ROMMA 5:17 - Boy Lonana

¹⁷ Lini miɗna kak mulla kay suuna u cora vi sa ma dewna, u sa ma dewna Yesu Kristu aygi hin fini ŋgolla su halaŋga, suu fi oora vi Lona cocona u ɦala ɗegeera hin kak iiriya, ti mulla u Kristu lay.

ROMMA 5:17 ပူးပေါင်းရင်းမြစ်များ

ROMMA 5:12

Cora mba hu duliyara halaŋŋi u sana dew, u Adam, cora mbaa miɗna, miɗna njay ki kay suuna halaŋ kay asi halaŋ li coo.

1 KORINTNA 15:49

Ni kay ndaɗta aygi tli taygi ni u nam ma minim u ndaŋgarana, ni na may aygi hin tlaygi taygi u nam ma ha kolo huulonna may.

Boy Ma Ayra Ma JAŊ Ɓiirimma 10:10

Sa kulna mba ni kay kulla, kay ci maɗna lay, ɓeŋ tlena ki lay. Anu, an mba ni kay suuna a fi iirira jivi ŋgolla.

2 TIMOTE 2:12

Lini aygi kak ɗiliya aygi hin taygi mulla u namu, lini aygi hinim kiyo, nam hin hiniygi ki may.

WIRA ŊGAYRA 22:5

Njeŋgera hin ka li oloɗi, sa ka li va u kiɗikka vi lamba oloɗi lay, ta vi fatɗaraɗi lay, kay Lona njayasi kiɗik mamba ki kasi halaŋ. Asi hin kak hu mulla a fafatɗa.

URA TIN AYRA 3:6

Cara wi ana vuɗ gu namma jivi a tira, gol jivi lay, a ndaɗ mbuɗ wi dlara coco lay. Ndaɗ ndoɗom vuɗum ndoɗni tamu, ɦal maŋ njufuɗu, nam ka egeɗu, nam ti may.

WIRA ŊGAYRA 20:6

Furira u paɗvunna kay suu paɗ ki kolo jew asina, ni suu saɓak miɗ ma mbana ka kasiɗina. Asi hin lini muli suu ɓivunna vi Lona u Kristu, ti mulla u nam gak gak basara bup.

WIRA ŊGAYRA 20:4

Ŋgoo dagan an wi dlamba mulla, suu kaki kay dlam ndaɗta ɦasi saɓak ma kaɓakŋa kosiya, an wi musukka vi suu casi ki kay asi di gasira Yesu takara u Boy Lonana. Ni suu may suu goɓ ka kaŋga fok vabakŋaɗi cen va ma tli tam ko namma mayɗina, ni suu tin huɗukka vi vabakŋa ay ka vokosiɗina, ka kosiɗi lay. Asi yow ay ki kolo iiriya kak hu mulla ko tasi u Kristu basara bup dew.

WIRA ŊGAYRA 3:21

Suu col eŋ su kay ndaŋgarana an hin yowosi egenu kak u asi kay dlam manda mulla, ko an ti lay kak eg Buna kay dlam mamba mulla.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

FILIPINA 3:9

A li ɗegee taɓi u namba wanni ka dlaanda an hum jivi u gaɗtaraɗi, ni u vira hu Kristu an mbuɗ ɗegee ni na, dla mayra mbuɗ sana ki ɗegeera mbay ni vi Lona, kay Lona haɗ ni maŋ suu vina.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

1 TIMOTE 1:14

Bu Suuna mayna kuluɓun oo mamba ka daɓ kiɗira kanu. Nam mbuɗun sa vina u minda aygi taɓi hu Yesu Kristu u ndaɗta.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

WIRA ŊGAYRA 1:6

Nam laygi a mulla vi muli suu li ɓivunna kay sun Lona, Bumu. Ŋgolla u saɓakŋa maŋ Yesu Kristu a fafatɗa, Amin.

1 KORINTNA 4:8

Agi fagi tlesuu agi minisina wa halaŋ, ɦizigi wa halaŋ, agi mbuɗugi ki mulina, ami ka na koɗi, an min ana agi mbuɗugi ki a muli suu gasina, kay ami mba taɓ u agi mbuɗ na may.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

ROMMA 5:20

Gaɗta mbay ni a zul cora, lini cora zul wa ni, oora vi Lonara hin mbuɗ ŋgol suwa.

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

URA TIN AYRA 3:19

Aŋ hin fi tiiŋŋa ni u zamalla vogoŋu, gak gak aŋ hin hoŋ duk ndaŋgara aŋ mbay ki hura. Gasi aŋŋi ndaŋgara, aŋ hin hoŋ duk ndaŋgara aŋ mbay ki hura.»

ROMMA 8:39

Saɓak ma kolo huulonaɗi lay, saɓak ma kaŋga kay ndaŋgaranaɗi lay, ni ka va ma daŋ ma lam liiɗi lay, va ma ndak a ɓorowoygi dukuygi u minda vi Lona ta nam takaygira u Bu Suuna Yesu Kristura kaɗi.

URA TIN AYRA 2:17

Na may gu may ma wi yal jivira u cora aŋ tambi, falira aŋ tamwani aŋ hin miɗa.»

ROMMA 5:15

Cora vi Adamba ka a ŋga ko oora vi Lona ta ɦaɗ ɦawara naɗi. Suuna ŋgolo miɗ ki kay cora vi sa ma dew namma. Oora vi Lona ta ŋgolla nam ɦaɗ ɦawara u sa ma dewna Yesu Kristu ni ŋgol cocoo.

ROMMA 6:14

Kay dla cora kak mul kagiɗi, kay mege agi ka njuni u gaɗtaɗi, ni u oora vi Lona.