SOFONI 1:15 - Boy Lonana

¹⁵ Buu namma ni buu ma yara, ni buu ma hahawra u yoo tara, ni buu ma ɓeŋga u zolona, ni buu ma ndufunda, ni buu ma ɗugulla hin tli ay kolo kay suuna warra na ilik ilikŋa.

SOFONI 1:15 ပူးပေါင်းရင်းမြစ်များ

JOEL 2:2

Ni buu ma ndufunda hin kuluɓ kay suuna, ni buu ma ɗugulla hin tin ay warra na ilik ilikŋa. Ko ndal ŋgarpira na tuɗ cuk kolo kay ɦinira, suuna bolowo, saɓak coco lay, ko ndal suu asina day day ni sa wasi ka dewɗira na, ko ndal ana ŋgorosi dagan wanni suu daŋ hin ka li oloɗira na, ta ta tew ha ki hu bassara vi njaf suu ay day dayna lay.

EZAYI 22:5

Kay cemmi ni Bu Suuna Yawe, ma Saɓakŋa Kom Belna, tinigi ni hu buu ma yoora, ma ndaana cocona, ma viɗ dlara ki ii suunana, hu ɦuɗugumba Yerusalemba, gulumunna bow ki wa, tiina tum ay kolo kay ɦinira cocoo.

WIRA ŊGAYRA 6:17

Kay buu ma ŋgol ma yaamba hin mba wa ni sa ma col fokomma ni gege?»

2 PIYER 3:7

Huulona u ndaŋgara ka cecemi wanda, Lona hinisi u Boy mam namma, kay hin ɓalakasi ki u kura nam hinisi kay juɓ buu ma kaɓakŋa kay suu cona, baasi kiyo.

ROMMA 2:5

Aŋ sa ma huruŋ cona ka min a jok huruŋ zeɗɗi, ni kay ndaɗta aŋ tok ɓak ma ŋgolna kaŋ wa, falira Lona hin a kaɓak mamma ɗegeena.

SOFONI 2:2

Jew buu ma Lona ŋgaam a mbarana, buuna hin jakŋi ko ndal bara wana dol u semeɗnara na, jew mbara yara vi Yawera mba kagira, jew mbara buu ma yara vi Yawena mba kagira.

SOFONI 1:18

Gursu masira ɗowba bege masira ka ndak a buɗusi ki hu buu ma yara vi Yawenaɗi, ko yomus ma nam lam u kuranaɗi, yam ndaŋgara hin ŋgal kiyo, kay nam hin a bulum lina kiyo, dla ndaɗta hin ti tara cocoo, eg suu kay ndaŋgarana halaŋ halaŋ.

JOEL 2:11

Hu li ma Yawe ka tak voɗta maŋ suu mam suu duuna. Suu mam suu duuna bolow cocoo, saɓak ɦay lay humum boy mamma lay. Buu ma vi Yawena ŋgolo, dlam ti ta cocoo, sa hin vi tam hu buu nammana ni gege?

JEREMI 30:7

Ni dla co me ɗaŋge? Gasi buu namma ŋgol cocoo, buu ma tli tam u nam kaɗi. Ni buu ma hahawra kay Yakob. Na may nam hin buɗ kiyo.

MATIYE 24:29

«Ŋgoo wihaw ndaɗta dagan ni, faɗta hin mbuɗ ki ndufunu, tilna ka wi haɓ oloɗi, ciciwra hin yak ki kaŋgaa, saɓakŋa vi tlesuu huulonna hin geŋeɗa.

GA 8ATAMBARA 28:52

Asi ŋguyugi yam ɦoŋzi magi ma agi huna ki u suu duuna halaŋ halaŋ hu ndaŋga mayra Yawe ɦagirara ta ta toogi ɦoŋziigi ma agi li saɓakŋa umma ki gaa, gulumun ma agi tin hurugi kamma, asi ŋguyugi yagi ki ni hu ɦoŋzina halaŋ.

EZAYI 8:22

asi pereɗ irisi ay ni ga kay ndaŋgarana ɗow, gola ni yoora u ndufunda, wihawra duk ndufundara may. Ni njeŋgera sana oy cocora.

EZAYI 13:9

Gola Buu ma vi Yawena mba ni na, ni buu ma yara ma ka wi hahaw saɗina. U yara ŋgol ndaɗta nam hin ɓalak mbassa ki hoŋoɗ ki dagan cocoo. Suu li dla cora halaŋ nam hin daɓasi kiyo.