SOFONI 1:13 - Boy Lonana

¹³ Na ɗaŋŋi bege masira suuna hin ɦurumuɗ kiyo, suuna hin toosi ziisi kiyo, asi min ziginina coco may hin ka kak hurusiɗi, asi vi sene gugutlura coco may hin ka caɗ sumuɗɗi.

SOFONI 1:13 ပူးပေါင်းရင်းမြစ်များ

AMOS 5:11

Na ɗaŋŋi agi yowogi tlesuu vi sa maŋinana kiyo, agi yowom ii waam ma ki lay. Zigini mam suu mini u gogoyra ceɗirana agi hin ka kak huɗi. Ŋgus gugutlu mayra jivira agi paɗta hin ka cagira sumuɗɗi.

MISE 6:15

Aŋu, aŋ hin zaa tlena kaŋgaa, hin ka fi va a feɗɗi. Aŋu, aŋ hin em conora hin ka fi mbul ɦuɗi, aŋ hin soo veŋŋa kiyo, hin ka cambi.

GA 8ATAMBARA 28:30

«Goo tamara agi gaɗ ɗumbara sa ma daŋŋa hin buu ay ki u ndaɗ ni jewegiya, zira agi miniɗ a buunara ka ndak a buu huruɗɗi lay, gugutlu magi ma agi horokomma ka tew a duɗum vuɗumba ne fok jewraɗi.

EZEKIYEL 7:21

An hinisi ki hu duk ko suu daŋŋa, asi ɦurumusi kiyo. An hinisi ki maŋ suu co suu hu mbas ndaɗtana a joosina, asi mbuɗusi ki njenjera.

JEREMI 15:13

Bege makka u tlegeyek an ɦasi ki maŋ suuna asi ɦurumusi kiyo. Ni warak ma vi dla cookka kay ndaŋga makka u ŋgoloɗ halaŋ.

JEREMI 9:19

Boyogina humugi boy ma vi Lonana haa. Ko humugi hum boy ma funumma haa. Haɗagi soolla maŋ gorɓii magisina, yootara maŋ ndarayagina.

GA 8ATAMBARA 28:39

Agi zaa gugutluna horokom um ki jivi lay, may agi ka a cam sumumbi. Agi ka feɗ va ay hu sene nammaɗi lay kay njufulna ti tlena ki halaŋ.

SOFONI 1:9

Hu buu namma wanni an hin kaɓakŋa kay suu hin weɗ ki kolo kay vun goŋgana, oy zira vi sa ŋgol masinara ki u tlesuu yowosi ay u saɓakŋa, u li iira lay na.

MISE 3:12

Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.

EZEKIYEL 22:31

Kay ndaɗta an gi yaanda ay kasiya. An daɓasi ki u kuunda u hurun ma yara. An tinisi nek poy masira cora ni kelesiya. Di ni Bu Suuna, Yawe.»

EZEKIYEL 7:19

Asi cuk gursu masira ki hu voɗta cuk lor masira ki lay. Ndaɗ mbuɗ ki njenjee. Gursu masira u lor masira ka ndak a suɗusi ki ko yara vi Yaweraɗi lay. Hayasi ka hoɓ oloɗi lay. Hurusi ki ni hamaliya kay lorra u gursura ni tlesuu mbaarasi cora kasina.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

JEREMI 5:17

Asi ti ki ni tlesuu aŋ feɗesina, fuuŋa lay. Asi komoŋ ki ni goryoŋ suu njufiina u gorɓiina. Asi komoŋ ki ni yoori maŋ suu gorina u suu ŋgolona. Asi ti ki ni gugutlu maŋga u tulum maŋŋa. Asi tooŋ liiŋ ma saɓak ma aŋ saa ana aŋ ka kaki hurum u heɓpa hu li ma asi hin mbay u ŋgewegina na.

JEREMI 4:20

Asi yi kolo ana, «Dla cora u dla cora.» Gasi, mbassa halaŋ ki ɓeŋiya. Gol irinu ni, liimina u suu mansina ki ɓeŋi lay. Kak na njokŋi mbutluɓ manna lay.

JEREMI 4:7

Dlona hin kal ay ki hu zulumu. Sa ci suuna kina hin gi tam ki hu voɗta. Nam kal ay ki vo varam a mbuɗugi mbas magira ki hahawra. Ҥoŋziigina hin ŋgalam kiyo, ci suu hurusina ki may.

EZAYI 6:11

An hin joɓ ana, «Dla ndaɗta hin daɓmi saɓage, Bu Suuna?» Nam dan ana, «Ni ta ta hu li ma ɦoŋzina ɓeŋ kiyo, suuna njay kina, zina sa ka hin kaki hurum oloɗi. Mbassa mbuɗ ki ni ko ŋgoo bagira na, ɓeŋ ki cocoo.

GA 8ATAMBARA 28:51

Asi hin tagi ki ni waagina u yoori magisina ta ta hu li ma agi daɓ kina, asi ka hinigi u waaginaɗi lay, ka hinigi sum veŋ maginaɗi lay, hinigi mbulnaɗi lay, dogoni mbutli suu mbiira u dogoni timigii magisina halaŋ, ta ta asi njayagi ki tuwa.

JEREMI 17:3

Aŋ ma ɗegee ma goɓ Lona kay ɦinira lay, hu lina bel layna, bege maŋga u tlegeyeŋ halaŋ an ɦasi ki maŋ suuna asi ɦurumusi kiyo, kay cora agi laɗ hu li ma kolo dayna kay ndaŋga magira halaŋ halaŋga.

YOORA 5:2

Joomina mbuɗ ki maŋ koyogina wa, zigini mamisina mbuɗ ki maŋ suu ami ka wasiɗina wa.

EZEKIYEL 7:24

An hin mbaa suu dlasi co ɦay su suuna halaŋŋa kay suu Israelna. Asi hin kal hu ziisiya. An hin bulum ŋga tara vi suu saɓakŋa kiyo, tlesuu mbususi ki teteɗna hin mbuɗ ki njenjera.