vunna hu cocona sa ka hu dew oloɗi. Ҥoŋzi ma yam ana Ofelna u zi mayra mini kolo fiyekka hin ki ni ɦawaa. Kini a li ma buu tlebagina u li ma asi ti haɗna huna.

JEREMI 23:3

«An may ni hin tok u suu man suu hinna kay tasiya, hu mbassa an njayasi ki hura halaŋ. An hin hoŋosi ay hu kaana asi hin zul coco lay, fi begera coco lay.

JEREMI 29:10

Na ɗaŋŋi Yawe ɓak anaba, hu li ma basara dok kiɗisiyara jak ki kay Babilon wa ni an hin gologiya, hin tak dla mayra an vi vunun kaɗ a laɗ kay hoŋogi ay hu li nammara.

JEREMI 29:14

Agi hin fan may. Di na ni Yawe. An hin hoŋogi balamagiya, an hin tokogi eg tagi u njafagi bel, ay hu li ma an njayagi ay ki huna bel may. Di na ni Yawe. An hin hoŋogi hu li ma an yowogi ay huna may.

JEREMI 3:18

Hu li namma ni suu vi Yudana hin taɓ ki u suu Israelna. Asi col ay hu mbassa mbayawra hin mbay ko tasi dew hu mbassa an ɦaɗ ki maŋ somoyosi a jonara.

JEREMI 30:3

Buuna hin mbaa, Yawe di na, an hin hoŋ suu man suu Israelna u suu Yudana aya. Yawe di na. An hin hoŋosi ay hu mbas mayra an ɦaɗ ki maŋ somoyosira. Asi hin tlaɗ a jona.»

JEREMI 31:7

Na ɗaŋŋi Yawe ɓak anaba, lagi furira u Yakob, lagi tlesuu ti suu jivina maŋ mul ma vi suunana. Lagi furira, ayagiya, dagi ana, Yawe buɗ suu mamsina ki wa, suu Israel suu usi hinna.

JEREMI 32:44

Suuna hin gus senena ŋgaam gusumu. Asi hin ɓii magaara gussa. Asi hin tin kosi huruɗ fok suuna hu mbassa vi Benjaminda, hu ɦoŋzi ma ŋguy kay Yerusalemma, hu ɦoŋzi ma Yudana, hu ɦoŋzi ma kay ɦinirana, hu ɦoŋzi ma hu Negebma, kay ana an hin hoŋosi ki balamasiya.» Yawe di na.

JEREMI 33:12

Na ɗaŋŋi Yawe, ma Saɓakŋa Kom Belna, ɓak anaba, hu li namma didiŋga jona suuna ka huɗi lay, mburina kaɗi layra, hu ɦoŋzi namma halaŋ kaana hin hoŋ balamam gira, ma suu taa yoorina hin tok timigii masisina ay asi koɗ tasi huna.

JEREMI 33:7

An hin hoŋ gi Yuda u Israel balamasiya. An hin hoŋosi balamasi ko asi li ay jewra na.

JEREMI 47:5

Vel ma wel yamba kal hu Gaza wa. Askelon mbuɗ ki seŋŋira na yerek yerek. Suu hin iiri hu ful masirana, ni saɓa ga agi hin mbuɗugi tagi gorira ni ge?

EZEKIYEL 39:25

Bu Suuna, Yawe, hin di ana, cemi ni an mbuɗ dlara vi Yakobpa ki zeɗ. An hin li oora kay suu Israelna, wasi hahawasiya. An hin tak yaanda ki kay sen ma teteɗna.

Magaara Vi Sa Jok Vun Lona OZE 6:11

Mak ndak Yuda may ni, an ka min tan a feɗta hu li ma an hin mbuɗ dlara vi suu mansina kira.

ABDIYAS 1:19

Asi tli mbassa vi Edom ta kaŋga ura, ɦinira vi Ezawra, mbassa kaŋga ura, mbassa vi suu Filistinna lay. Asi tli ndaŋgara vi Efrayimba, mbassa Samarira nam Benjamin tli mbassa Galaaɗta.

