SOFONI 2:13 - Boy Lonana

¹³ Nam hin maɗ kom ha kay suu ii dalina hin ci suu Asirina kiyo. Nam hin bulum ɦoŋzi ma Ninivena kiyo, mbuɗum ki sooyra ko fulla na.

SOFONI 2:13 ပူးပေါင်းရင်းမြစ်များ

NAHUM 3:7

Lini suuna wak may ndi liŋŋa yi ha kolo iirisi ana Ninive ɓeŋ ki wa lay. Sa hin waɗ hahawaɗna ni gege? An hin hal suu heɓek hurukŋa ay ni arage?

NAHUM 1:1

Ɓak boyna kay Ninive. Magaara Nahum ma Elkokŋa ɓii dlara tak taɗ irimba huruɗta.

EZAYI 10:16

Kay ndaɗta Bu Suuna Yawe, ma Saɓakŋa Kom Belna, hin mba tla cora kay suu ɗoorina, asi hin iɗ kiyo, yamba hin vi kura kasi ko kura ŋgalla na.

EZAYI 10:12

Bu Suuna di ana, «Lini an daɓ sun manda ay kolo kay ɦinira Siyonda u Yerusalemba ki wa ni, an hin kaɓakŋa kay mul ma Asirina, kay ŋga taamba u tlira nam tli yam kolora.»

NAHUM 3:15

Ni hu li namma kura hin ŋgalak kiyo, ŋgewra hin daɓak buurukŋi huwa, asi komok ki ko baa jeena ti tlena kira na. Ulul ko baa jeena na. Ulul ko baara na.

MISE 5:6

Suu vi Yakob suu usi hinna hin li duk ɦoŋ suu bolow cocona, ko ndal mbaɗagira col ay eg Yawera na, ko ndal lo ma si hum usuna na, ta ka juɓ va ko saɗira na, ka saa kay va ko suu warna naɗi layra na.

EZAYI 11:11

Hu buu namma ni Bu Suuna hin maɗ kom njun kay suu mamsina a yamba mbara, kay a buɗ u suu mam suu hin ay ko suu Asirina u suu Egiptena ndena kira, suu ay hu Patros, Kus, Elam, Sinear u Hamatna u suu ay kay daara duk lum ŋgolnana may.

EZAYI 10:5

Hahawra kay suu Asirina, tokolo manda yara, tokolora koŋ ndaɗta ni hurum ma ɓeŋŋa.

EZAYI 14:26

Ni saa manda an hin a kaɓakŋa kay suu hu duliyarna ni na bel. Kon ki maɗi kay suuna ni na halaŋ.

EZAYI 37:37

Senakerib mul ma Asirina hoŋ dagan tuɗ Ninive kak ha ki huwa.

JEREMI 49:33

Hasor hin mbuɗ ni li ma bayakka ti huna, hin mbuɗ ni li ma ki kiɗik ma hahawra. Sa hin ka kak hu oloɗi, sa wara hin ka kak huɗi lay.

JONAS 1:2

«Col koloo tuɗ hu ɦoŋzi ma ŋgolna, Ninive, dasi boyna kay coosira. Kay ana dla cora hu ɦoŋzi nammara tew ha ki ta ta egenu.»

JONAS 3:2

«Col kolo, tuɗ hu Ninive, ɦoŋzi ma ŋgolna, tuɗ dasi boy ma an hin daŋŋana.»

SOFONI 1:4

An hin maɗ kon ha kay Yuda, kay suu hu mbassa Yerusalemba lay, an hin bulum tlesuu vi Baal suu usi hinna kiyo, sem suu mam suu sunda u muli mam suu li ɓivunna lay.