ROMMA 6:23 - Boy Lonana

²³ Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

ROMMA 6:23 ပူးပေါင်းရင်းမြစ်များ

URA TIN AYRA 2:17

Na may gu may ma wi yal jivira u cora aŋ tambi, falira aŋ tamwani aŋ hin miɗa.»

URA TIN AYRA 3:19

Aŋ hin fi tiiŋŋa ni u zamalla vogoŋu, gak gak aŋ hin hoŋ duk ndaŋgara aŋ mbay ki hura. Gasi aŋŋi ndaŋgara, aŋ hin hoŋ duk ndaŋgara aŋ mbay ki hura.»

VUN ŊGOLNA 11:19

Na daŋ may ɗegeera tuɗuŋ hu iirira, sa ma li dla cora tuɗ ni hu miɗna.

EZAYI 3:11

Sa ma cona kak u hahawra, hahawra ka kamu, kay ɓakŋa hin ka kammi ko dlara nam laɗta na may.

EZAYI 3:9

Irisira golla ka takasi coosira kiyo, asi tak dla coosira ki ko suu Sodomma na, asi ka ŋgayaɗi. Hahawra kasiya, asi mba dla cora kasi ni kay tasiya.

EZEKIYEL 18:20

Sa ma li dla cora, sa namma hin miɗ ni namu. Goona ka zii cora vi bunaɗi. Buna ka zii cora vi goonaɗi may. Ɗegeera vi sa ma ɗegeena hin li ni kam may. Cora vi sa ma cona hin li ni kam may.

EZEKIYEL 18:4

Gola iirira halaŋŋi manda, iirira vi buna u iirira vi goona halaŋŋi manu. Sa may ma li dla corana ni ma hin miɗ kina.

MATIYE 25:46

Suu asina hin tuɗ duk kura ka daɓ kiɗira. Suu ɗegeena hin fi iirira ka daɓ kiɗira may.»

Boy Ma Ayra Ma JAŊ Ɓiirimma 10:28

An ɦasi iirira ka daɓ kiɗira, asi ka miɗ oloɗi lay. Sa ma ɓaɗansina ki kon kaɗi lay.

Boy Ma Ayra Ma JAŊ Ɓiirimma 17:2

Kay aŋ ɦam saɓakŋa kay suuna halaŋ, a nam ɦal iirira ka daɓ kiɗira maŋ suu aŋ ɦamsina na.

Boy Ma Ayra Ma JAŊ Ɓiirimma 3:36

Sa tin hurum kay Goonana, fi iirira ka daɓ kiɗira. Sa ka tin hurum kay Goonaɗina, ka fi iiri ndaɗtaɗi. Yara vi Lonara hin tok kamu.

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

Boy Ma Ayra Ma JAŊ Ɓiirimma 4:36

Sa feɗ wana hu senena, nam fi ki ni warak mamba da, nam tok ii wana ni kay iirira bay daɓpa. Ni kay ndaɗta, sa feɗ wana may, sa zaa wana may, asi furi ni ko tasi dew.

Boy Ma Ayra Ma JAŊ Ɓiirimma 5:24

«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

Boy Ma Ayra Ma JAŊ Ɓiirimma 6:27

Lagi sunda kay fu ma ɓeŋ ki ɦawanaɗi, lagira ni kay fu ma kak iiri gak gak ɦagi iirirana. Fu namma Goŋ Sanna hin ɦagina ni namu, kayme Bum Lona ɦam saɓak namma ni hu duk kom halaŋ.»

Boy Ma Ayra Ma JAŊ Ɓiirimma 6:40

Dlara Bun hurum miniɗta, ni ana suu wi Goŋ Sanana, tin hurusi kamma, fi iirira ka daɓ kiɗira. An hin paɗasi ki kolo iiri, ŋgoo dagan hu buu ma kaɓakŋa.»

Boy Ma Ayra Ma JAŊ Ɓiirimma 6:68

Simon Piyer hoŋom dira ana, «Bu Suuna, ami tuɗ ni eg gege? Boy ma ɦal iirira ka daɓ kiɗira ni koŋgi su?

ROMMA 1:32

Asi kay tasira wi ɓak ma vi Lonna ki jiviya, suu li ko ndaɗta na na hin fi miɗna, asi wi ki masi na lay yasi gak li dla mayra ndaɗta, asi taɓ vunusi u suu li dlara ndaɗta lay.

ROMMA 2:7

Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

ROMMA 5:12

Cora mba hu duliyara halaŋŋi u sana dew, u Adam, cora mbaa miɗna, miɗna njay ki kay suuna halaŋ kay asi halaŋ li coo.

ROMMA 5:17

Lini miɗna kak mulla kay suuna u cora vi sa ma dewna, u sa ma dewna Yesu Kristu aygi hin fini ŋgolla su halaŋga, suu fi oora vi Lona cocona u ɦala ɗegeera hin kak iiriya, ti mulla u Kristu lay.

ROMMA 5:21

Ni na may cora kak mulla kay miɗna, na may oora vi Lonara kak mulla kay ɗegeera tuɗuygi hu iirira bay daɓpa u Yesu Kristu Bu Suuna.

ROMMA 6:16

Agi wi kagi ana agi ɦal tagi wa a li sunda vi saa ni hum umu, agi hin mbuɗ ni mborɓiina vi sa ma agi hum uma, li u cora a tuɗuŋ hu miɗna kala, ɗowba u hum vunna a tuɗuŋ hu ɗegeera fok Lona.

ROMMA 6:21

Agi hin fi me u sunda zolo ta agi laɗ ay jew ndaɗta ge? Sun ndaɗta tuɗuŋŋi hu miɗna.

ROMMA 8:13

Lini agi poy u minda vi mbalatagiya ni agi hin miɗa, lini u saɓakŋa vi Musuk Lonara, agi noy minda vi mbalatara kiyo ni agi hin kak iiriya.

ROMMA 8:38

An wi ki gasi gasi ana va ma ɓorowoygi duk ɦoŋoy ki u min mamba kaɗi, miɗnaɗi lay, ka iiriraɗi lay, ka suu sunda huulonaɗi lay, ŋgolla daŋga u saɓak ma kolo huulonaɗi lay, ka dlara cecembaɗi lay, kara fokkaɗi lay.

ROMMA 8:39

Saɓak ma kolo huulonaɗi lay, saɓak ma kaŋga kay ndaŋgaranaɗi lay, ni ka va ma daŋ ma lam liiɗi lay, va ma ndak a ɓorowoygi dukuygi u minda vi Lona ta nam takaygira u Bu Suuna Yesu Kristura kaɗi.

ROMMA 8:6

Kay a hum u va ma mbalatara damma ni tuɗuŋŋi hu miɗna, na may hum u va ma Musuk Lonara damma ni tuɗuŋŋi hu iirira u heɓpa.

GALATENA 3:10

Lona gi vunna maŋ suu tin hurusi kay gaɗtana halaŋ, kay magaara di ana sa ma ka li u tlesuu ɓiiri hu magaara gaɗta halaŋgina kini baaya.

TITTA 1:2

kay asi mba lak juɓ u hurusi tini kay iirira ka daɓ kiɗira. Lona ma bay kaboyna, vi vunum ki fok jew kay iiri ndaɗta bay lina ndak tuwa.

Magaara JAK Ɓiiriɗta 1:15

Ŋgoo dagani saara cora vi wiina vuɗ sulukŋa, sulukŋa wul wa ni hin vuɗni miɗna may.

1 JAŊ 2:25

Gola ni va ma Kristu di ana nam hin ɦayginana ni iirira ka daɓ kiɗira.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.