2 Hurun tan hurun coco u hahawra gak gak.
Irin ka ɓaɗ simina ko mbona na kay suuna ka li u gaɗ maŋgaɗi.
Furiyugi u Yerusalem, ayagiya, agi suu maɗsina halaŋ, agi suu li tii kay Yerusalemma furiyugi u ndaɗ cocoo.
Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.
Li ni li ma buu ka gin kan hu fulla duk suu tuɗ koyra ni, an hin suu mansina ki huwa. Asi halaŋŋi suu li zoŋga, suu dlasi cona.
Dla li ka day day egegi agi suu tuɗ hu voɗtanaɗi, gologiya, wagi tiitara ko tiitaanda lan coco wanda, ta kora vi Yawe hu buu mam ma yara na.
Irin mbuɗ lan coco ko golla an gol dlara li eg gorɓii suu hu ɦoŋzi manna halaŋ halaŋga.
Yawe dam ana, «Tuɗ ha duk hu ɦoŋzina hu ɦoŋzi ma Yerusalemma, ɓii lomorora ki vok suu may suu ka yoo tasi ko dla cora li dukusi wanda halaŋ halaŋ.»
Gorsenna va ma an min joɓ Lona hurun tini kam halaŋŋa ni kay suu Juifna ana asi suɗ kiyo.
An dini gasira an kaboyɗi, an ni maŋ Kristu, hu wiinda Musuk Lonara ka takan ana an di ni gasira.
An min ana lini Lona gan vunna ɓorowon duk ɦoŋon ki u Kristu kay gorsen suu hu njafanna lay ni giya.
An dagi jew tew tew, cecemi olo hoŋ dagi u simina irinu, suu poy masira ka li babalira u miɗna vi Kristu hu gu garakŋa ka ŋgolo.
An hin cuk suu man suu dikina mba' asi hin cuk baraw ma mbumbu bolna tasiya, asi hin mba di Boy Lonana ki buuna bup duk kis kis mba' duk dok karkiya.
Samuel wi Sol ka oloɗi ta ta hu buurum ma miɗna. Ni ana Samuel tii kay Sol kay ana Yawe tii tam kay tinda nam tin Sol a mulna kay Israella.
