SOFONI 1:5 - Boy Lonana

⁵ An hin bulum suu goɓ kaŋga kay mbura kolora fok ciciwra, faɗta, u tilna kiyo, u suu goɓ kaŋga fok Yawena lay, suu hin suu tasi u sem loosina, Melekŋa, lay.

SOFONI 1:5 ပူးပေါင်းရင်းမြစ်များ

1 MULINA 11:33

Ni kay ana asi noyon kiyo. Asi goɓ kaŋga fok ciciwra, Astart, lo cara ta fi suu Sidonnara, fok Komos lo ma vi suu Moabma, fok Milkom lo ma vi goryoŋ Amonna. Asi min ka a tuɗ hu voɗ mandaɗi, ka li dlara irin ɗegeeraɗi lay, ka li u gaɗ manda u dlara an miniɗta ko bum David lira naɗi.

1 MULINA 11:5

Salomon goɓ ciciwra, Astart, lo cara ta vi suu Sidonnara, u Milkom, lo ma dlam co ma vi suu Amonna.

1 MULINA 18:21

Eli ɦuɗ tam ay eg suu halaŋŋa dasi ana, «Agi hin hinigi dlara yowoɗ kogi na mba' mbara ki ni saɓa tuge? Lini Yawe a Lona ni namu ni vagi um may. Lini Baal a Lona ni namu ni vagi um gaw may.» May suu Israelna sa ma hoŋom di na dew kaɗi.

2 MULINA 17:32

Asi li ndaa Yawe ha hu gak may, dukusi ni muli suu li ɓivunna hu li ma mbuy kolona kaa. Asi ka li ɓivunna ay u sesi kolo kay li ma mbuyna.

2 MULINA 17:33

Hu li ma asi ka li ndaa Yawena lay ni, asi tuɗ fok a sun loogi masi suu ɦawana gak may, ko asi ay li vo hu mbas masira jewra na.

2 MULINA 17:41

Ko ndaɗta na njaf suu zeɗ zeɗ asina li ndaa Yawe ha may, tokol fuli masisina ha hu gak may. Ni ko somoyosi li ay jewra na. Asi cemi ni li ni na lay.

2 MULINA 23:12

Nam hawaɗ otel ta muli suu Yudana miniɗ kolo kay yam zira vi Akazza kiyo u otel ta Manase miniɗ kurufu huu taraŋga eg Ziŋ Yawera mbara nam hawaɗasi ki lay. Nam toosi ki kaŋga hu li namma ni na guluk guluk gaw, cukusi kamayasi ha ki hu ɦuɗugumba Sedronda.

EZAYI 22:1

Gola ni dlara ŋgayra waɗ kay ɦuɗugumba Yerusalemba. Suu maŋsina ɗiŋ ki kolo kay yam ziginina na halaŋ halaŋŋi amege?

EZAYI 44:5

Gegelay dukusi ni hin di ana, «Anni vi Yawe,» suu daŋŋa hin tin sesi ana, «Yakob.» Suu hiŋŋa hin ɓii ki hu duk kosi ana, «Anni maŋ Yawe,» yi sesi ana Israel.

EZAYI 45:23

An suu tan ki ni u tanda tok di ana, va ma kal ay ki fununna ni va ma gasina, an di ni boy ma sa ka guri umbina. Vun gif suuna halaŋ hin goɓ ki kaŋga fokonu, vun suuna halaŋ hin mba suu tasi ki fokonu.

EZAYI 48:1

Humugi haa, agi suu vi Yakobma, agi suu yi tagi ana suu Israelna na. Agi suu njaf ma vi Yudana. Agi suu suu tagi u sem Yawena. Humugi gagi a suwa kay sem Lo ma vi suu Israelnana. Na may agi ka laɗ u gasiraɗi, ka u ɗegeeraɗi lay.

JEREMI 12:16

Lini asi haɗ tuɗta jivira wa ko suu mansina na, suu tasi u sen ana, «Bu Suuna ka iiriya,» ko asi haɗan suu mansina a suu tasi u Baalla na may ni, asi hin cuk ziisi duk suu mansina.

JEREMI 19:13

Zigini suu njenje suu Yerusalemma u muli suu Yudana mbuɗ ki ko li ma mbuyna na, gasi zigini asina halaŋ suu ŋgal ɓivunna kolo kay yasi maŋ suu duu suu huulonana, li ɓivunna maŋ loogi suu daŋŋa lay.

