ROMMA 7:6 - Boy Lonana

⁶ Cecemi aygi buɗ ki hu gaɗta wa, kay aygi ki miɗi eg cora vaygi jew kaŋgara. Agi ndak a sun Lona hu dlara wilira u saɓakŋa vi Musuk Lonara, u dlara basira ɓiiri hu gaɗtara ka oloɗi.

ROMMA 7:6 ပူးပေါင်းရင်းမြစ်များ

EZEKIYEL 11:19

«An hin ɦasi huu ma wilina u ŋgussa wilira. An hin paɗasi hurusi ma sooy eŋ ko ndal gogoyra nana kiyo, an hin ɦasi huu ma lumuɗna hurusiya.

EZEKIYEL 36:26

An hin kalagi hurugi ni huu ma wilina, hin kalagi hurugi ni ŋgussa wilira lay. An hin paɗagi hurugi ma sooy ko ɦinira nana kiyo, hin kalagi ha hurugi ni huu ma lumuɗ ko tliwna nana.

ROMMA 1:9

Lona wi ana an di ni gasira, an sunummi nam Lona kay di Boy ma Ayra kay Goomma ki u hurun halaŋ nam wi ana an ka saa kagi tew tew.

ROMMA 12:2

Tlumugi tagi u dlara vi suu hu duliyaraɗi, hinigi Lona pereɗegi u mbuɗta gasira zeɗ u yal magina halaŋ, li wa na ni agi hin wi tlesuu Lona min a ay lasina, tlesuu jivina, tlesuu teteɗna, tlesuu pasiyakŋa.

ROMMA 6:11

Agi may ni gol tagi ko miɗi eg dla cora na. Kak iiri maŋ Lona taɓi hu Yesu Kristu.

ROMMA 6:19

An ɓak boy namma ko suuna halaŋ ɓaka na kay maŋi magira suu warna. Ay jew ni agi hin tagi a mborɓiina vi sunda cora u bay ɗegeera, u sunda cora agi poy ni hu dlara ka u voɗoɗɗira, na may cemi agi hin tagi halaŋ a mborɓiina vi sunda ɗegeera, a poy poyra teteɗta.

ROMMA 6:2

Ka naɗi. Aygi ki miɗi hu cora aygi hin kak iiri huruɗni nana daŋ ologe?

ROMMA 6:22

Cecemi agi buɗ ay ki ko dla cora wa, mbuɗ ni suu sunda vi Lona. Agi mbuɗ cecemmi suu vi Lonana, vuɗ magira ni poyra teteɗta, warak ma agi hin famma ni iirira bay daɓpa may.

ROMMA 6:4

Hu batemma ay pi u namu kay a miɗ ko taygi dew, ko ndal Yesu Kristu paɗ ki kolo iiri u saɓak ma ŋgolna vi Bumma na. Aygi may ni hin mba lakaygi hu iirira wilira.

ROMMA 7:1

Gorsenna agi wi boy ma an min daginana wa kay mege agi wi gaɗta, gaɗta li saɓak kay sana ni hu li ma nam ka iiri tuna.

ROMMA 7:2

Ko ndal cara njuni hu gaɗta u njufuɗ hu li ma nam ka iiri tuna, lini njufuɗ miɗ wa ni ndaɗ buɗ ki hu gaɗ ndaɗta.

ROMMA 7:4

Ni ko ndaɗta na may gorsenna agi ki miɗi eg gaɗta. Hu li ma agi taɓi u mbalata Kristu agi mbuɗ ni maŋ sa ma paɗ ay ki kolo hu miɗna, kay aygi laygi sunda gasira maŋ Lona.

2 KORINTNA 3:6

Sa ma mbuɗumi ndaki a suu sunda kay Galamba Wilira, ni ka u gaɗta ɓiiriraɗi, ni u Musukka. Gaɗta ɓiirira ci maɗna, Musukka ɦal iirira may.

2 KORINTNA 5:17

Lini sana ka hu Kristu ni nam mbuɗ ni sa ma wilina, tlesuu basina daɓ ki wa, suu wilina ka ni asiya.

GALATENA 3:13

Kristu mbuɗ ki sa ma baayna balamaya, nam buɗuygi ki ko gaɗta, magaara di ana sa ma ki ɓali kolo hu gu garakŋa ni sa ma ki baayna.

GALATENA 6:15

Caw ɗiwra u caw ɗiw kaɗira lay ni li vaɗi, va ma ŋgolna ni vuɗta wilira dew daŋ.

EFESNA 4:24

Cukugi bakka wilira egegiya, ni ta mini tli taɗ u Lonara ndaɗta tak ki kay iiri mayra ɗegeera u gasira.

FILIPINA 3:3

Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.

KOLOSNA 3:10

Kay mege agi cukugi sa ma wilina ki kagi wa, sa ma wilina mbuɗ ha fok wili na tew tew tli tam ko Lona ma minimma na, gak gak nam wi Lona ki gasi.