ROMMA 8:24 - Boy Lonana

²⁴ Aygi ki suɗiya ni aygi ka juɓ tuwa. Lini sana wi va ma nam juɓumma ni ka juɓpa oloɗi. Sa ma juɓ va ma nam wam kina ni gege?

ROMMA 8:24 ပူးပေါင်းရင်းမြစ်များ

HEBRENA 11:1

Vira ni tin huruŋ gasi kay va ma aŋ ka saa kamma, aŋ wi va namma ka u iriŋgi may aŋ vi kaŋ gasi ana va namma ni na daŋ may.

2 KORINTNA 5:7

Ami ka tuɗ fokomi u vira bay wi u irimi tuwa.

2 KORINTNA 4:18

Ami tin hurumi ni ka kay va sa wam u irimbi, ni kay va ma sa ka wam u irimbina. Va ma sana wam u irimma ka kak ŋgolɗi, va sa ka wam u irimbina kak din din ni namu.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 TESALONIKŊA 5:8

Aygi suu hu faalirana lakaygi taygi miniya, cukuygi koroŋ ma vira u minda taygiya, tinigi jumba mulla juɓpa ɗigilla vi suɗta kagiya.

1 PIYER 1:3

Geleɗeygi Lona, Bu Bu Suuna Yesu Kristu kay jivi mamba ŋgolla nam ɦaygi iirira wilira hu li ma nam col Yesu Kristu ki kolo iiri duk suu miɗina. Ni kay ndaɗta ay ka maa kay juɓpa juɓumbaɗi.

ROMMA 12:12

Furiyugi hu juɓpa, ɗigiligi irigi hu wihawra, cenegi u juɓpa egemu.

ROMMA 5:2

Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara.

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

ROMMA 15:4

Tlesuu ay hu Boy ma Ɓiirina jew halaŋŋa ɓii ay ni kay a takaygi u dlara, kay boy ma ay hu magaara namma halaŋ mba gaɗaya, kay ay mba kak u juɓpa u ɗigilla.

GALATENA 5:5

Lini amiya ni ami wi ana Lona hin mbuɗuygi ɗegee fokommi namu ni va aygi ka juɓumma, u saɓakŋa vi Musuk Lonara ka njun uygi hu vira.

SOOLLA 146:5

Furira ka kay sa ma Loŋ Yakobma ka njunumma u sa ma tin saa mamba kay Yawe, Loommana.

1 JAŊ 3:3

Lini gegelay ma tin hurum kay Kristuna, nam hin mbuɗ ki teteɗ ni ko nam na may.

2 TESALONIKŊA 2:16

Ko Bu Suuna Yesu Kristu u tamba u Lona Buy ma miniygina u jivi mamba ɦaygi so huu ma din dina u juɓpa lalamba.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

KOLOSNA 1:5

Hu li ma Boy ma Ayra, boy ma gasina, mbay varagi tani jewra tagi mini kay juɓpa agi hin faɗ ha kolora. Viigira u min magira coli ni kay va ma agi tin hurugi kamma, ka juɓugi koloo.

1 KORINTNA 13:13

Cecem wanda ni tlena hindi kaa, vira, juɓa, u minda, va ŋgol duk tlesuu asina ni minda.

ZAKARI 9:12

Tuɗugi hu liigi ma saɓakŋa daŋgay suu hurusi tinina. Karam gaw an di boy namma na. An hin ɦagi warakŋa ŋgol su olo.

JEREMI 17:7

Heɓpa ka kay sa ma tin saaram kay Yawena. Yawe hin mbuɗ ni saɓak mamma.

SOOLLA 33:18

May Yawe ka juɓ u suu lam ndaaramma, u suu tin hurusi kay ɗegee mambana.

SOOLLA 33:22

Yawe ko ɗegee maŋga li kamiya, kay hurumi halaŋ tini ni kaŋu.

VUN ŊGOLNA 14:32

Cora vi sa ma dlam cona vam ga ni ndaɗ tok. Hu buu ma miɗna lay, Sa ma ɗegeena, ɗegee mamba suɗumu.

ROMMA 4:18

Abraham viya ka juɓa kay dlara nam waɗ ka ginɗira kay hin mbuɗ a njaf suuna ŋgolo mba li a goryoŋu, ko Lona dira na «Ndum njaf maŋŋa hin lini na ga.»

ROMMA 8:20

Tlesuu Lona lasina halaŋ cuk kaŋga hu va ma ka u voɗombina ni ka u min masiraɗi, Lona hinisi ni namu. Na lay ni suuna ka juɓ gak gak.

TITTA 3:7

Kay u oo mamba aygi mbuɗ ɗegee fok Lona, ni aygi hin fi iirira ka daɓ kiɗira, aygi ka juɓuɗ u huruygi tini kaɗta.