ROMMA 8:18 - Boy Lonana

¹⁸ An saa ana lassa ay ka laɗ koyni wanda ka ndak ŋga u ŋgolla Lona hin takayra fokkaɗi.

ROMMA 8:18 ပူးပေါင်းရင်းမြစ်များ

SUNDA 20:24

Ni iiri manda an ka ŋgaaɗ a vama kay tanɗi, ni an tuɗ fok u ayra gak gak a daɓ voɗta u vun sun manda, ta Bu Suuna Yesu ɦandara kay a di ki kay Boy ma Ayra u oora vi Lona.

ROMMA 8:19

Tlesuu Lona lasina halaŋ tasi lasi na jik jik a wi buu ma Lona hin tok goryom ki huna.

KOLOSNA 3:4

Iiri magira gasira ni Kristu, hu li ma nam hin tak tam kina ni agi hin mbay ni u nam may, fagi ɓorow magina ni hu bibiŋil mamba.

2 TESALONIKŊA 2:14

Lona yagi ay ni u Boy ma Ayra ma ami dagina na. Nam yagi a fi ɓorow magira hu ŋgolla vi Bu Suuna Yesu Kristu.

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

HEBRENA 11:35

U vira boyogina fi suu masi suu miɗina hoŋ ay ki kolo iiriya. Suu daŋŋa fi lassa ta ta miɗna, asi noy buɗta kira, ka min a col ay ki kolo hu miɗna a kal hu iirira jiviraɗi.

1 PIYER 1:13

Kay ndaɗta tinigi saa magira kay a li sunda, lakagi jek jekee, tinigi saa magira kay ɦala agi hin faɗ falira Yesu hin mba tak tam kira.

1 PIYER 4:13

Furiyugiya ni ko agi dlaɓ u wihawra vi Kristu na kay a agi mba li u ayra coco hu li ma ŋgol mamba hin mba tak taɗ kina.

1 PIYER 5:1

An di cecemi maŋ suu ŋgolo suu gol suu vina, an lay ni sa ma gol suu vina, sa ma diki kay wihawra vi Kristuna, an ka u bibiŋilla vi Lonara hin a tak kira. Gola ni va ma an a joɓosi kamma.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.