Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ROMMA 5:6 - Boy Lonana

6 Hu li ma saɓak maygina kaɗina Kristu miɗ ki kay suu cora hu buu ma Lona ŋgaamma.

အခန်းကိုကြည့်ပါ။ ကော်ပီ




ROMMA 5:6
30 ပူးပေါင်းရင်းမြစ်များ  

Aygi wi min mayra ŋgolla Lona takaygirara, Kristu miɗ kaygi ni hu li ma aygi ay jew ni suu cona.


Agi li ay jewni miɗi fok Lona kay coogira kay agi ay ni suu bay caw ɗiwra, suu bay vina. Cecemi Lona hoŋ mbuɗugi iiri u Kristu, ni Lona hoŋ daɓaygi cooygira ki halaŋ.


Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma.


Ҥam ay ki hu miɗna ni kay cooygira nam colom ki kolo iiri ni kay a mbuɗuygi ɗegee fok Lona.


Oo ndaɗta haɗay ana poyra cora u saara vi duliyara noyosi kiyo, kay ay hin poy u voɗoɗ hu ndaŋgara tani, mba fi iirira jivi ɗegee ɗili u Lona.


Sa ma li sun kaɗina tin hurum kay Lona ma mbuɗ suu cora ki ɗegeena, Lona golom ko sa ma ɗegeena na kay viimba.


Lini naɗi ni nam gijaŋ wihawra sem bolowo ay u minda min duliyara day. A gasira nam li cecemi na sem dew ni a fafatɗa. Ni lina hin tok a daɓa, nam a bulum cora kira wanni ɦal tamba a ɓivunna gaw.


Hu li ma lina ndakŋa Lona sun goromma aya nam vuɗ ay hu cara hum u gaɗta vi suu Juifna.


Aygi wi ana gaɗta li ni ka kay suu ɗegeenaɗi, ni kay suu li cora, u suu hoŋ duu u ndaɗna, kay suu hurusi cona, u suu sulukŋa, kay suu ka hoŋ yasi kaŋga fok Lonaɗina lay, suu ka wi tlesuu vi Lonaɗi layna. Kay suu ci busi u susi kina, ci suu daŋŋa layna.


Lona laygi ka a baaygi ki u yaambaɗi, a faygi ni suɗta u Bu Suuna mayna Yesu Kristu.


Kristu Lona manam ay ki ni jew bay duliyara li tuwa, nam takam ki hu buu ma daganna ni kagiya.


Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.


Kay a kaɓakŋa kay suuna halaŋ, ɓakŋa hin mba vi suu may suu li dla cora kay dlaasira asi laɗta halaŋ, duu tasi u Lonara, ŋgulla asi ŋgulumba u boy co ma asi damma kamma halaŋ.»


Huulona u ndaŋgara ka cecemi wanda, Lona hinisi u Boy mam namma, kay hin ɓalakasi ki u kura nam hinisi kay juɓ buu ma kaɓakŋa kay suu cona, baasi kiyo.


Ni dla mayra suu Israelna halaŋ hin mba fi suɗtara, kay magaara di ana, «Sa ma hin buɗ suuna kina hin mbay ni hu Siyon nam hin yow dla cora kay suu hu njafna vi Yakobma ki halaŋ.


Mul ma mbayawna hin mbaya, min li ma duuna hin tli zi ma saɓak cocona. Saɓak ma vi suu dalina hin ka ndak oloɗi, suu mam suu duu suu dlasi cona lay ka fi saɓak ma col fokosi oloɗi.


Furira ka kay sa ma ka vi vunum u suu li dla coraɗina, ka taɓ tam hu voɗta vi suu li sulukŋaɗi lay, ka kak u suu pan Lonaɗi lay.


Siyon mayra jivira jivi maɗta viɗ ki wa. Gola goryoŋ muli maɗsinana ko ndal goŋga ka fi haɗna a tiraɗi ni asi saɓakkasi kaɗi, tuɗ fok sa casi kina ni na.


Ana, «Buu ma daganna wanni suuna hin mba ŋgulugiya, asi hin lini dla cora u min masira.»


Loɓ ŋgol a sana vi kam a miɗ kay sa ma ɗegeena, kala sa ndak vi hurum a miɗ kay sa ma jivina.


Nam doo ka kay a ɦal goromma kiraɗi, nam ɦam ki ni kaygi halaŋ, nam hin hin bay ɦaygi tlesuu daŋŋa halaŋ u goromma ni nanage?


Sa ma hin kaɓakŋa kasina ni gege? Sa kaɗi. Yesu Kristu ma miɗna paɗ ki kolo kak hu bik ko Lona ma njufna ka cen Lona kaygiya.


An ka iiri kay tan cecemi oloɗi, Kristu ka iiri hurun ni namu, iiri manda an a sa warna cecemi wanda an ka iiri hu vira u Goŋ Lonana nam ma mininna ɦal iiri mamba ki kanna.


Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.


Mul ŋgol ma li ɓivunna ni kay a mbaa ɦala u tlesuu li ɓivunna maŋ Lona. Mul ŋgol maygi ma li ɓivunna lini nanagelay ni va ma nam a mbaaram fok Lona ka may.


bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