ROMMA 8:7 - Boy Lonana

⁷ Suu hum u mbalatara ni suu gonokka u Lona, asi ka a hoŋ yasi kaŋga u gaɗta vi Lonaraɗi ka ndak kaɗɗi lay.

ROMMA 8:7 ပူးပေါင်းရင်းမြစ်များ

2 DLAŊ MULINARA 19:2

Sa ma jok vun Lona, Yehu, ma goŋ Hananina, mba ŋgafam vogom dam ana, «Aŋ a njun u sa ma cona ni ana mege? Aŋ sana ndak a min sa ma ka min Yaweɗina su? Dlara aŋ laɗ ndaɗta, Yawe hurum ki ɓalaki egeŋu.

JOB 15:13

Hu li ma huruŋ ɓeŋ eg Lona na ɗow, ta ta boy namma kal ay ki funuŋ lay.

SOOLLA 53:1

Soolla vi sa ma fok suu gi soollana, soolla haɗta vi David, gaɗ u diffa.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

JEREMI 13:23

Sa warna ndak a mbuɗ bakka haɓpa egem su? Sindilna ndak a mbuɗ tlimiɗta ndalira ki zeɗ su? Agi suu haɗ ki u dla corana ndak a lagi dlara jivira su?

EZEKIYEL 14:5

Hoŋ diinda hin vi suu Israelna cocoo kay asi ɦuɗun ha ki egesi day ni u goɓpa asi goɓ fulinara.

MATIYE 12:34

Agi njaf magirana. Agi cora may ni, fi boy ma jivina ni arage? Vunna di ki ni va ma ay oy huu sanna.

MATIYE 5:19

Gaɗta vi Lonara lini ta goo ew lay, sana hiniɗ ki wa, haɗ suuna na lay, sa namma hin kaɗak ki hu Mulla huulonara. Sa ma hum u gaɗ ndaɗtana, haɗ maŋ suuna na lay na, sa namma hin mbuɗ sa ŋgolna hu Mulla huulonara.

Boy Ma Ayra Ma JAŊ Ɓiirimma 7:7

Suuna halaŋ hurusi ka egegi coɗi. Anu, asi hurusi egen coo kayme an di ana dlara asi laɗta ni coo.

ROMMA 1:28

Asi ŋgel humusi ki kay min wi gasira vi Lonaraɗi. Ni nam Lona hinisi buɗi hu yal masi ma viɗ kina, dla mayra ka gin a liɗira asi mbuɗ laɗu.

ROMMA 1:30

Asi di dla cora kay tasiya, asi ni suu gonokka u Lona, asi ka li zolo kay saɗi, asi ni suu ŋga tasina, asi tli yasi koloo, asi ni suu hal dla cora ka hum u somoyosiɗina.

ROMMA 3:31

Lini na ni aygi mbuɗ gaɗta ki maŋi u vira wa su? Ni ka naɗi, aygi haɗni saɓakŋa na ɗow.

ROMMA 5:10

Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma.

ROMMA 7:22

Hurun anni an li furira kay gaɗ Lonara.

ROMMA 8:4

Lona li dla ndaɗta na ni kay ɗegeera vi gaɗta mba li egey aygi suu noy dlara vi mbalatara kina, poy u Musuk Lonara.

1 KORINTNA 2:14

Sa ma ka u Musuk Lonara hurumbina ndak ka wi gasira vi Musukkaɗi may. Gasi ndaɗta irimmi ko va ma laɓa na, nam ndak ka a hum u boy nammaɗi, sana ndak a gi ii dlara kini u Musukka.

1 KORINTNA 9:21

Duk suu ka wi gaɗta vi Moizɗina, an lini ko asi na may, an ka tin yan kay gaɗtaɗi kay an a mba fasi unu. Ni ka ana an ka hum u gaɗta vi Lonaraɗi naɗi, an hum u gaɗta vi Kristu.

KOLOSNA 1:21

Agi may ni li ay ki jewni eg Lona day, agi li ay jewni suu mam suu babalira, kay saara cora agi ka laɗta.

KOLOSNA 2:18

Hinigi tagi a sa daŋŋa kaagi ɓakŋa kagi na gor gorɗi, suu furi kay dlara asi laɗ u tasira kiɗikka, hoŋ yasi kaŋga fok suu sunda huulona, ɦal ŋgolla maŋ tlesuu tak tasi irsina. Sa ma ko namma nana hurum oyra ni ŋga tara u dlaamba kaɗi, lini u saa mamba hurumba ɦawaa.

2 TIMOTE 3:4

Asi hin a suu di kolokŋa, ka hum vun saɗi, ŋga tasiya, asi min a li dlara u min masira su Lona.

HEBRENA 8:10

Gola ni galamba an hin vaɗ u suu man suu Israelna, Bu Suuna di ana ŋgoo buu namma wanni an hin ɦasi gaɗ manda hu ŋgus masira, an hin ɓiirisira hurusiya. An hin li a Loosina, asi hin li a suu manna.

Magaara JAK Ɓiiriɗta 4:4

Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

2 PIYER 2:14

Irisi hal ni dlara zoŋga, cora ka ndakasi liraɗi, asi ganyam suu maŋina, hurusi oyra u kurufuk begera, givun ma vi Lonna ka kasiya.