SOFONI 1:18 - Boy Lonana

¹⁸ Gursu masira ɗowba bege masira ka ndak a buɗusi ki hu buu ma yara vi Yawenaɗi, ko yomus ma nam lam u kuranaɗi, yam ndaŋgara hin ŋgal kiyo, kay nam hin a bulum lina kiyo, dla ndaɗta hin ti tara cocoo, eg suu kay ndaŋgarana halaŋ halaŋ.

SOFONI 1:18 ပူးပေါင်းရင်းမြစ်များ

URA TIN AYRA 6:7

Nam di tam ɗaŋi ana, «Suu an cukusi kay ndaŋgarana an min baasi kiyo. Mburi suu ŋgolona u suu gorina u layagina lay, hurun haɗ kay cukka an cukusira.»

1 MULINA 14:22

Dee suu vi Yudana li dlara ka ii Yawe jiviɗira. Dla cora asi laɗ ndaɗta ɓalakam hurum egesiya, co su dlara somoyosi laɗ ay jewra.

JOB 21:30

Hu li ma dlara hahawra mba wa ni suu cona suɗ kiyo, yara vi Lonara hinisi ni ka ŋgenesiɗi.

JOB 3:15

An hin taɓmi ko tan u suu lorra oy usi oy oyna, suu huu ziisi ki oy u gursurana.

SOOLLA 78:58

Asi ɓeŋem hurum u goɓpa goɓ loogi suu ɦawana kolo kay ɦinira, fuli masisina ɓeŋem hurummi ɓeŋi na ɗow.

SOOLLA 79:5

Ҥi, Yawe, ya ndaɗta tuɗ ta ta tew ni ara na gage? Yaaŋga ŋgalami tami ko kura nara hin hinimi ni saɓage?

VUN ŊGOLNA 11:4

Hu buu ma yara vi Lonara ni begera ka li vaɗi, may ɗegeera hin buɗ sana ki fun maɗna.

VUN ŊGOLNA 18:11

Begera vi sa ma ɦizina ni a ɦoŋziim ma saɓak cocona, u saa mamba nam goloɗ ni a gulumun ma ka to ki ko saɗina.

EZAYI 1:24

Kay ndaɗta Bu Suuna Yawe, ma Saɓakŋa Kom Belna, mul ma vi suu duuna, saɓakŋa vi suu Israelna di ana, Hahawra, an hin sa sukulna kay suu gonok mansina, sa sugulun u suu babali mansina.

EZAYI 10:17

Lo ma vi suu Israelna ni kura, Lona ni kiɗikka vi suu Israelna, nammi sin kura ŋgalla, ni Lo ma teteɗna. Nam hin ŋgal gu ma siina kiyo, u meera lay ŋgalasi ki ni hu buu ma dewna.

EZAYI 10:3

Hu buu ma kaɓakŋa agi hin li tagi ni nanage? Hu li ma bil mbona mba wa toko ni agi hin li ni nanage? Sa ma agi hin liŋ egem a njun kagina ni gege? Bege magira agi hin cukuɗ ni arage?

JEREMI 7:20

Na ɗaŋŋi Bu Suuna Yawe ɓak anaba, yaanda hin li hu li namma kay suu warna u mburina lay, kay ŋgusugi suu duk buburana u vuɗ tlesuu kay ndaŋgarana, ni kura hin ka tew kiɗira.

JEREMI 7:34

Hu ɦoŋzi ma Yudana, hu voɗta Yerusalemba, an seŋ soolla furira kiyo, luu ma furira ki lay, soolla suu ɗum tasi wilina gaɗta ki lay kay ana mbassa hin mbuɗ ki ni jona.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

EZEKIYEL 16:38

An tinik kakŋi gaɗta vi boyogi suu dalamba u suu vo busu suuna kina may. An cukuk yaanda u hurun ma ɓeŋa ni kak bel bel.

EZEKIYEL 23:25

U hurun ma ki ɓeŋi egekŋa an hinisi asi kaak ɓakŋa, kakŋi u yara may. Asi hin kaak cinik u humuk kiyo. Asi hin cak suu maksina ki u ŋgewna. Asi hin yowok goryok suu njufiina u gorɓiina u tlesuu hin gin kokŋa hin ŋgalasi ki u kura.

EZEKIYEL 7:11

Lassa col kolo wa, hinni tokolora li dla cora sak sak, hummi ɗetna hol gaw. Sa ma wasi hahawasi ka oloɗi lay.

EZEKIYEL 7:19

Asi cuk gursu masira ki hu voɗta cuk lor masira ki lay. Ndaɗ mbuɗ ki njenjee. Gursu masira u lor masira ka ndak a suɗusi ki ko yara vi Yaweraɗi lay. Hayasi ka hoɓ oloɗi lay. Hurusi ki ni hamaliya kay lorra u gursura ni tlesuu mbaarasi cora kasina.

EZEKIYEL 7:5

Bu Suuna, Yawe, di ana, «Hahawra sa waɗ ka ɦoyɗira, hahawra ŋgola ka mbaya.

SOFONI 1:11

Gurniyigiya suu hu Mortiyerna kay ana suu li paara bulum ki wa, suu wi yal pereɗ gursura bulumusi ki wa.

SOFONI 1:15

Buu namma ni buu ma yara, ni buu ma hahawra u yoo tara, ni buu ma ɓeŋga u zolona, ni buu ma ndufunda, ni buu ma ɗugulla hin tli ay kolo kay suuna warra na ilik ilikŋa.

SOFONI 2:2

Jew buu ma Lona ŋgaam a mbarana, buuna hin jakŋi ko ndal bara wana dol u semeɗnara na, jew mbara yara vi Yawera mba kagira, jew mbara buu ma yara vi Yawena mba kagira.

SOFONI 3:8

Yawe di ana jiviya, juɓungi haa, juɓungi ha hu buu ma an hin col ay kolo a kaɓakŋana. Saa manda ana an bulum suuna kiyo, tok mulina kay tasiya, cukusi yaanda kasiya, cuk tiitara vi yaandara kasi halaŋ kay ana yam ndaŋgara halaŋ an hin ŋgalaɗ ki u kura.

MATIYE 16:26

Sana li ana tlesuu hu duliyarana halaŋ lini komu ni, nam ba iiri mamba ki wa ni, tlesuu asina hin mbuɗum mege? Va san fam a hin mbuɗ iiri mamba un ni mege?

1 KORINTNA 10:22

Ɗowba aygi ndak a li yowmusna eg Bu Suuna na su? Agi saa ana aygi saɓak suum su?

GA 8ATAMBARA 31:17

Li wa na ni yaanda hin puk kasi hu buu namma, an hin noyosi kiyo, hin ŋgay tan ki irisiya. Yoora u hahawra ŋgolla hin fasiya, asi hin di hu buu namma ana, dlara hahawra fami ko ndaɗta na ni kay Loomina ka u ami oloɗira.