ROMMA 8:34 - Boy Lonana

³⁴ Sa ma hin kaɓakŋa kasina ni gege? Sa kaɗi. Yesu Kristu ma miɗna paɗ ki kolo kak hu bik ko Lona ma njufna ka cen Lona kaygiya.

ROMMA 8:34 ပူးပေါင်းရင်းမြစ်များ

JOB 33:24

Nam hin wam hahawamu, hin di ana, «Buɗum kiyo ka hinim a kal hu li ma girmindiŋŋaɗi. An fi va ma mbuɗumma wa.»

JOB 34:29

Lini nam seŋ tam ki wa ni sa ma hin kaasi ɓakŋa kasina ni gege? Lini nam kuluɓ irim ki wa ni sa ma hin wasina ni gege? May Lona ka saa kay njaf suuna ko sa warna na.

SOOLLA 109:31

Kay nam ka njun u suu hawra, kay suɗusi ki ko suu kaɓakŋa.

SOOLLA 37:33

Na may Yawe ka hinisisina kasiɗi, nam ka hin a kaɓakŋa kay sa ma ɗegeenaɗi.

EZAYI 50:8

Sa ma mbuɗun ki ɗegeena ay ka tok. Sa ma ndak a ci wayra u anna ni gege? Ŋgaaygi taygi fun ɓakŋa, sa ma hin li ɓakŋa u anna ni gege? Sa namma ɦuɗ tam ay egen tani.

EZAYI 53:12

Kay ndaɗta an kakam ki ni duk suu ŋgolona. Nam hin ɓorow tlesuu yowosi ay fun duunana ni ko tam u suu saɓak cocona. Kay nam hoŋ yam ki kaŋga ta ta miɗna. Nam gi tam ki duk suu li dla cora. Nam yow cora vi suu daŋŋa ki kam halaŋ. Nam ka njun kay suu ɓakŋa vasina.

JEREMI 50:20

Hu li namma na ni, Yawe ɓak hu li namma na gaw ana, Asi hin hal u dla cora Israel laɗta may, ndaɗ hin viɗ kiyo. Dla cora Yuda laɗta lay ndaɗ hin viɗ ki may, ka faɗ oloɗi. An hin heɓ hurun ki eg suu an hinisi iirina.

NDUMBA 7:15

bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may,

MATIYE 20:28

Gola. Goŋ Sanna mba ka ana suuna lam sunu naɗi. Nam mba ni a lasi sunda masi naɗow. Nam warak u iiri mamba a buɗ suuna ki bolow cocoo.»

MARK 16:19

Bu Suuna Yesu vunum ndi kaŋga may ni, tuɗ kolo vi Bum Lona gaw, kak kay bikim ma njufna.

Boy Ma Ayra Ma JAŊ Ɓiirimma 14:19

Hin a kak hu njokŋi, suu hu duliyara ka wan oloɗi. Lini agiya ni, agi hin wanu, kayme an ka iiriya, agi hin li iiri may.

Boy Ma Ayra Ma JAŊ Ɓiirimma 16:23

«Buu namma hin mba wa ni, agi ka joɓon kay va dew oloɗi. An dagi ha ni gasira, Bun hin ɦagi tlesuu agi joɓosi u senna halaŋ.

SUNDA 2:24

Lona colom ki kolo iiri hu ti tara vi miɗna, kay saɓakŋa vi miɗna ndak ka a vambi.

ROMMA 14:13

Hiniygi dlara kaɓakŋa kay taygira kiyo, saaraygi na ɗow ko di ana, li dla mayra daɓ sem wayaŋŋa ɗowba kalam hu coraɗi.

ROMMA 14:9

Kristu miɗa paɗ ki kolo iiriya, a li Bu Suuna vi suu miɗina u suu iirina.

ROMMA 4:25

Ҥam ay ki hu miɗna ni kay cooygira nam colom ki kolo iiri ni kay a mbuɗuygi ɗegee fok Lona.

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

ROMMA 8:27

Lona ma wi huu suuna wi va ma Musukka joɓomma. Musuk Lonara cen ni kay suu vi Lon suu nam manasina, ko Lona minda na.

KOLOSNA 3:1

Lona paɗagi ay ki hu miɗna mbuɗugi kolo iiri u Kristu, halagi tlesuu kolo huulona hu li ma Kristu ka kaki hu bik ko ma njufna vi Lona.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

HEBRENA 9:24

Kay Kristu kal ka ni hu zi ma sa warna minim u komma a tak ki kay dlara gasiraɗi, nam kalni huulona tamba gaw a tak tam ki fok Lona ni kaygiya.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.

WIRA ŊGAYRA 1:18

An ni ma iirina, an ay jew miɗiya, cecemi an ka iiri a fafatɗa. Vun zira vi miɗna u huu lina vi suu miɗina ki ni konu.