ROMMA 7:5 - Boy Lonana

⁵ Hu li ma ay ka hu saara sa warna tuna, saara cora zuɗuy a ŋgel gaɗta li sunda huri halaŋ a tuɗi hu miɗna.

ROMMA 7:5 ပူးပေါင်းရင်းမြစ်များ

MATIYE 15:19

Saara cora col ay hu sana, zuɗum um ha a ci maɗna, li zoŋga may, li dla cora, kulna, kaboyna, li ŋgeŋŋa kay suuna halaŋ lay.

Boy Ma Ayra Ma JAŊ Ɓiirimma 3:6

Va vuɗ ay u minda vi sanara ni sana may, va vuɗ ay hu Musuk Lonara ni Musukka may.

ROMMA 1:26

Ni kay ndaɗta Lona hinisi buɗi u saa masira cora duk zolona, boyogi masisina mbuɗ taɓ masira duk tasira ki va ma daŋŋa ka ko suuna lira na oloɗi.

ROMMA 3:20

Sa ma li u va ma gaɗta damma ana nam ɗegee fok Lona ni kaɗi. Gaɗta tak ki ni cora vi sana.

ROMMA 4:15

Gaɗta mbaa yara vi Lona, lini gaɗta kaɗi ni bay hum vunna vi gaɗta kaɗi may.

ROMMA 5:20

Gaɗta mbay ni a zul cora, lini cora zul wa ni, oora vi Lonara hin mbuɗ ŋgol suwa.

ROMMA 6:13

Hinigi mbalatagi a li sunda maŋ dla cora ko tlesuu sunda vi dla cora naɗi, ɦal tagi ni maŋ Lona na ɗow. Ko suu paɗ aygi kolo iiri hu miɗnana na, hinigi tagi ni a lam sun mamba ɗegeera.

ROMMA 6:19

An ɓak boy namma ko suuna halaŋ ɓaka na kay maŋi magira suu warna. Ay jew ni agi hin tagi a mborɓiina vi sunda cora u bay ɗegeera, u sunda cora agi poy ni hu dlara ka u voɗoɗɗira, na may cemi agi hin tagi halaŋ a mborɓiina vi sunda ɗegeera, a poy poyra teteɗta.

ROMMA 6:21

Agi hin fi me u sunda zolo ta agi laɗ ay jew ndaɗta ge? Sun ndaɗta tuɗuŋŋi hu miɗna.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

ROMMA 7:23

An fi gaɗta daŋga eg mbalatanu njogoɗ taɗ u ta hurun miniɗta, ndaɗ mbuɗun daŋgayna hu gaɗta vi cora egenda.

1 KORINTNA 15:56

Miɗna vi saɓakŋa vi cora a li sana kiyo, saɓak ma vi cora ni gaɗta.

2 KORINTNA 10:3

Aygi ka kagi cemi hu mbalatara sa warna, aygi ka duu taygi ko hu sa warna naɗi.

GALATENA 3:10

Lona gi vunna maŋ suu tin hurusi kay gaɗtana halaŋ, kay magaara di ana sa ma ka li u tlesuu ɓiiri hu magaara gaɗta halaŋgina kini baaya.

GALATENA 5:24

Suu vi Yesu Kristuna ci minda vi mbalatara ki u minda vi sa warna halaŋ.

EFESNA 2:11

Agi suu vuɗ ka hu njafna vi suu Juifnaɗina, agi suu may suu Juifna yagi ana suu bay caw ɗiwra, yi tasi ana asi ni suu caw ɗiwra may, u dla mayra suuna laɗ eg mbalatasi ɦawara, humugi gagi kay dlara agi laɗ ay jewra.

EFESNA 2:3

Aygi halaŋ li ay ni ko asi na may, ay poyoygi ni u minda vi sa warna. Aygi ay lini u minda vi mbalataygiya, u ŋgus maygira, aygi ay ni hu njafna ki ŋgaɓi kay yara vi Lona ko suu hiŋŋa na may.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.

Magaara JAK Ɓiiriɗta 1:15

Ŋgoo dagani saara cora vi wiina vuɗ sulukŋa, sulukŋa wul wa ni hin vuɗni miɗna may.

Magaara JAK Ɓiiriɗta 4:1

Ciwayra u honira mbay dukugi ni arage? Asi mbay ni u minda cora, asi duu tasi tew tew huruygira.

1 JAŊ 3:4

Gegelay li cora wa, ni nam gi ki ni vun gaɗta vi Lonara, kay me cora ni ana aŋ gi vun gaɗta vi Lonara kiyo.