ROMMA 6:13 - Boy Lonana

¹³ Hinigi mbalatagi a li sunda maŋ dla cora ko tlesuu sunda vi dla cora naɗi, ɦal tagi ni maŋ Lona na ɗow. Ko suu paɗ aygi kolo iiri hu miɗnana na, hinigi tagi ni a lam sun mamba ɗegeera.

ROMMA 6:13 ပူးပေါင်းရင်းမြစ်များ

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

ROMMA 6:16

Agi wi kagi ana agi ɦal tagi wa a li sunda vi saa ni hum umu, agi hin mbuɗ ni mborɓiina vi sa ma agi hum uma, li u cora a tuɗuŋ hu miɗna kala, ɗowba u hum vunna a tuɗuŋ hu ɗegeera fok Lona.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

ROMMA 7:5

Hu li ma ay ka hu saara sa warna tuna, saara cora zuɗuy a ŋgel gaɗta li sunda huri halaŋ a tuɗi hu miɗna.

1 PIYER 4:2

Agi may ni daɓagi iiri magira kay ndaŋgara cecemira a li u minda vi Lona, ka u minda vi mbalataraɗi.

KOLOSNA 2:13

Agi li ay jewni miɗi fok Lona kay coogira kay agi ay ni suu bay caw ɗiwra, suu bay vina. Cecemi Lona hoŋ mbuɗugi iiri u Kristu, ni Lona hoŋ daɓaygi cooygira ki halaŋ.

1 KORINTNA 6:20

Lona warak kagi a gusugira ni warakiya. Lagi tagi a ɦal ŋgolla maŋ Bu Suuna.

1 JAŊ 1:9

Lini aygi di cooygira ki fok Lona ni, aygi ndak a ɦam huruygi halaŋ kay me nammi sa ma ɗili ma ɗegeena, nam hin daɓaygi cooygira kiyo hin mbusuygi ki ko dla cooygira halaŋ.

1 KORINTNA 6:15

Agi ka wi ana mbalatagi ni mbalata Kristu naɗi su? An hin tli mbalata Kristu tani mbuɗuɗ ki mbalata cara gawlaŋga su? Ka li naɗi.

EFESNA 2:5

Hu li ma aygi ay miɗi fok Lona kay cooygira, nam hoŋ mbuɗuygi iiri hu Kristu, u oora vi Lona agi suɗ ki ni na.

FILIPINA 1:20

Cecemi an vi kan a juɓum u furira, an ka fi dlara an a mbuɗ zolo kaɗi, gak gak karami an ka juɓummi juɓi naɗow ni an tak ki kay ŋgolla vi kristura eg tanu lini a kak iiri lay lini a miɗ miɗi lay.

1 KORINTNA 6:9

Agi wagi ki kagi ana, suu hurusi cona ka fi Mul Lonaraɗi. Ganyam tagi kiɗi, suu li dla cora u suu cen lo ma ɦawana, u suu li zoŋga, suu buu u ndarayasi suu njufina,

ROMMA 6:19

An ɓak boy namma ko suuna halaŋ ɓaka na kay maŋi magira suu warna. Ay jew ni agi hin tagi a mborɓiina vi sunda cora u bay ɗegeera, u sunda cora agi poy ni hu dlara ka u voɗoɗɗira, na may cemi agi hin tagi halaŋ a mborɓiina vi sunda ɗegeera, a poy poyra teteɗta.

2 KORINTNA 10:4

Kawi ma aygi ka duu taygi, u namma ka ko ma vi suu duk ndaŋgarana naɗi, ni kawi ma saɓakŋa vi Lona ndak kay a to gulumunna ki kaŋgaa, ay to tlesuu ka u voɗosiɗina ki ni u kawi namma.

ROMMA 6:11

Agi may ni gol tagi ko miɗi eg dla cora na. Kak iiri maŋ Lona taɓi hu Yesu Kristu.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

2 DLAŊ MULINARA 30:8

«Cem wanda soogi yagi ki ko ndal somoyogi na oloɗi. Baaragi kogi fok Yawe. Mbaagi ay hu ziim ma nam mbuɗum ki teteɗ a fafaɗta wanna. Sunugi Yawe, Loogina, kay a nam vaɗ hurum ma ɓeŋina ki egegiya.

