ROMMA 9:23 - Boy Lonana

²³ Nam a tak ɦizza vi ŋgol mamba ki u oora nam laɗta ni, nam min ki fok jew a ɦay ŋgol mamba.

ROMMA 9:23 ပူးပေါင်းရင်းမြစ်များ

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

EFESNA 3:16

An joɓ Lona u ɦizza vi ŋgol mamba a nam mba ɦagi saɓakŋa u eŋga u Musuk mamba hurugiya.

EFESNA 2:10

Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.

2 TIMOTE 2:21

Lini sa ma mbuɗ tam ki jivi pasiyak ko cora an ɓak kaɗ wanda, nam hin fi ni sun mamba kay tamu kay nam ɦal tam ki ni maŋ malamma bel, nam irim jiviya, nammi tok a ɦam sunda gaw, kay nam minimu, ni kay sunda jivira bel.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

EFESNA 2:7

Nam li dla ndaɗta na ni kay a tak saɓakŋa vi oo mamba mbuɗ mbuɗta hin mbayra, ni u jivi mamba nam takaɗ ki hu Yesu Kristura.

EFESNA 1:18

An min ana agi fagi kiɗikka hurugiya, kay a agi mba li a suu Lona yagi ay agi ka juɓumma, agi mba wi va ma ŋgol ma hu jona ma nam hinim maŋ suu mammana.

ROMMA 8:29

Suu Lona manasi ki fok jewna nam min a mbuɗusi ki ko goromma na, kay a goromma hin li a wayasi ma ŋgolna fok gorsem bolowo.

Boy Ma Ayra Ma LUK Ɓiirimma 1:17

Lona hin ɦam Musuk mamba a tuɗ fokom u saɓak ma vi sa jok vun Lona Elie. Nam taɓ duk suu ŋgolona u goryosi dew. Suu hurusi cona mbuɗ ki ɗegee, nam hin min huu suu njaf ma vi Lonna ki jiviya.»

1 DLAŊ MULINARA 29:18

Yawe, Lona vi Abraham, vi Isaak, vi suu Israelna, somoyomi ka u huu suu maŋsina hurusi a fafaɗta, tuɗusi u huu ma dewna egeŋu.

1 TESALONIKŊA 5:9

Lona laygi ka a baaygi ki u yaambaɗi, a faygi ni suɗta u Bu Suuna mayna Yesu Kristu.

KOLOSNA 1:12

Gagi deɓ Buna u furira, kay nam mbuɗugi ndaki a fi tlesuu Lona hinisi maŋ suu mamsina ha kolo hu mul mamba hu kiɗikkana.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

SUNDA 9:15

Bu Suuna dam ana, «Tuɗa, an man sa namma ni ko vaan ma sunda na a takan sen ki maŋ njaf suu daŋŋa, maŋ muli masisina u suu Israelna.

ROMMA 8:30

Suu Lona manasi ay ki fok jewna nam yasiya, suu nam yasina nam mbuɗusi ki fokom ɗegee, suu nam mbuɗusi ki ɗegeena nam ŋgaasiya.