ROMMA 8:39 - Boy Lonana

³⁹ Saɓak ma kolo huulonaɗi lay, saɓak ma kaŋga kay ndaŋgaranaɗi lay, ni ka va ma daŋ ma lam liiɗi lay, va ma ndak a ɓorowoygi dukuygi u minda vi Lona ta nam takaygira u Bu Suuna Yesu Kristura kaɗi.

ROMMA 8:39 ပူးပေါင်းရင်းမြစ်များ

SOOLLA 64:6

Asi tin hurusi ni a li dla cora sak, asi gi wayra ni a di ŋgeŋŋa kay suuna. Asi di ana, «Sa ka wi boy nammaɗi.»

VUN ŊGOLNA 20:5

Saara kurufu huu suunara ni mbo goloŋga kaŋga dayra, sa ma ɗili ma wi dlara hin gooɗ ni namu.

SOOLLA VI SALOMON 3:4

An gasi un na ew ni ŋgaf ma hurun minim ɦayna ni na gaw. An vam kommi na gaw, ka min a gam kom oloɗi, tuɗum ay ki ta ta kalafi hu zi mayra sun vuɗun huruɗta.

EZAYI 10:33

Gola Bu Suuna Yawe, ma Saɓakŋa Kom Belna, kaasi ay ki ga ko gogor guna na. Suu may suu dlasi ŋgol cocona nam kaasi kiyo. Suu sesi tii cocona ka oloɗi, hoŋ ki ga wa.

EZAYI 24:21

Hu buu namma ni Yawe kaɓakŋa kay suu duu suu kolo huulonna u suu muli suu hu duliyarna halaŋ.

DANYEL 4:11

Nam yi kolo u delem eŋga hin di ana, bowogi ŋgusna kaŋgaa, kaagina gogor kom kiyo. Kaaragina humum kiyo, njayagina vuɗum kiyo, ko mbuurina mbee ki u ŋgusumu, ko layagina pii ki hu gogor komu.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

Boy Ma Ayra Ma JAŊ Ɓiirimma 16:27

kayme Bun u tamba minigiya, kay agi mininu, vi ana an col ay ni vi Lona.

Boy Ma Ayra Ma JAŊ Ɓiirimma 17:26

An takaŋ ki masiya, an hin takaŋ ki olo kay a minda aŋ mininda li hurusiya, an u tanda li hurusi may.»

Boy Ma Ayra Ma JAŊ Ɓiirimma 3:16

Lona min suuna cocoo, nam ɦasi Gorom ma dewna, a gegelay ma tin hurum kamma ba kiɗi, fi iirira bay daɓa.

ROMMA 1:7

An ɓiirigi magaara ha magi agi suu Romma, agi halaŋ suu Lona minigina yagi ana agi li ni a suu mamma. Ko buy Lona u Bu Suuna Yesu Kristu ɦagi oora u heɓpa.

ROMMA 11:33

Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?

ROMMA 5:8

Aygi wi min mayra ŋgolla Lona takaygirara, Kristu miɗ kaygi ni hu li ma aygi ay jew ni suu cona.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

ROMMA 8:35

Sa ma ndak ɓorowoygi ki u minda vi Kristura ni gege? Ni wihawra ɗowba laara su, lassa ɗowba, mayra ɗowba, hawra ɗowba, dlara sana fi maɗna funda ɗowba, miɗna tamba su?

2 KORINTNA 11:3

An li ndaana kay yal magina ɓeŋ kiɗi, a agi noyogi taɓ magira gasira teteɗta u Kristu kiɗi ni ko Eve na, hin taɗ guyna ganaɗ yaɗ u kaboyna.

2 KORINTNA 2:11

Ka a hin Satanna su kaygiɗira wanni, kay dlaamba ka iriygi viɗiɗi.

EFESNA 1:4

Kay Lona jew bay li duliyara tu ni nam manaygi ki ana aygi ni suu mamsina hu Kristu kay aygi mba li fokommi suu jivi suu bay cora egesina hu min mamba.

FILIPINA 3:12

Va ma an liŋ umma an ka bay fam kon tuwa, an ni bay mbuɗ ki pasiyak tuwa, an tuɗ fokŋi tuɗi na ɗow ɗow kay a fi warak ma an liŋ kamma, ni Yesu Kristu van wa.

FILIPINA 3:3

Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.

FILIPINA 3:8

Cecemi an gol tle asina halaŋ ko tlesuu ba kina na, kay wira wi Yesu Kristu Bu Suuna manna, ndaɗta ni mayra ŋgolla, kam nammi an vi dla mayra ba tle asina kira kanu, an gol tle asina halaŋŋ ko tlesuu tokosi kina ɦawa na kay an a fi Kristu.

2 TESALONIKŊA 2:4

Nam hin duu u tlesuu suuna goɓ kaŋga fokosina u tlesuu suuna golosi ko lona nana halaŋ, nam kal hu Ziŋ Lonara, mbuɗ tam ki a Lona lay.

1 JAŊ 4:16

Aygi wi minda Lona miniygira kiyo, aygi tin huruygi kamu. Gasi Lona ni minda, sa ma ka u minda hurumma ka ni hu Lona, Lona hurum may.

1 JAŊ 4:19

Aygi li minda kay Lona miniygi jewe.

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

WIRA ŊGAYRA 13:14

Vabak namma viɗ suu kay ndaŋgara ki halaŋ u dlara mbuɗta nam laɗta, ni fok vabak ma kal ay jewna, nam di suu kay ndaŋgara ana asi min vana a geleɗ vabak ma kal ay ki jew ma fi mbilna kay yam cam ki ginna hin miɗ kaɗina.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

WIRA ŊGAYRA 2:24

Egegi agi suu hiŋŋa suu vi Kristuna hu Tiyatir ni agi njun tagi ka u haɗta co ndaɗtaɗi, agi ka hum va ma suu asina yam ana dlara ŋgayra ŋgolla vi Satannaraɗi. An min dagi ana an ka tinigi va ma nek ma daŋ kagiɗi.

WIRA ŊGAYRA 20:3

Sa sunda huulona gam hu zulla ŋgolla dukum vun zulla kamu u kelera nereɗem vunum u tampoŋŋa kay dragoŋ mba viɗ suuna ki oloɗi gak gak tew basara buppa ki tuwa. Ŋgoo dagan basara buppa dragoŋ buɗ ki kay lina ew.

WIRA ŊGAYRA 20:7

Basara buppa daɓ wa ni hin gi Satan ki koloo.