EFESNA 5:14

Ni va ma tak ki ɗal ɗalna hin mbuɗ ki kiɗiki kay ndaɗta boyna di anaba, «Dliɗ ki koloo aŋ sa ma buu senna, col ki kolo duk suu miɗina, Kristu hin ɓo lina ki kaŋ kiɗiki.»

2 KORINTNA 8:5

Dla ndaɗta lini su va ma ami saa kam jewna, asi hal tasi ki maŋ Bu Suuna u minda vi Lona egemi ami lay.

2 KORINTNA 5:15

Nam miɗ kay suuna halaŋ kay suu ka iirina mba kak iiri kay tasi oloɗi, kakŋi kay sa ma miɗna, hin paɗ ki kolo iiri kasina.

ROMMA 7:23

An fi gaɗta daŋga eg mbalatanu njogoɗ taɗ u ta hurun miniɗta, ndaɗ mbuɗun daŋgayna hu gaɗta vi cora egenda.

Boy Ma Ayra Ma LUK Ɓiirimma 15:32

Ay ndak a luu luu ma furira kayme wayaŋŋa gin ay ki ni ko miɗira na, cecemi nam mbuɗ ki ni iiriya. Nam ay ki ni baaya, cecemi an fam wa.»

Magaara JAK Ɓiiriɗta 4:1

Ciwayra u honira mbay dukugi ni arage? Asi mbay ni u minda cora, asi duu tasi tew tew huruygira.

ROMMA 1:29

Asi hoɓi u dlara dadamba, dla cora, halla hal tlena, huu ma cona, honira, ci maɗna, hoo vunna, ganyamba, mbaɗ vun ndarayasina u cora hu dlara dadamba ŋgolo.

Boy Ma Ayra Ma JAŊ Ɓiirimma 5:24

«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

Boy Ma Ayra Ma LUK Ɓiirimma 15:24

Kayme goron ma namma ay ki gin ni miɗiya, nam dliɗ ki wa. Nam ay ki gin ni viɗiya, an fam wa.» Luu ma furira gi jaŋŋa ni na gaw.

DANYEL 3:28

Nabukodonosor ɓak boyna di ana, «Ko sem Lo ma vi Sadrakŋa, Mesak u Abed Negona, suuna ŋgaamu, ma sun sasunda huulona mamma ay suɗ suu mam suu sunda ki kay ana asi ɦal tasi ki mam mayna. Hu li ma asi su vun mulna, asi ɦal tasi ki a lassa, goɓ lo ma daŋgi may, Loosina dew.

EZEKIYEL 18:4

Gola iirira halaŋŋi manda, iirira vi buna u iirira vi goona halaŋŋi manu. Sa may ma li dla corana ni ma hin miɗ kina.

VUN ŊGOLNA 12:18

Sa ma njaɗ cocona dlaamba dak tara ni ko ŋgewna na. May boy ma vi sa ma ɗegeena garaɗ sana kiyo.

SOOLLA 37:30

Vun sa ma ɗegeena di ni boy ma nera, sinim njaɗ ni dlara ɗegeera.

GA 8ATAMBARA 25:16

Kay suu li dlara ko ndaɗta nara, sa ma li nana ki ni ɓalaki ii Yawe Loogina.

2 TESALONIKŊA 2:12

Kay ndaɗta suu ka vi u gasiraɗina halaŋ, furi ni kay dla mayra cora. Ɓakŋa vasiwa.

2 KORINTNA 5:14

Minda vi Kristu ɦeɓemiya, ami suu wi ki gasi ana sana dew miɗ kay suuna halaŋ, gegelay mba fi miɗ mamma u namma.

2 TIMOTE 2:15

So taŋ a tak taŋ ki fok Lona ko sa ma ndakina na, sa ma li sunda ka li zolo kay sun mambaɗi, di boy ma gasina ki u voɗom ɗegee.