ROMMA 5:5 - Boy Lonana

⁵ Juɓpa ka ganyam saɗi, Lona ɦaygi min mamba u Musuk mamba nam ɦaygira huruygira.

ROMMA 5:5 ပူးပေါင်းရင်းမြစ်များ

JOB 27:8

Agi di ana, «Va ma sa ma li dla cora a hin fam hu li ma Lona kaam zewem ay kina ni mege? Agi ka di naɗi su?

SOOLLA 119:116

U min maŋga aŋ li a sa ma njununna, ni an hin kak iiriya, hinin a juɓ manda li ki ɦawaɗi.

EZAYI 49:23

Mulina hin mbuɗ ni a suu haɗagina, gorɓii suu vi mulinana hin mbuɗ ni suu wulugi goryogina. Asi hin goɓ vogosi ga halaŋ goɓ fokoŋu. Asi hin tanaɗ gugum ma ŋgoo seŋŋa ki u sinisiya. Ni aŋ hin wi ki ana anni Yawe. Suu tin hurusi kanna ka mbuɗ zoloɗi.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

SUNDA 10:45

Suu Juif suu vina suu mbay u Piyerna wi ana Musuk Lonara mba njay kay njaf suu daŋŋa ni boy namma su ki kasi ɦay.

SUNDA 2:17

Gologiya ni va ma Lona dam kay buu ma hin li ay daganna, An hin njay Musuk manda ki kay suuna halaŋ. Gor njufi magisina u gorɓii magisina hin di ki kay Boy Lonana. Gorzoŋi magisina tlena hin tak tasi ki irisiya, suu magi suu maana doyra hin dasiya.

SUNDA 2:33

Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.

ROMMA 1:7

An ɓiirigi magaara ha magi agi suu Romma, agi halaŋ suu Lona minigina yagi ana agi li ni a suu mamma. Ko buy Lona u Bu Suuna Yesu Kristu ɦagi oora u heɓpa.

ROMMA 8:28

Aygi wi ana Lona li jivira halaŋŋi maŋ suu minimma, suu nam yasi ki u ŋgaɓ mambana.

ROMMA 9:33

Ɓiira di ana, «Gologi an tin hu Siyon ɦini ma daɓ semma ni ɦini ma ndi sana kaŋgana sa tin hurum kamma ka mbuɗ ki zoloɗi.»

1 KORINTNA 8:3

Sa ma min Lona, Lona wamu.

2 KORINTNA 1:22

Nammi sa ma ɓiiriygi u semma, vo Musuk mamba huruygiya kay tak ki jivira nam ka ŋgomoɗ kaygira.

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

GALATENA 4:6

A tak ki ana agi ni goryomura ni Lona sun Musukka vi goromma ay huruygiya, Musukka sawalla ana Bunu.

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

EFESNA 1:13

Agi tagira hu li ma agi humugi boy ma gasina ni Boy ma Ayra ma ɦagi suɗta agi hin vagi u Kristu. Lona ɓii sem ay kagi u ɦala nam ɦagi Musuk mamba nam di kaɗta.

EFESNA 4:30

Lagi dlara Musuk Lonara teteɗta yoo uɗɗi, Musukka ni va ma Lona tinigina kagina, ndaɗ ni va ma Lona tinim a ŋga buu ma nam hin a mbuɗ suu mamsina ki pasiyakŋa.

FILIPINA 1:20

Cecemi an vi kan a juɓum u furira, an ka fi dlara an a mbuɗ zolo kaɗi, gak gak karami an ka juɓummi juɓi naɗow ni an tak ki kay ŋgolla vi kristura eg tanu lini a kak iiri lay lini a miɗ miɗi lay.

1 TESALONIKŊA 4:8

Sa ma hum ka u boy namma ɗina, hum kaɗi ni vun saɗi, ni vun Lona ma ɦagi Musuk mambana.

2 TESALONIKŊA 2:16

Ko Bu Suuna Yesu Kristu u tamba u Lona Buy ma miniygina u jivi mamba ɦaygi so huu ma din dina u juɓpa lalamba.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

1 JAŊ 4:19

Aygi li minda kay Lona miniygi jewe.