RUT Magaara Njaɗ Dlara vi Rut 4:1 - Boy Lonana

¹ Booz tuɗ kak vun grekŋa hu li ma asi kaɓakŋa huna, nam gola ni wi sa ma a yow jona ko tam ugi Noomi dewna jak tuɗta. Booz dam ana nam cola, mbay kak ga tani, nam mba kak kaŋga may.

RUT Magaara Njaɗ Dlara vi Rut 4:1 ပူးပေါင်းရင်းမြစ်များ

RUT Magaara Njaɗ Dlara vi Rut 3:12

Gasi daŋ may anni sa ma ti jona u njufuk dewna, may ni sa ma egem peɗet suunna kaa.

GA 8ATAMBARA 25:7

Lini wayaŋ sa nammana ka min a kakaɗɗi ni ndaɗ tuɗ kolo fun kaana eg suu ŋgolona dasi ana, «Wayaŋ njufunna ka min a kak u an a tli sem wayamma ki koloraɗi, nam ka min a li u an ko nammi wayaŋ sanna naɗi.»

GA 8ATAMBARA 16:18

Hu ɦoŋzi ma Yawe ɦagina a agi lak huna halaŋŋi aŋ man suu ŋgolo suu kaɓakŋa u suu gi ii dlara ki hu halaŋ halaŋ. Asi kaɓakŋa ni u ɗegeera ka ɓorow ii saɗi.

AMOS 5:15

Noyogi dla cora kiyo, minigi ni dlara jivira, kaagi ɓakŋa u voɗomu, kala Yawe Lona ma saɓakŋa hin wi hahaw suu hin vi Yosefna.

JOB 31:21

Lini an las gogoo ma kuyu fun ɓakŋa wa ana suu kaɓak suu njun unna ka cocoo ni,

JOB 29:7

Lini an a kal ki bunsu vun grekŋa hu li ma an tin dlam manda ki kiɗikŋa.

GA 8ATAMBARA 21:19

gi bum u sum vam aya, tuɗum fun suu ŋgolo suu hu ɦoŋziisinana, vun kaana hu ɦoŋzina.

ZAKARI 2:6

An joɓom ana, «Aŋ tuɗ arage?» Nam hoŋon dira ana, «Ŋga fiyek Yerusalem, a waɗ fiyekeɗ ki may bubuuɗ ki may.»

EZAYI 55:1

Agi suu may suu laara cagina mbaagi ay eg mbona, sa ma gursu ka kombina lay mbaya, joɓogi tlesuu tira tagiya, mbay cagi sum veŋŋa u mbiira bay gussa.

GA 8ATAMBARA 17:5

Agi mbaa sa namma ay ki vun kaana lini sa njufna ɗowba cara suu li dlara co ndaɗtana. Sana ɗowba cara agi gikisi ki u gogoyra, casi kiyo.

URA TIN AYRA 23:10

Efron ay kaki duk goryoŋ Hetna, nam hoŋ dira maŋ Abraham fok goryoŋ Hetna u suu mbay ka moli gaa fun grek mammana halaŋ lay, ana,

URA TIN AYRA 34:20

Hamor u goromma, Sekem, tuɗ hu vun grekŋa vi ɦoŋzina hu li ma paɗ bolla, di suu hu ɦoŋzinana ana,

JOSUWE 20:4

Sa ma ci maɗnana pii tuɗ hu zi namma ma ka egem tokŋa, tuɗ col vun grekŋa, cuɗ dlamba maŋ suu ŋgolo suu hu zi nammana. Suu ŋgolo asina hin vi sa namma ha egesi voo, ɦam li ma nam a cuk zina dukusina may.

RUT Magaara Njaɗ Dlara vi Rut 3:18

Noomi di ana, «Goonda kak na en juɓ dlara hin lira, wi u boy namma ki u takka tuwa, an wi ana, Booz ka hin a juɓbi, nam hin daɓ dla ndaɗta ki ni ii faɗta karamba gaw.»

2 SAMUEL 15:2

Absalom col ki kolo maɗii col ni, hin col keŋ voɗta vun grekŋara. Tew tew hu li ma sa ma u dlara ɓakŋa kom min a tuɗ vi mulna a nam gamba iriɗna, Absalom yam hin dam ana, «Aŋ col ay ni hu ɦoŋzi maanage?» Nam di ana, «Saaŋ ma sunda col ay ni hu ɦoŋzi ma vi njaf suu Israelna maa dew.»

2 DLAŊ MULINARA 18:9

Mul ma Israelna u mul ma Yudana gegelay ni ay kaki hu dlam mamba mulla. Cuki tasi ni baraw masi ma furira. Asi laki ni eg vun grek ma kay ɦoŋzi ma Samarina na tok. Hu li namma ni suu jok vun Lona ka di boyna fokosi zeɗ zeɗ may.

SOOLLA 69:12

An cuk baraw bolna tan li hahawra, an mbuɗ irisi ni a va ma njun njunda.

VUN ŊGOLNA 31:23

Njufuɗ tuɗ duk suuna hu tokka vi suu ŋgolona ni suuna ŋgaam cocoo. Nam kakŋi duk suu ŋgolo suu hu li nammana.

JEREMI 32:10

Ami vami vunumi kay boy namma an hin tin kon kam fok suu an yasi ayna. An hin ŋgaam gusum hu va ma tli nekka.

URA TIN AYRA 19:1

Fiɗigira ni suu sunda huulona suu mbana tew ki Sodom. Lot kaki vun grekŋa fun kaana vi ɦoŋzi ma Sodomma. Hu li ma Lot wasi may ni nam col ay ŋgafasi fokosiya, goɓ kaŋga fokosiya.