ROMMA 8:23 - Boy Lonana

²³ Ni ka tlesuu Lona lasina doy holɗi, aygi suu fi Musuk Lonara ko ɦala jewra vi Londa nana lay, aygi u haɗ huna huruygi kay juɓ Lona a nam di ana aygi ni goryomu, hin buɗuygi ki hu mbalatara lay.

ROMMA 8:23 ပူးပေါင်းရင်းမြစ်များ

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

EFESNA 1:14

Musuk Lonara ni va ma mbuɗ balna ŋgayra vi suɗta ta nam di ay ki kaɗ jew maŋ suu mamma ko jona nara, nam daygi ana aygi hin fi jo namma ni hu li ma aygi buɗ kiwana. Geleɗeygi Lona kay ŋgol mamba.

EFESNA 4:30

Lagi dlara Musuk Lonara teteɗta yoo uɗɗi, Musukka ni va ma Lona tinigina kagina, ndaɗ ni va ma Lona tinim a ŋga buu ma nam hin a mbuɗ suu mamsina ki pasiyakŋa.

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

GALATENA 5:5

Lini amiya ni ami wi ana Lona hin mbuɗuygi ɗegee fokommi namu ni va aygi ka juɓumma, u saɓakŋa vi Musuk Lonara ka njun uygi hu vira.

ROMMA 7:24

Hahawra ni kan anu. Sa ma hin buɗun ki hu mbalatanda tuɗun hu miɗ namma ni gege?

ROMMA 8:19

Tlesuu Lona lasina halaŋ tasi lasi na jik jik a wi buu ma Lona hin tok goryom ki huna.

Boy Ma Ayra Ma LUK Ɓiirimma 20:36

Asi ka miɗ oloɗi lay. Asi ni ko suu sunda huulona na, asi ni goryoŋ Lonna kay asi ni suu paɗ ki kolo iirina.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

Boy Ma Ayra Ma LUK Ɓiirimma 21:28

Lini dla ndaɗta gijaŋ mbara wa ni, ɗoɓogi tagi ki duk ɗaŋ, tlagi yagi ki koloo. Ni agi hin tok a puruɗ kira.»

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

2 TIMOTE 4:8

Cecemmi warakŋa ka juɓunu, ni jumba mulla ɗegeera, Bu Suuna ma ɗegeena ma kaɓakŋa hin ɦanda hu buu namma, ka ɦanda ni man an dewɗi ni maŋ suu ka juɓum u minda hu buu ma nam hin hoŋ ayna halaŋ.

ROMMA 5:5

Juɓpa ka ganyam saɗi, Lona ɦaygi min mamba u Musuk mamba nam ɦaygira huruygira.

EFESNA 5:9

Kiɗikka vuɗ ni njaf jivira, zeɗ zeɗ halaŋ, u ɗegeera u gasira.

2 KORINTNA 7:5

Hu li ma ami mba hu Masedoin wanni fami koɗta ka hu na ndeɗi, ami fami wihawra ŋgolo. Njogoɗ ko tammi u suu daŋŋa, ndaana hurumi coco lay.

2 DLAŊ MULINARA 31:5

Hu li ma suuna hum di ndaɗta kina may ni, suu Israelna tok yam wa ble masi ma ne ki fokŋa ay ki bolow cocoo, sum veŋŋa u mbulna, mbul yumma u tlesuu daŋŋa zeɗ zeɗ cocoo u keŋ ma doogona vi tlesuu asi feɗesi ay ki vona halaŋ halaŋ.

ROMMA 5:3

Su bella wanni lini aygi ka hu wihawra lay ni aygi furiya. Aygi wi ana wihawra hin mbuɗ ɗigil ira.

ROMMA 5:11

Aygi furiyuygi ŋgolo hu Lona u Bu Suuna Yesu Kristu ma taɓaygi cecemi u Lonna.

1 KORINTNA 1:7

Ҥala vi Lona ta hin ki bay agi faɗ kaɗi, agi suu ka juɓ buu ma Yesu Kristu hin mba na.

2 KORINTNA 1:22

Nammi sa ma ɓiiriygi u semma, vo Musuk mamba huruygiya kay tak ki jivira nam ka ŋgomoɗ kaygira.