ROMMA 9:30 - Boy Lonana

³⁰ Hin daygi kay boy namma ni ana mege? Suu ana asi ka suu Juifnaɗi lay, ka suu hal a mbuɗ tasi ɗegee fok Lonaɗi layna, asi mbuɗ ki ɗegee u vira.

ROMMA 9:30 ပူးပေါင်းရင်းမြစ်များ

FILIPINA 3:9

A li ɗegee taɓi u namba wanni ka dlaanda an hum jivi u gaɗtaraɗi, ni u vira hu Kristu an mbuɗ ɗegee ni na, dla mayra mbuɗ sana ki ɗegeera mbay ni vi Lona, kay Lona haɗ ni maŋ suu vina.

HEBRENA 11:7

U vira Nowa hum vun Lona hu li ma nam dam kay va ma hin li ha fokŋa, ni nam ka wi dla ndaɗta u irim tuɗi lay. Nam hum vun Lona, ceɗ lumba, suɗ tam ki u suu mamma huruɗu. Ni nam kaɓakŋa kay suuna hu duliyara, ni u viimba, Lona mbuɗ golom a sa ma ɗegeena.

GALATENA 2:16

Kay ndaɗta aygi vi ana sana mbuɗ ɗegee ii Lona ni u viimba hu Yesu Kristu dew daŋ ni ka ana nam li ni u gaɗta vi Moiz naɗi, aygi may ni vi u Yesu kay a mbuɗ ɗegee ii Lona, viiygira hu Kristu ka ana a li u gaɗta naɗi, sa ndak ka a mbuɗ ɗegee ii Lona kay lira li u gaɗtaraɗi.

ROMMA 4:11

Abraham fi caw ɗiwra ni ndaɗ hin egemmi ko takka na, Lona ŋgaɓam dla ndaɗta ay egemmi kay nam sa ma ɗegeena, kay viimba ay jew bay nam caw ɗiwim tuwa. Abraham ni bu suu tin hurusi kay Lona bay caw ɗiwisi tuna, Lona ŋgaasi a suu ɗegeena.

EFESNA 2:12

Fali ndaɗta ni agi ay ki day eg Kristu, agi li ay ni ka suu vi Lonanaɗi, kini njaf suu daŋŋa, agi li ay ka duk galamba vi Lonara nam vi vunum kaɗ u suu mamsinaraɗi, agi li poyogi hu duliyara ni bay juɓpa bay Lona lay.

GALATENA 5:5

Lini amiya ni ami wi ana Lona hin mbuɗuygi ɗegee fokommi namu ni va aygi ka juɓumma, u saɓakŋa vi Musuk Lonara ka njun uygi hu vira.

ROMMA 10:20

Ezayi di olo ana, «Lona di ana, An ɦal tan ki maŋ suu halan kaɗina, suu joɓon va kaɗina an tak tan irisiya.»

ROMMA 10:6

Dira di ki ana, dlara sana a mbuɗ ɗegee fok Lonara ni u vira, «Di taŋ huruŋ ana sana hin ful kolo huulona ni gege naɗi.» (Ni kay a di ana a mbaa Kristu ay kaŋgara.)

ROMMA 9:14

Hin daygi ni ana mege? Lona hin mbuɗ co su? Nam ka mbuɗ coɗi.

EZAYI 51:1

Agi suu may suu hal suɗta humugi haa, agi suu hal Yawena, gologi ɦini mayra agi sel ha ki hura gige, gologi zul mayra agi cuk ha ki hura.

1 PIYER 4:3

Agi ay jew basara ŋgolo lagini ko suu bay vina lira na, lagi dla cora, ŋgiziɗ tlena vi suuna, guruɗ u summa, luu dam dam, luu ma ci summa, li ɓivun ma njenjena maŋ fulina.

1 TIMOTE 6:11

Aŋ sana vi Lona hin dlara halaŋ wanda kiyo, hal ɗoɓira njun taŋ eg Lona u vira, minda, ɗilira, lalamba.

GALATENA 3:24

Gaɗta ay goloygi jew ni ndaɗu gak tew hu li ma Kristu mbana, kay aygi mba mbuɗ ɗegee fok Lona u vira.

GALATENA 3:8

Boy ma Ɓiirina di ki fok jew ana Lona min mbuɗ njaf suu ɦawana ki fokom ɗegee ni u viisira ni kay ndaɗta ndaɗ di Boy ma Ayra ay fok jew maŋ Abraham ana, «Lona hin paɗ vunum ki kay njaf suuna halaŋŋi u aŋu.»

ROMMA 10:10

Sana vi u hurum wa ni, Lona mbuɗum ki sa ma ɗegeena, sana di ki u vunumu Lona suɗum kiyo.

ROMMA 9:31

Suu Israelna suu hal a mbuɗ tasi ɗegee fok Lona u gaɗtana, tew ka a li va ma gaɗta dammaɗi lay.

ROMMA 5:1

Aygi mbuɗ ɗegee ii Lona ni u vira, cecemi aygi faygi heɓpa u Lona ni kay Bu Suuna Yesu Kristu.

ROMMA 4:22

Kay ndaɗta Lona ŋga Abraham a sa ma ɗegeena kay viimba.

ROMMA 4:13

Lona vi vunum u Abraham u njafam halaŋ a nam hin ɦasi ndaŋgara a joosina, vi vun namma ka ni ana Abraham hum u gaɗta naɗi, kay mege Lona golom ɗegee ni kay viimba.

ROMMA 4:9

Jivi ndaɗta ni kay suu ɗiwisi cawina doy hol su? Ka kay suu bay caw ɗiwisinaɗi su? Aygi di ana, «Lona ŋgaɓ Abraham a sa ma ɗegeena ni kay viimba.»

ROMMA 3:5

Lini cora aygi laɗta tak ana Lona ɗegeera ni aygi hin di ni ana mege? Lona lini co kay nam gaygi daŋgayna su? An ɓak na ni u saara vi suuna.

VUN ŊGOLNA 21:21

Sa ma hal ɗilira u ɗegeerana hin fi iirira, ɗegeera u ŋgara.

VUN ŊGOLNA 15:9

Poyra vi suu dlasi cona ka ii Yawe jiviɗi. Nam minni suu may suu hal a li dlara ɗegeera.