ROMMA 8:30 - Boy Lonana

³⁰ Suu Lona manasi ay ki fok jewna nam yasiya, suu nam yasina nam mbuɗusi ki fokom ɗegee, suu nam mbuɗusi ki ɗegeena nam ŋgaasiya.

ROMMA 8:30 ပူးပေါင်းရင်းမြစ်များ

EZAYI 41:9

An vaŋ ay ki ni hu vun ndaŋgara daɓpa day. Ay hu ii haga ndaɗta day an yaŋu, aŋŋi sa ma an di kaŋ ana, «Aŋŋi saan ma sunda an manaŋŋi aŋu, hiniŋ ka kiɗi.»

Boy Ma Ayra Ma JAŊ Ɓiirimma 17:22

An ɦasi bibiŋilla aŋ ɦandara wa a asi li taɓi dew ko ay taɓi dewra na may.

Boy Ma Ayra Ma JAŊ Ɓiirimma 17:24

«Bunu, aŋ ɦansina, an min ana asi li u an hu li ma an hin kak huna, a asi wan bibiŋil manda. Bibiŋilla aŋ ɦandara, kayme aŋ minin ay ki fok jew bay duliyara liya.

Boy Ma Ayra Ma JAŊ Ɓiirimma 5:24

«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

ROMMA 1:6

Agi suu Romma ni duk suu yasi asina lay, agi suu Lona yagi maŋ Yesu Kristuna.

ROMMA 11:29

Lona ka hoŋ tli va ma nam ɦam kinaɗi, nam ka hoŋ vunum dagan kay suu nam yasinaɗi lay.

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

ROMMA 8:21

Tlesuu Lona lasina halaŋ hin cim kiyo, asi hin buɗ ki ko cim ndaɗta ni hu ŋgolla vi goryoŋ Lonna.

ROMMA 8:28

Aygi wi ana Lona li jivira halaŋŋi maŋ suu minimma, suu nam yasi ki u ŋgaɓ mambana.

1 KORINTNA 1:2

Maŋ suu vi Kristuna, suu vi Lonna hu Korint, suu Lona yasi ki mamma hu taɓpa u Yesu Kristu, maŋ suuna halaŋ suu yi sem Yesu Bu Suuna mayna Yesu Kristu, Bu Suuna masina u maygina.

1 KORINTNA 1:9

Lona ka hin va ma nam damma ki ɦawaɗi, nam ma yagi a agi kak taɓi u goromma Yesu Kristu Bu Suuna mayna.

1 KORINTNA 2:7

An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

2 KORINTNA 4:17

Wihawra feɗta ka tuɗ kami cecem lay li kami ni bibiŋilla ŋgolla ka daɓ kiɗi, ndaɗ ŋgol saɓak su wihawra ndaɗta.

GALATENA 1:15

Lona u min mamba manan ay ki jew bay an vuɗa kay a sunumu.

GALATENA 1:6

An li ndaana kay agi hinim ki na zak gawra, nam sa ma yagi ay u oora vi Kristura, agi hin hoŋ jok ki u boy ma daŋŋa.

GALATENA 5:8

Sa ma ganagi yagina ni ka Lona ma yagi aynaɗi.

EFESNA 1:11

Aygi faygi suɗta ni hu taɓ maygira u Kristura, kay Lona manaygi ay ki ni jewe, u va ma nam ŋgaamma Lona li tlena halaŋŋi u va ma nam saaram u min mambana daŋ may.

EFESNA 1:5

Lona saa ki fok jew ana nam min a mbuɗuygi ki a goryom hu Kristu, nam li na ni kay dla ndaɗta irim jiviya.

EFESNA 2:6

Hu taɓ maygira u Yesu Kristu Lona mbuɗuygi iiri u namu kay aygi mba kak ti mulla u nam hu mulla huulonara.

EFESNA 3:11

Lona li na ni u min mamba nam tiniɗ ay jewra, ka daɓ kiɗira, nam daɓ dla ndaɗta ki u Yesu Kristu Bu Suuna mayna.

EFESNA 4:4

Mbalatara dew, Musukka dew may juɓpa dew may, ta Lona yaygi ay u ndaɗta.

KOLOSNA 3:4

Iiri magira gasira ni Kristu, hu li ma nam hin tak tam kina ni agi hin mbay ni u nam may, fagi ɓorow magina ni hu bibiŋil mamba.

1 TESALONIKŊA 2:12

Ami gaɗagiya, soogi hurugiya, ami cenegi ana poyogi jivi ko Lona minda na. Nam ma yagi ay hu mul mamba u bibiŋil mambana.

2 TIMOTE 2:11

Boy namma wanni boy ma gasina, «Lini aygi miɗ u namu aygi hin kak iiri u nam lay.

HEBRENA 9:15

Gola Kristu ni sa ma duk ɦoŋga kay galamba wilira, kay suu Lona yasina mba fi iirira ka daɓ kiɗira ta nam vi vunum kaɗ hu jona vi Lonara. Asi ndak kay miɗta, miɗ namma mba ni a buɗ suuna ki hu coosira asi laɗ hu li ma asi hum ay u galamba basira.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

1 PIYER 3:9

Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

2 PIYER 1:10

Kay ndaɗta gorsenna soogi tagi eŋ a taɓ u yi mayra Lona yagira u manda nam managira, lini agi li ko ndaɗta na ni agi hin ka a cuk kaŋga hu coraɗi.

WIRA ŊGAYRA 17:14

Asi hin duu Goo Timiina nam hin su kasiya, kay nammi Bu Suuna vi Bu Suuna, mulna vi mulina, nam hin su kasi u suu mamsina, ni suu mam suu ɗegee suu yasi ay manasi kina.»

WIRA ŊGAYRA 19:9

Sa sunda huulona dan ana ɓiira, furira ka kay suu yasi ay hu luu ma vogodona vi Goo Timiina, nam hin dan hu olo ana, Boy namma ni boy ma gasina vi Lonna.