7 Hin daygi ni ana mege, gaɗta ni cora su? Ҥawaa ka coraɗi, gaɗta takan ki ni coonda. Lini gaɗta di ana, «Aŋ ŋgiziɗ ziŋ somoŋgira ɗi» ni, an ka wi ana ŋgiziɗ ziŋ somoŋŋa ni cooraɗi.
Cara wi ana vuɗ gu namma jivi a tira, gol jivi lay, a ndaɗ mbuɗ wi dlara coco lay. Ndaɗ ndoɗom vuɗum ndoɗni tamu, ɦal maŋ njufuɗu, nam ka egeɗu, nam ti may.
Fiɗigira mba may ni, David col ki kolo kay lay mamma. Nam tuɗ poyra kay yam zina vi mulna. Ay kolo kay yam zina day ni nam wi cara ka mbus taɗu. Ca ndaɗta jiv coco ɦay.
«Aŋ ŋgiziɗ ziŋ ndaraŋŋanaɗi. Aŋ ŋgiziɗ caŋ ndaraŋŋaraɗi, ŋgiziɗim saam ma li sunda varammaɗi lay, goora li sunda varambaɗi lay, mbutl mammaɗi lay, korro mambaɗi lay, tlesuu varamma halaŋ maa na nde lay, aŋ ŋgenembi.»
Kay ndaɗta gaɗta di ana, «Aŋ li zoŋgi, ci maɗɗi, kulɗi, ŋgiziɗ vaŋ saɗi,» gaɗ ndaɗta lay ura daŋga lay taɓ dew hu mayra ana, «Min ndaraŋŋa ko taŋga nara.»
Va ma jivina hin mbuɗ a va ma can kina su? Ka naɗi, cora mbaa dla ndaɗta ni ndaɗu. Ndaɗ tak gasi maɗta ana ndaɗ ni corara, ndaɗ li sunda u dlara jivira kay a can kiyo, gola cora mbuɗ ni na, ndaɗ mbuɗ ki saɓaki cora ni u gaɗta.
«Aŋ ŋgiziɗ caŋ ndaraŋŋaraɗi. Aŋ ŋgiziɗ ziŋ ndaraŋŋanaɗi, aŋ ŋgiziɗ sene ma vi ndaraŋŋanaɗi, ŋgiziɗim saam ma sundaɗi lay, goora li sunda varambaɗi lay, mbutl mammaɗi lay, koro mambaɗi lay, tlesuu varamma maa na nde lay aŋ ŋgenembi.»
Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).
An wi baraw robba ŋgolla jivi cocora ay hu Babilonni, doonora kis kis mba' may, tokolo lorra dew may. An irin filiw yowosi aya. An pasi ka ga hu mbutluɓma, doonora ŋgay ki kaŋga u may.»