Gagi deɓ Lona ma ɦaygi saɓakŋa ay tew tew kay taɓ mayra duk tay u Kristura. Nam li sunda u aya kay tak Kristu ki hu lina aragelay, ko mbul ma hisna his hu lina halaŋga na.
An ka iiri kay tan cecemi oloɗi, Kristu ka iiri hurun ni namu, iiri manda an a sa warna cecemi wanda an ka iiri hu vira u Goŋ Lonana nam ma mininna ɦal iiri mamba ki kanna.
Nam hoŋon dira ana, «Oo manda ndakaŋu u tlesuu aŋ minisina halaŋ saɓak manna tak ki hu maŋira.» Hu li ma an ka maŋina an hurun min a ŋga tan u maŋi manda kay saɓak ma vi Kristuna mba njun kanu.
Asi hin duu Goo Timiina nam hin su kasiya, kay nammi Bu Suuna vi Bu Suuna, mulna vi mulina, nam hin su kasi u suu mamsina, ni suu mam suu ɗegee suu yasi ay manasi kina.»
U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.
Hu li ma mbalatara cim kira cuk ta cim kiɗira kaɗ wani, hu li ma miɗna cuk ma miɗ kiɗina kam lay, ni li kini boy ma magaara damma ɗaŋ, «Ni miɗna daɓ ki wa nam su kam wa.»
Nam hin doo miɗna ki a fafaɗta. Bu Suuna Yawe hin saɗ simi ma ii suunana kiyo. Hu mbassa halaŋ nam yow zolona ki kay suu mamsina. Yawe u tamba di na ni namu.
Gola ni va ma an hin a lam eg suu toki u Satanna, asi ni suu kaboyna ana asi ni suu Juifna ni ka naɗi lay. An hin ɦeɓesi asi mba goɓ kaŋga fokoŋ geleɗeŋu. Asi hin wi ana an miniŋu.
Lon tak min mamba ki ni ko ndaɗta na, aygi min Lona ay jewni ka aygi na ɗowɗi. Lona miniygi ay jewni namu nam sun goromma ay ana nam bulumuygi cooygira ki u ɓivun mamma.
Ɗowba agi saa ana ami halni dlara doo tami fokogira ɦawa su? Ami ɓakŋi ko Kristu minda na fok Lona banayanna ami dagi dla ndaɗta halaŋŋi kay a wulugi kolo hu vira.
Sa ma ndak ɓorowoygi ki u minda vi Kristura ni gege? Ni wihawra ɗowba laara su, lassa ɗowba, mayra ɗowba, hawra ɗowba, dlara sana fi maɗna funda ɗowba, miɗna tamba su?
