ROMMA 5:18 - Boy Lonana

¹⁸ Kay ndaɗta cora vi sa ma dewna Adam mbaa ɓakŋa kay suuna halaŋ, na lay sunda ɗegeera vi sa ma dewna Yesu Kristu ma buɗ suuna ki hu ɓakŋa kay asi mba kak iiriya.

ROMMA 5:18 ပူးပေါင်းရင်းမြစ်များ

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

Boy Ma Ayra Ma JAŊ Ɓiirimma 1:7

Nam mbay ni a sa vovoɗta, ɓak ki kay kiɗikka. Nam mbay ni a suuna halaŋ vi u dlaam ndaɗta.

Boy Ma Ayra Ma JAŊ Ɓiirimma 12:32

Anu, hu li ma asi colon ki kolo kay ndaŋgara wani, an hin mbaa suuna ki egenu.»

Boy Ma Ayra Ma JAŊ Ɓiirimma 3:26

Asi tuɗ eg Jaŋ dam ana, «Aŋ gol sa ma li ay egeŋ ŋgoo lumma Yurdanna, ma aŋ ɓakami kamma, nam ka mbus suuna batemma. Suuna halaŋ tok ha ki egemu.»

ROMMA 3:25

Lona li ɓivunna ki u namu, u miɗ mamma Yesu yow cora vi suu vi umma kiyo, Lona li takka ki a wi ana nam ɗegee u jewra nam ɗil irim kay cora vi suuna.

ROMMA 4:25

Ҥam ay ki hu miɗna ni kay cooygira nam colom ki kolo iiri ni kay a mbuɗuygi ɗegee fok Lona.

ROMMA 5:12

Cora mba hu duliyara halaŋŋi u sana dew, u Adam, cora mbaa miɗna, miɗna njay ki kay suuna halaŋ kay asi halaŋ li coo.

ROMMA 5:15

Cora vi Adamba ka a ŋga ko oora vi Lona ta ɦaɗ ɦawara naɗi. Suuna ŋgolo miɗ ki kay cora vi sa ma dew namma. Oora vi Lona ta ŋgolla nam ɦaɗ ɦawara u sa ma dewna Yesu Kristu ni ŋgol cocoo.

ROMMA 5:19

Kay ndaɗta bay hum vunna vi sa ma dewna cuk suuna ki hu cora ŋgolo, ko ndaɗta na may u hum vunna vi sa ma dewna mbuɗ suuna ŋgolo ɗegee fok Lona.

ROMMA 6:14

Kay dla cora kak mul kagiɗi, kay mege agi ka njuni u gaɗtaɗi, ni u oora vi Lona.

1 KORINTNA 15:22

Ni kay ndaɗta suuna miɗa kay taɓ masira u Adamba, ko ndaɗta na may suu vina halaŋ paɗ ki kolo iiri ni kay taɓ masira u Kristura may.

HEBRENA 2:9

Ni aygi waygi anaba, Yesu hoŋ ki kaŋga u suu sunda huulona kay lina ew ɦawaa, kay u oora vi Lona nam miɗ kay suuna halaŋ. Cecemi aygi wam kaki hu ŋgolla u jumba mulla kamu, nam fi geleɗta ni kay wihawra nam faɗ hu miɗnara.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

1 JAŊ 2:20

Lini agiya ni agi fi Musuk Lonara ta Kristu sunuɗ ayra hurugiya agi wi gasira ni kay ndaɗta.