JEREMI 32:29

Suu Kalde suu ŋguy yam ɦoŋzi namma kina hin kal hurumu. Asi hin cuk kura kay ɦoŋzi namma. Asi hin ŋgalam ki u zigini suu ŋgalasi ɓivunna kolo kasi maŋ Baalna u sum ma maŋ loogi suu daŋŋa a ɓivunnana.

JEREMI 4:2

Lini ndak suu tak u iirira vi Yawera ni u gasira, ɗegeera u jivira, na ɗaŋŋi njaf suuna hin fi heɓpa u semu. Asi hin fi ŋgara ni umu.

JEREMI 49:1

Yawe ɓak kay suu Amonna anaba, na ni Israel gorra ka koɗɗi su? Suu a ti jona balamaɗna kaɗi su? Na ɗaŋŋi kay me Milkom tli Gad ki a jona ni ge, suu mamsina kak ki hu ɦoŋzina ni ge?

JEREMI 5:2

Asi ɓak coco, «U sem Yawe,» sun masira ki ni ɦawaa.

JEREMI 5:7

Duk dla cora ko wanda na ɗaŋŋi hin ɦak gira ni nanage? Goryok noyon kiyo, asi suu tasi u sem loogi suu ɦawana lay. An ɦasi tlena halaŋ, na may asi li zoŋga, asi zuɗ tasi fun ziŋ gawlaŋgara.

JEREMI 7:10

Hin hoŋogi ay mba col fokon hu zira sen ka ki kaɗ a di ki ana, «Ami ki suɗiya,» hin tuɗ fok u lira li dla cora na gak gak su?

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

JEREMI 8:2

Hin warasi ki i faɗta, i tilna maŋ suu duu suu huulonana suu asi minisina, sunusina, tuɗ usina, joɓosi layna, suu asi goɓ kaŋga fokosi layna. Sok namma taram taa ni tosom kaŋgaɗi, nam hin hinni a zozot ta cim ndaŋgara.

Magaara Vi Sa Jok Vun Lona OZE 10:2

Suu asina hurusi ki coo, cecem wanda asi hin waraka. Nam Yawe u tamba hin toosi otel masi ma li ɓivunna ki lay, ɓeŋesi ɦini masira asi ceɗeɗta ki lay.

Magaara Vi Sa Jok Vun Lona OZE 4:15

Li ni ndak tak ka Israel li gawlaŋŋa lay ni, Yuda gin ni ka kal taɗ hu dla ndaɗtaɗi. Tuɗugi Gilgalɗi, tlagi ha hu Bethel li ma kuraɗi, suurugi tagi ana, «Yawe ka iiriyaraɗi».

AMOS 5:26

Na may agi tlagi Sakut a mul magina, Kewan foto lo ciciw magira ma agi minimma.

MATIYE 6:24

«Sa ndak ka li sunda fok mulina mba'ɗi. Nam li min ma hiŋŋa ni hin maa ki dew. Nam li ɗegee u maa dew ni hin noy ma hiŋŋa may. Agi ndak a sun Lona may, gursura may na jakgi»

SUNDA 10:9

Vin maɗiira ni asi cuk tasi hu voɗta mba tew tok eg ɦoŋzina yam ana Yoppe, ni Piyer ɗiŋ kolo kay yam zira faali a cen Lona.

ROMMA 14:11

Kay magaara di ana, «Bu Suuna di ana an ka iiriya, suuna halaŋ hin mba goɓ vun givisi kaŋga fokonu, vun suuna halaŋ hin di ki u vunusi kolo a ŋga Lona.»

GA 8ATAMBARA 10:20

Agi li ni ndaa Yawe Loogina, sunummi nam dew, agi njun tagi ni egem dew, agi li suu tagi kay dlaa ni u sem dew daŋ.

GA 8ATAMBARA 4:19

Ka agi gol irigi kolo huulona wi gi faɗta, tilna u ciciwra tlesuu kolo huulonna halaŋ a zuɗugi a goɓ ga fokosiɗi, a sunusiɗi lay, kay asi ni tlesuu Yawe Loogina tunusi kolo huulona ni maŋ suu kay ndaŋgarana halaŋ.

JOSUWE 23:7

Kalagi ka vi suu ɦawa suu hin cuki keŋegi ca canaɗi, yagi sem loogi masisina funugiɗi, suu tagi u loogi masisinaɗi lay, sunusiɗi lay. Goɓogi ga fok loogi masisinaɗi ɗay.