ROMMA 8:2 - Boy Lonana

² Na may gaɗta vi Musuk Lonara ɦal iirira taɓaygi eg Yesu Kristu buɗun ay ki hu gaɗta vi cora hu miɗna lay.

ROMMA 8:2 ပူးပေါင်းရင်းမြစ်များ

SOOLLA 51:12

Ҥi, Lona, mbuɗun huu ma jivina hurunu, kalan ŋgussa wilira hurun may.

EZEKIYEL 1:21

Lini asi tuɗa ni sem pupusna tuɗ may, lini asi col wa ni, sem pupusna col may. Lini asi weɗ ki kolo kay ndaŋgara wa ni sem pupusna weɗ ki kolo lay. Kay ŋgus tlesuu iiri asina ka hu sem pupusna may.

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

Boy Ma Ayra Ma JAŊ Ɓiirimma 6:63

Musukka ɦal iirira ni ndaɗu, ta sa warna ni ɦawaa. Boy ma an dagina ni musukka u iirira.

Boy Ma Ayra Ma JAŊ Ɓiirimma 8:32

Agi hin wi gasira, gasi ndaɗta hin mbuɗugi ki suu vuɗina.»

Boy Ma Ayra Ma JAŊ Ɓiirimma 8:36

Goona buɗugi ki wa ni, agi hin ki gasi suu vuɗina.

ROMMA 16:3

Gi deɓ Prisiye u Akilas ndarayan suu sun Yesu Kristuna.

ROMMA 3:27

Ni dlara sa hin a ŋga tam kaɗ daŋ olo su? Ka naɗi, ni kay mege? Kay nam hum u gaɗta, ni ka naɗi, ni kay mege? Kay nam tin hurumu.

ROMMA 5:21

Ni na may cora kak mulla kay miɗna, na may oora vi Lonara kak mulla kay ɗegeera tuɗuygi hu iirira bay daɓpa u Yesu Kristu Bu Suuna.

ROMMA 6:14

Kay dla cora kak mul kagiɗi, kay mege agi ka njuni u gaɗtaɗi, ni u oora vi Lona.

ROMMA 6:18

Agi buɗ ki hu cora, mbuɗi mborɓiina vi ɗegeera.

ROMMA 6:22

Cecemi agi buɗ ay ki ko dla cora wa, mbuɗ ni suu sunda vi Lona. Agi mbuɗ cecemmi suu vi Lonana, vuɗ magira ni poyra teteɗta, warak ma agi hin famma ni iirira bay daɓpa may.

ROMMA 7:21

An gi u gaɗ ndaɗta ha kiyo, lini an min a li jivira ni an ndakgi, an hoŋ lini cora na ɗow.

ROMMA 7:23

An fi gaɗta daŋga eg mbalatanu njogoɗ taɗ u ta hurun miniɗta, ndaɗ mbuɗun daŋgayna hu gaɗta vi cora egenda.

ROMMA 7:4

Ni ko ndaɗta na may gorsenna agi ki miɗi eg gaɗta. Hu li ma agi taɓi u mbalata Kristu agi mbuɗ ni maŋ sa ma paɗ ay ki kolo hu miɗna, kay aygi laygi sunda gasira maŋ Lona.

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

1 KORINTNA 15:45

Kay ndaɗta magaara di ana, «Sa ma jewna Adam lam ay ni a sa ma iirina,» Adam ma daganna ma Musukka ɦal iirira.

2 KORINTNA 3:17

Doli Bu Suuna ma magaara ɓak kam namma ni Musukka hu li ma Musukka vi Bu Suuna ka huna buɗta kira ka may.

2 KORINTNA 3:6

Sa ma mbuɗumi ndaki a suu sunda kay Galamba Wilira, ni ka u gaɗta ɓiiriraɗi, ni u Musukka. Gaɗta ɓiirira ci maɗna, Musukka ɦal iirira may.

GALATENA 2:19

Kay boyna vi gaɗta ni an miɗiya, miɗ namma col ay ni ko gaɗta daŋ may kay an a kak iiri maŋ Lona. An miɗ ay u Kristu hu gu garakŋa.

GALATENA 5:1

Kristu buɗuygi ki ni buɗta gasira kakaygi ɗigili hu buɗ ndaɗta, hoŋogi tagi hu mbaɓura oloɗi.

GALATENA 6:2

Njun u tagi a zii nekka vi tagira, agi li wa na ni hummi u gaɗta vi Kristura.

Magaara JAK Ɓiiriɗta 1:25

Sa ma saa kay gaɗta ɗegee ta buɗuygi kira vi boy namma hurum gasi, ka humum u furira kay a hin maaram ki ɦawaɗi. Li umu, sa namma Lona hin paɗ vunum ki kay sun mamba.

WIRA ŊGAYRA 11:11

Ŋgoo buu ma hindi u nus namma, Musuk ma iirina dew mbay vi Lona, kal hurusiya, asi yow ki koloo, suu wasi u irisina mbuɗ ki ndaana halaŋ halaŋ.

WIRA ŊGAYRA 22:1

Sa sunda huulona takan mbo lumma vi iirira nam weleɗ ko kristal na, nam ɓaɗ ay ki u dlamba mulla vi Lonna u Goo Timiina.