ROMMA 8:11 - Boy Lonana

¹¹ Lini Musuk Lonara ta col Yesu ay ki kolo hu miɗna iirira ka hurugiya ni, nam sa ma col Kristu ay ki kolo hu miɗna iirina, hin ɦagi iirira maŋ mbalatagira miɗira u Musuk mamba ka hurugi ndaɗta.

ROMMA 8:11 ပူးပေါင်းရင်းမြစ်များ

EZAYI 26:19

Suu maŋ suu miɗina hin hoŋ ki iiriya, tliwisi ma miɗina hin paɗ ki kolo iiriya. Asi sawalla furira ana dliɗigi kiyo, agi suu ay ga duk ndaŋgarana, kay mbaɗagi magira ni mbaɗagi kiɗikka. Suu may suu ay hu ndufundana hin wi kiɗikka.

EZEKIYEL 37:14

An hin foogi musuk manda hurugi a agi hoŋ ki iirira. An hin mba cukugi ki kay mbas magira. Agi hin wi ki ana an Yawe di dlara wa na ni hin li dla ndaɗta ki mbee. Di ni Yawe.»

Boy Ma Ayra Ma JAŊ Ɓiirimma 14:17

Suu hu duliyara ka ndak a faɗɗi kayra asi ka waɗɗira. Agiya, agi waɗu, kay ndaɗ kak hurugiya, ka u agi tew tew lay.

Boy Ma Ayra Ma JAŊ Ɓiirimma 5:21

Buna paɗ suu miɗina ki koloo, ɦasi iirira hurusiya, na may ni, Goona ɦal iirira maŋ suu nam min a ɦasira na.

SUNDA 2:24

Lona colom ki kolo iiri hu ti tara vi miɗna, kay saɓakŋa vi miɗna ndak ka a vambi.

ROMMA 16:10

Gi deɓ Apelles sa ma fi tukka kay viimba u Kristuna. Gi deɓ maŋ suu hu zina vi Aristobulna.

ROMMA 16:3

Gi deɓ Prisiye u Akilas ndarayan suu sun Yesu Kristuna.

ROMMA 16:7

Gi deɓ Andronikus u Junias asi suu somo manda ay hu daŋgayna u tami lay. Asi ay ni duk suu vovoɗta sesi tii co co lay, asi vi u Boy Lonana ni jewen lay.

ROMMA 16:9

Gi deɓ Urbain ndaraygi ma sunda vi Kristu u banan ma an minimma Stasis.

ROMMA 6:12

Hin dla cora a kak mulla kay tagi mayra miɗiraɗi, ka a nam ɦeɓegi a li u min maɗtaɗi.

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

ROMMA 8:12

Gorsenna balna ka kaygiya, ni ka ana li u minda vi mbalataygiya a poy u min maɗtaɗi.

ROMMA 8:2

Na may gaɗta vi Musuk Lonara ɦal iirira taɓaygi eg Yesu Kristu buɗun ay ki hu gaɗta vi cora hu miɗna lay.

ROMMA 8:9

Agi lagi u minda vi mbalataraɗi, lagi u minda vi Musuk Lonara kay mege Musuk Lonara ka hurugiya, sa ka u Musukka vi Kristuɗina ni ka mammaɗi.

1 KORINTNA 15:16

Lini suu miɗina ka paɗ ki kolo iiriɗi, ni Kristu u tamba lay ni paɗ ka ki kolo iiriɗi.

1 KORINTNA 6:14

Lona paɗ Bu Suuna ay ki kolo hu miɗna iiriya, ni nam hin paɗaygi ay ki kolo hu miɗna iiri u saɓak mamma may.

2 KORINTNA 4:11

Hu iiri mamira ni ami tew tew laki fun miɗna kay sem Yesu kay iirira vi Yesura mba tak ki eg mbalatamira miɗira.

2 KORINTNA 4:14

Ami wi ana Lona paɗ Bu Suuna Yesu ki kolo iiriya, nam hin paɗami ki kolo iiri ko tami u Yesu may, aygi hin taɓi ko taygi dew fokom namu.

2 KORINTNA 5:4

Ni aygi day day ka kaki hu mbutluɓ ma kaŋga duk ndaŋgara namma, aygi ka wi hawra ko nekka kaygi na. Ka ana ami min ɓorow ki u mbalatamira kay ndaŋgara wanda naɗi, ami min a cuk mbalata mayra kolora egemiya, ma miɗna mba loɗ ki u ma iirina.

GALATENA 6:8

Lini sana zaa ni hu mbalatam ɦawaa, mbalatam hin ɦam va ma ko feɗta nana ni miɗna, lini nam zaa ni va ma jivi u Musukka, Musukka hin ɦam va ma ko feɗta nana ni iirira ka daɓ kiɗira.

EFESNA 2:5

Hu li ma aygi ay miɗi fok Lona kay cooygira, nam hoŋ mbuɗuygi iiri hu Kristu, u oora vi Lona agi suɗ ki ni na.

FILIPINA 3:21

Nam hin mbuɗuygi mbalataygira maŋira hu ndaŋgara ki zeɗ, mbuɗuygi ko mbalatamba bibiŋilla na a li u saɓak ma ɦamma ana tlena halaŋ hum umuna.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

WIRA ŊGAYRA 1:18

An ni ma iirina, an ay jew miɗiya, cecemi an ka iiri a fafatɗa. Vun zira vi miɗna u huu lina vi suu miɗina ki ni konu.

WIRA ŊGAYRA 11:11

Ŋgoo buu ma hindi u nus namma, Musuk ma iirina dew mbay vi Lona, kal hurusiya, asi yow ki koloo, suu wasi u irisina mbuɗ ki ndaana halaŋ halaŋ.