ROMMA 8:38 - Boy Lonana

³⁸ An wi ki gasi gasi ana va ma ɓorowoygi duk ɦoŋoy ki u min mamba kaɗi, miɗnaɗi lay, ka iiriraɗi lay, ka suu sunda huulonaɗi lay, ŋgolla daŋga u saɓak ma kolo huulonaɗi lay, ka dlara cecembaɗi lay, kara fokkaɗi lay.

ROMMA 8:38 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 10:28

An ɦasi iirira ka daɓ kiɗira, asi ka miɗ oloɗi lay. Sa ma ɓaɗansina ki kon kaɗi lay.

ROMMA 14:8

Lini aygi kak iiriya aygi kak iiri ni kay Bu Suuna, lini aygi miɗ lay ay miɗni maŋ Bu Suuna lay. Lini ay ka iiri lay, miɗi lay, ni kay Bu Suuna.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.

KOLOSNA 1:16

Lona min tlesuu kolo huulona, kaŋga kay ndaŋgara lay halaŋŋi u namu, tlesuu suuna wasina u suu sa ka wasiɗina, dlamba mulla, u eŋga, u ŋgolla, garaŋga. Lona lasi halaŋŋi u namu ni mam nam lay.

KOLOSNA 2:15

Hu gu garakŋa vi Kristu, Lona tli saɓakŋa u ŋgolla vi fuli suu cona kiyo, mbuɗusi ki zolona fok suuna ko suu daŋgayna na, kay goromma ti wa.

EFESNA 1:21

Hu li namma ni Kristu kak ki a ŋgolla kay ŋgolla halaŋ, saɓakŋa u eŋga halaŋŋi komu, kak ki kay suuna u semma ka yina yina halaŋ, ka kay suu hu duliyarana tani holɗi, ni kay duliyara hin mbay fokka lay.

2 KORINTNA 4:13

Magaara di ana, «An viya ni an ɓakŋi kay ndaɗta,» ami halaŋ taɓi hu ŋgussa vi vira ndaɗta, ami viya ni ami ɓakŋi kay ndaɗta.

ROMMA 4:21

Nam vi ki gasi ana lini nanagelay Lona ndak li u va ma nam damma.

2 KORINTNA 11:14

Dlara gol ko dlara mbuɗ na ka huɗi kay Satanna kay tamba mbuɗ tam sa sunda huulona vi kiɗikka.

HEBRENA 11:13

Suu asina miɗ halaŋ hu vira, bay fi tlesuu Lona vi vunum kasina tuwa. Asi wasi ha ki egesi na day, gasi deɓpa, asi di ana asi kay ndaŋgara ni ŋgaygina, ko suu suuna tinisi yasi ha kay ndaŋgara daŋga na.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

ROMMA 14:7

Sa ma dukuygi ma kak iiri kay tam kaɗi, ma miɗ kay tam kaɗi lay.

1 KORINTNA 15:24

Ŋgoo dagan daɓ nduŋga, Kristu hin njay ŋgolla u eŋga, u saɓak ma kolona lay ki halaŋ, nam hin hin mulla maŋ bum Lona.