ROMMA 8:29 - Boy Lonana

²⁹ Suu Lona manasi ki fok jewna nam min a mbuɗusi ki ko goromma na, kay a goromma hin li a wayasi ma ŋgolna fok gorsem bolowo.

ROMMA 8:29 ပူးပေါင်းရင်းမြစ်များ

JEREMI 1:5

«Bay an laŋ ay hu suŋ tura ni an waŋu. Bay aŋ kal ay ki huruɗ tura ni an manaŋu. An mbuɗuŋ ki sa jok vun Lona maŋ suuna halaŋ.»

EFESNA 1:11

Aygi faygi suɗta ni hu taɓ maygira u Kristura, kay Lona manaygi ay ki ni jewe, u va ma nam ŋgaamma Lona li tlena halaŋŋi u va ma nam saaram u min mambana daŋ may.

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

1 PIYER 1:20

Kristu Lona manam ay ki ni jew bay duliyara li tuwa, nam takam ki hu buu ma daganna ni kagiya.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

1 KORINTNA 2:7

An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa.

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.

1 KORINTNA 15:49

Ni kay ndaɗta aygi tli taygi ni u nam ma minim u ndaŋgarana, ni na may aygi hin tlaygi taygi u nam ma ha kolo huulonna may.

ROMMA 9:23

Nam a tak ɦizza vi ŋgol mamba ki u oora nam laɗta ni, nam min ki fok jew a ɦay ŋgol mamba.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

ROMMA 11:2

Lona ka noy suu mam suu nam wasi ay jewna kiɗi. Agi wagi boy ma Eli dam maŋ Lona kay suu Israelna kaɗi su?

Boy Ma Ayra Ma JAŊ Ɓiirimma 17:16

Asi ka vi suu hu duliyaranaɗi, ko an ka masiɗira na may.

FILIPINA 3:21

Nam hin mbuɗuygi mbalataygira maŋira hu ndaŋgara ki zeɗ, mbuɗuygi ko mbalatamba bibiŋilla na a li u saɓak ma ɦamma ana tlena halaŋ hum umuna.

EFESNA 4:24

Cukugi bakka wilira egegiya, ni ta mini tli taɗ u Lonara ndaɗta tak ki kay iiri mayra ɗegeera u gasira.

KALKIRA 33:17

Yawe di Moiz ana, «Boy ma aŋ dam wanna an hin li ni na may, kay aŋ fi jivira irin wa, an waŋ ki ni u seŋ halaŋ.»

MATIYE 12:50

Sa ma li u minda vi Bun ma kolo huulona, sa namma ni wayanna, wayanda u sunu.»

KALKIRA 33:12

Moiz di Yawe ana, «Gola aŋ dan u vun taŋga ana, cuk suuna kiyo, may aŋ takan sa ma aŋ hin sunum u anna kaɗi, doli ɗini aŋŋi sa ma di ana, An waŋ ki ni u seŋ halaŋ, olo ana, Aŋ fi jivira irin wa.»

SOOLLA 1:6

Kay Yawe wi voɗta vi suu ɗegeena. Voɗta vi suu li dla cora, tuɗusi ni hu li ma baasi kina.

Boy Ma Ayra Ma JAŊ Ɓiirimma 17:26

An takaŋ ki masiya, an hin takaŋ ki olo kay a minda aŋ mininda li hurusiya, an u tanda li hurusi may.»

ROMMA 13:14

Cuk iirira wilira vi Yesu Kristu Bu Suunara kagiya. Viɗ tagi ki kay saara vi suu warna u furira vi mbalatara ɦawaɗi.

MATIYE 7:23

An hin dasi ana, An wagi ay kaɗi. Ҥuɗugi ha ki egen day, agi suu li dla cora.»

Boy Ma Ayra Ma JAŊ Ɓiirimma 20:17

Yesu daɗ ana, «Ŋgen kok egenɗi an bay tuɗ ay eg Bun tuwa. Ndak tuɗ di gorsenna ana an tuɗ kolo eg Bunu, nammi Bugi may eg Lo manna, nammi Loogina may.»

Boy Ma Ayra Ma JAŊ Ɓiirimma 17:19

Anu, an mbuɗ tan ki teteɗ ni kasiya, kay asi lay mbuɗ ki teteɗ hu gasira.

SOOLLA 89:27

«Nam hin yan ana, Bunu, Loonna, ɦini may ma suɗunna.»

MATIYE 25:40

Mulna hoŋosi dira ana, «An dagi ni u voɗoɗu, jivira agi laɗ eg sa maa dew duk gorsen suu hahawra, ni agi landa ay ni man anu.»

MATIYE 28:10

Yesu dasi ana, «Lagi ndaaɗi. Tuɗ dagi maŋ gorsenna asi tuɗ ha Galile. Ni li ma asi hin wan huna.»

1 KORINTNA 8:3

Sa ma min Lona, Lona wamu.

KOLOSNA 3:10

Kay mege agi cukugi sa ma wilina ki kagi wa, sa ma wilina mbuɗ ha fok wili na tew tew tli tam ko Lona ma minimma na, gak gak nam wi Lona ki gasi.