ROMMA 6:6 - Boy Lonana

⁶ Waygi ki jivi ana saaygi ma jewna aygi ɓalam ki hu gu garakŋa u Yesu wa, kay taygira li dla cora mba li oloɗi, aygi ka a mba li mbaɓu vi cora oloɗi lay.

ROMMA 6:6 ပူးပေါင်းရင်းမြစ်များ

2 MULINA 5:17

Naaman hin di ana, «Aŋ min ka a van va konɗi ni, cemi an ceneŋu hinin an yow ndaŋgara Israella kay koro suu Makkana mba'. An ka min a li ɓivun ma ŋgalam ki ŋgalina u ɓivun ma belna maŋ lo ma daŋ oloɗi. Ni maŋ Yawe Lona vi suu Israelna doy hol.

EZAYI 26:13

Yawe, Loomina, muli suu daŋŋa ti mulla kamiya, na may ami yaŋŋi seŋ aŋ na dew.

ROMMA 6:12

Hin dla cora a kak mulla kay tagi mayra miɗiraɗi, ka a nam ɦeɓegi a li u min maɗtaɗi.

ROMMA 6:22

Cecemi agi buɗ ay ki ko dla cora wa, mbuɗ ni suu sunda vi Lona. Agi mbuɗ cecemmi suu vi Lonana, vuɗ magira ni poyra teteɗta, warak ma agi hin famma ni iirira bay daɓpa may.

ROMMA 7:14

Ay wi ana gaɗta ay ni vi Lona, anni sa warna ɦawaa ki gusi a mbaɓuna ko cora.

ROMMA 8:13

Lini agi poy u minda vi mbalatagiya ni agi hin miɗa, lini u saɓakŋa vi Musuk Lonara, agi noy minda vi mbalatara kiyo ni agi hin kak iiriya.

2 KORINTNA 5:14

Minda vi Kristu ɦeɓemiya, ami suu wi ki gasi ana sana dew miɗ kay suuna halaŋ, gegelay mba fi miɗ mamma u namma.

GALATENA 2:20

An ka iiri kay tan cecemi oloɗi, Kristu ka iiri hurun ni namu, iiri manda an a sa warna cecemi wanda an ka iiri hu vira u Goŋ Lonana nam ma mininna ɦal iiri mamba ki kanna.

GALATENA 5:24

Suu vi Yesu Kristuna ci minda vi mbalatara ki u minda vi sa warna halaŋ.

GALATENA 6:14

Lini kan anu ni an ka min a ŋga tan kay garakŋa vi Buu Suuna Yesuɗi, kay garakŋa vi Kristu ni tlesuu hu duliyara halaŋ ki miɗi kanu, an tanda ki miɗi kay tlesuu hu duliyarana may.

EFESNA 4:22

Hinigi dlaagira basira kiyo, ta tuɗugi hu poy mayra cora jak ki jewra, dlaagira basi ndaɗta ni ganyamba ba sana kira.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.