22 Va ma agi min dam kay Lonna ni mege? Nam min a tak yaamba u saɓak mamma kiyo. Kay ndaɗta nam siɓ ŋgolo u ɗigilla kay suu yaamba mba gin kasina hin tok a baasi kina.
Yawe ɓak u Moiz di ana, «Suu asina panan na gak gakŋi kay mege? Asi ka min a hum unɗi ni kay mege? Dlara an takaɗ ki dukusira halaŋ asi ka vi taa na dewɗi su?
Anni Yawe, hurun ka ɓeŋ zakgi, hurun oyra u ɗegeera, an siɓ dla cora suuna laɗta, ta ka jak ki kan bay an waɗɗi, an tin cora vi somora ki kay goryosiya kay goŋ ŋgologina lay ha kay njafasi fokosi na gak gak hindi lay, fiɗi lay.
Hu zira ŋgolla ni tlesuu li tina ni ka suu lor u kawina doy holɗi, tlesuu guna u luɓuna ka lay. Ma jewna tinimmi kay luu ma ŋgolla. Hiŋŋa ŋgaɓi ni kay sunda hu buuna tew tewra may.
Magaara di hu li ma daŋŋa ana, «Ҥini namma ni ma daɓ sem suuna, ni ɦini ma hin cukusi gaana.» Asi daɓ sesi kay asi ka min a hum u boy mammaɗi, kay ndaɗta asi ay ki ŋgaay ni na daŋ may.
Ni maŋ ŋgus suu ay jew hum ka u Lonaɗina, hu li ma Lona ka juɓ u lalamba hu buu ma Nowa ka ceɗ lumba tuna. Suu cuk hu lumbana ka bolowɗi, ni kalavandi daŋ suɗ ki ko mbona ni asi gaw.
Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.
Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.