MISE 2:12

An hin tokogi kay tagiya, suu vi Yakobma halaŋ halaŋ, an hin tok suu Israel suu hinna, an hin taɓasi dew ko ndal timigii suu vi Bosrana na, ko ndal yoorina ay hu li ma tira na. Del suuna hin kal ay ki dukusiya.

MISE 4:10

Mbusuk ko ti tara hin gurniya, goora vi Siyon, ko ndal cara a vuɗta na kay cecem wanda ndak hin kal ki hu zina, ndak hin kak ki hu senena, ndak hin tuɗ ta ta tew Babilon, ndak hin fi buɗta ni hu li namma, hu li namma Yawe hin buɗuk ay ki ko suu babali maksina.

MISE 4:7

Duk suu dalira an hin mbuɗusi a ura hinda, suu ay ki njayna a mbas mayra saɓakŋa. Kolo kay ɦinira Siyonda Yawe hin li ni a mul masina cecem wanda, hu fokka a fafaɗta.

SOFONI 2:9

Ni kay ndaɗta Yawe, ma Saɓakŋa Kom Belna, Lona vi Israel suu tam u iiri mamba ana, Moab hin mbuɗ ki ko Sodom na, goryoŋ Amonna ko Gomor na. Asi hin mbuɗ ki ni sene ma wayra, mbuɗ ki ni li ma vuvuna, ndaŋgara bulumuɗ ki a fafaɗtara. Suu mansina usira hinda hin ɦurumusi tlegeyesiya, suu man suu hinna hin kak hu mbas ndaɗta.

SOFONI 3:13

Suu Israel suu hinna hin ka li cora oloɗi, asi hin ka kaboyna oloɗi, sa hin ka humusi boy ma ganyam funusi oloɗi. Asi hin taa yoorina hin koɗ tasi lay, sa hin ka mbuɗusi ndaana oloɗi.»

SOFONI 3:20

Hu buu namma an hin hoŋogi ay voo, hin li ni hu buu ma an hin tokogi kay tagina. Segi hin tii ki kay yam mbassa, an hin mbuɗugi suu ŋgolona duk suu kay ndaŋgarana, Yawe di ana an hin mbuɗugi dlaagira jewra ki jivira ni irigi gaw.

Magaara Vi Sa Jok Vun Lona AGE 1:12

Na ɗaŋŋi Zorobabel ma goŋ Salatiyelna u Josuwe ma goŋ Yosadakŋa, mul ŋgol ma li ɓivunna u suuna halaŋ hum del Yawe Loosina, u boy ma Age ma jok vun Lona ko ndal vun sunda Yawe, Loosina, dambara na. Asi suuna hin li ndaana fok Yawe.

Magaara Vi Sa Jok Vun Lona AGE 2:2

«Ɓak Zorobabel goŋ Salatiyel ma mul ma Yudana ɗaŋ, maŋ Josuwe goŋ Yossadakŋa, mul ŋgol ma li ɓivunna u suu hiŋŋa halaŋ may dasi ana,

Boy Ma Ayra Ma LUK Ɓiirimma 1:68

«Geleɗ Bu Suuna, Lo ma vi suu Israelna. Nam tin saa mamba kay suu mamma a suɗusi kira.

Boy Ma Ayra Ma LUK Ɓiirimma 7:16

Suu halaŋŋa mbuɗ ki ndaana, gijaŋ geleɗ Lona ana, «Sa jok vun Lona ma ŋgolna kal ay ki dukuygi wa. Lona mbay wa a njun u suu mamsina.»

SUNDA 8:26

Sa sunda vi Bu Suuna di Filip ana, «Tuɗ hu voɗta ii mbayaw tana, hu voɗta col ay Yerusalem a mbay kaŋga Gaza, voɗ ndaɗta ki ni hu fulla.»

SUNDA 8:40

Filip tew ki hu mbassa Azotta, poy hu ɦoŋzi ma ŋgolona, di Boy ma Ayra gak gak nam tuɗ tew ki hu Sesare.

ROMMA 11:5

Suu Lona manasi ay ki u jivi mamba ka cecemi na nde daŋ.

RUT Magaara Njaɗ Dlara vi Rut 1:6

Ndaɗ col u boyogi suu vi goryoɗna a hoŋ ay hu mbas maɗta, kay ndaɗ hum ana tina ka huwa. Yawe ka njun suu mamsina.