ROMMA 8:19 - Boy Lonana

¹⁹ Tlesuu Lona lasina halaŋ tasi lasi na jik jik a wi buu ma Lona hin tok goryom ki huna.

ROMMA 8:19 ပူးပေါင်းရင်းမြစ်များ

EZAYI 65:17

Gola an min a li huulona ma wilina, li ndaŋgara wilira may. Ni dlara jak ki jewra halaŋ ka li oloɗi, sa humum ka a gam kay dlara jak kira oloɗi.

MATIYE 5:9

Furira ka kay suu loɓ tasi a heɓ duk gorsesina, Lona hin yasi a goryomu.

Boy Ma Ayra Ma JAŊ Ɓiirimma 1:12

Suu ɦiw vi umu, tin hurusi kamu, nam ɦasi saɓakŋa a asi ndak mbuɗ ki goryoŋ Lonna.

SUNDA 3:21

Cecemi wanni Yesu Kristu kak ha kolo huulona a juɓ buu ma tlena halaŋ hin mbuɗ ki wilina tuwa. Ko Lona di kam jew u vun suu jokom vunumma na.

ROMMA 8:14

Suu hin tasi Musuk Lonara takasina asi halaŋŋi goryoŋ Lonna.

ROMMA 8:16

Musuk Lonara tak maŋ ŋgus maygira ana aygi ni goryoŋ Lonna.

ROMMA 8:18

An saa ana lassa ay ka laɗ koyni wanda ka ndak ŋga u ŋgolla Lona hin takayra fokkaɗi.

ROMMA 8:23

Ni ka tlesuu Lona lasina doy holɗi, aygi suu fi Musuk Lonara ko ɦala jewra vi Londa nana lay, aygi u haɗ huna huruygi kay juɓ Lona a nam di ana aygi ni goryomu, hin buɗuygi ki hu mbalatara lay.

ROMMA 9:26

Hu li ma asi di kasi ana ka suu mannaɗina, hu li namma ni asi hin yasi a, «goryoŋ Lona ma iirina.»

1 KORINTNA 1:7

Ҥala vi Lona ta hin ki bay agi faɗ kaɗi, agi suu ka juɓ buu ma Yesu Kristu hin mba na.

1 KORINTNA 1:8

Nammi sa ma hin vagi kom gak gak, a sa ba ki hu co taaɗi, tew ki fun buuna vi Bu Suuna mayna Yesu Kristu.

2 KORINTNA 6:18

An hin li ni a bugiya, agi hin lini a goryon u gorɓii mansina, Bu Suuna ma Saɓakŋa Kom Belna di boy namma ni namu.»

GALATENA 3:26

Agi mbuɗ a goryoŋ Lonana ni u vira kay taɓ maygira u Yesu Kristura.

FILIPINA 1:20

Cecemi an vi kan a juɓum u furira, an ka fi dlara an a mbuɗ zolo kaɗi, gak gak karami an ka juɓummi juɓi naɗow ni an tak ki kay ŋgolla vi kristura eg tanu lini a kak iiri lay lini a miɗ miɗi lay.

KOLOSNA 3:4

Iiri magira gasira ni Kristu, hu li ma nam hin tak tam kina ni agi hin mbay ni u nam may, fagi ɓorow magina ni hu bibiŋil mamba.

HEBRENA 12:27

Boy ma di «ni sem dew olo» ana tlesuu lasi halaŋŋa hin ŋgeŋeɗa, bulum ki halaŋ halaŋ kay a va ma ka bulum kiɗina hin ni nam hol.

1 PIYER 1:13

Kay ndaɗta tinigi saa magira kay a li sunda, lakagi jek jekee, tinigi saa magira kay ɦala agi hin faɗ falira Yesu hin mba tak tam kira.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

1 JAŊ 3:1

Goloygi minda Buygi Lona miniygira ndaɗ ŋgol coco ɦay, min mamba ni kayra nam yaygi ana aygi ni goryomba. Aygi ni goryom daŋ may kay ndaɗta suu kay ndaŋgarana ka waygiɗi, asi ka wi Lonaɗi may.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

WIRA ŊGAYRA 21:7

Sa tina, an hin ɦam tle asina, an hin li a Loomma, nam hin li a goonna may.