ROMMA 5:21 - Boy Lonana

²¹ Ni na may cora kak mulla kay miɗna, na may oora vi Lonara kak mulla kay ɗegeera tuɗuygi hu iirira bay daɓpa u Yesu Kristu Bu Suuna.

ROMMA 5:21 ပူးပေါင်းရင်းမြစ်များ

MATIYE 25:46

Suu asina hin tuɗ duk kura ka daɓ kiɗira. Suu ɗegeena hin fi iirira ka daɓ kiɗira may.»

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Boy Ma Ayra Ma JAŊ Ɓiirimma 10:28

An ɦasi iirira ka daɓ kiɗira, asi ka miɗ oloɗi lay. Sa ma ɓaɗansina ki kon kaɗi lay.

ROMMA 4:13

Lona vi vunum u Abraham u njafam halaŋ a nam hin ɦasi ndaŋgara a joosina, vi vun namma ka ni ana Abraham hum u gaɗta naɗi, kay mege Lona golom ɗegee ni kay viimba.

ROMMA 5:12

Cora mba hu duliyara halaŋŋi u sana dew, u Adam, cora mbaa miɗna, miɗna njay ki kay suuna halaŋ kay asi halaŋ li coo.

ROMMA 5:14

Doli ni miɗna col ay ni eg Adam gak gak tew Moiz, miɗna njay ki kay suu li co ka ko Adam ma hum ka u gaɗta vi Lonaɗina, Adammi sa ma tak ki kay sa ma hin mbay daganna.

ROMMA 5:17

Lini miɗna kak mulla kay suuna u cora vi sa ma dewna, u sa ma dewna Yesu Kristu aygi hin fini ŋgolla su halaŋga, suu fi oora vi Lona cocona u ɦala ɗegeera hin kak iiriya, ti mulla u Kristu lay.

ROMMA 6:12

Hin dla cora a kak mulla kay tagi mayra miɗiraɗi, ka a nam ɦeɓegi a li u min maɗtaɗi.

ROMMA 6:14

Kay dla cora kak mul kagiɗi, kay mege agi ka njuni u gaɗtaɗi, ni u oora vi Lona.

ROMMA 6:16

Agi wi kagi ana agi ɦal tagi wa a li sunda vi saa ni hum umu, agi hin mbuɗ ni mborɓiina vi sa ma agi hum uma, li u cora a tuɗuŋ hu miɗna kala, ɗowba u hum vunna a tuɗuŋ hu ɗegeera fok Lona.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

ROMMA 8:10

Lini Kristu ka hurugiya ni, mbalatagi hin miɗ ki ko cora lay ni, Musuk Lonara ka iiri hurugiya mbuɗugi wa ɗegee fok Lona.

TITTA 2:11

Lona tak oo mamba kay a suɗ suuna halaŋ.

HEBRENA 4:16

Ҥuɗuygi taygi ay u huu ma jivina eg dlamba vi Lonara, hu li ma oora. Aygi tuɗ faygi heɓ huuna u oora huwa ndaki a njun uygi hu li namma.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

1 JAŊ 2:25

Gola ni va ma Kristu di ana nam hin ɦayginana ni iirira ka daɓ kiɗira.