ROMMA 5:15 - Boy Lonana

¹⁵ Cora vi Adamba ka a ŋga ko oora vi Lona ta ɦaɗ ɦawara naɗi. Suuna ŋgolo miɗ ki kay cora vi sa ma dew namma. Oora vi Lona ta ŋgolla nam ɦaɗ ɦawara u sa ma dewna Yesu Kristu ni ŋgol cocoo.

ROMMA 5:15 ပူးပေါင်းရင်းမြစ်များ

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

EFESNA 2:8

Agi suɗ ay kini u oora vi Lona hu vira, suɗta ndaɗta col ay ka kogiɗi, ni ɦala vi Lona.

ROMMA 5:12

Cora mba hu duliyara halaŋŋi u sana dew, u Adam, cora mbaa miɗna, miɗna njay ki kay suuna halaŋ kay asi halaŋ li coo.

1 JAŊ 5:11

Gola ni boy diki ndaɗta ana Lona ɦaygi iirira ka daɓ kiɗira, aygi mbuɗ a fi iirira ni u Goromma.

2 KORINTNA 9:15

Geleɗ Lona kay ɦal mamba ŋgolla bay ŋgara.

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

HEBRENA 2:9

Ni aygi waygi anaba, Yesu hoŋ ki kaŋga u suu sunda huulona kay lina ew ɦawaa, kay u oora vi Lona nam miɗ kay suuna halaŋ. Cecemi aygi wam kaki hu ŋgolla u jumba mulla kamu, nam fi geleɗta ni kay wihawra nam faɗ hu miɗnara.

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

Boy Ma Ayra Ma JAŊ Ɓiirimma 3:16

Lona min suuna cocoo, nam ɦasi Gorom ma dewna, a gegelay ma tin hurum kamma ba kiɗi, fi iirira bay daɓa.

MATIYE 26:28

Ni busuun ma Lona vi banara u agi u namma. Ni busu ma vo ki kay suuna halaŋ a bulumusi coosira ki na.

MATIYE 20:28

Gola. Goŋ Sanna mba ka ana suuna lam sunu naɗi. Nam mba ni a lasi sunda masi naɗow. Nam warak u iiri mamba a buɗ suuna ki bolow cocoo.»

DANYEL 12:2

Bolow suu miɗi kaŋga duk ndaŋgarana hin dliɗ ki koloo, suu ɦiw hin fi iirira bay daɓpa may, suu ɦiw hin fi zolona a warak masi ma didinna may.

SUNDA 15:11

Ni u oora vi Bu Suuna Yesu aygi vaygiya fi suɗta ni na, asi tasira vi ni na may.»

2 KORINTNA 5:14

Minda vi Kristu ɦeɓemiya, ami suu wi ki gasi ana sana dew miɗ kay suuna halaŋ, gegelay mba fi miɗ mamma u namma.