ROMMA 5:11 - Boy Lonana

¹¹ Aygi furiyuygi ŋgolo hu Lona u Bu Suuna Yesu Kristu ma taɓaygi cecemi u Lonna.

ROMMA 5:11 ပူးပေါင်းရင်းမြစ်များ

SOOLLA 104:34

Ko sool manda li irim jiviya, ko Yawe van furi manda.

SOOLLA 149:2

Ko suu Israelna furi kay sa ma lasina, ko goryoŋ Siyonna li luu ma vi mul masinana.

SOOLLA 32:11

Furiyugi u Yawe, agi suu ɗegeena, furiyugi, sawalla koloo agi suu hurugi ɗegeena.

SOOLLA 43:4

An tew ki hu givin ma togolla vi Lona, vi Lona an luu luu ma furira. Ҥi, Lona, an geleɗ Lona u diŋŋa, Loonna.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

Boy Ma Ayra Ma LUK Ɓiirimma 1:46

Mari di ana, «An geleɗ Lon Bu Suuna

Boy Ma Ayra Ma JAŊ Ɓiirimma 1:12

Suu ɦiw vi umu, tin hurusi kamu, nam ɦasi saɓakŋa a asi ndak mbuɗ ki goryoŋ Lonna.

ROMMA 11:15

Hu li ma asi ay ki keŋŋa suu duk ndaŋgarana halaŋ duk hoŋosi taɓ u Lona, asi hin hoŋ ay wa ni hin lini nana ologe? Hin lini ana suu ay ki miɗina mbuɗ iiriya.

ROMMA 2:17

Aŋ sa ma di ana aŋŋi sa ma Juifna aŋ coli eŋga kay gaɗta, ka li zolo kay Looŋŋaɗi.

ROMMA 5:1

Aygi mbuɗ ɗegee ii Lona ni u vira, cecemi aygi faygi heɓpa u Lona ni kay Bu Suuna Yesu Kristu.

ROMMA 5:10

Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma.

ROMMA 5:3

Su bella wanni lini aygi ka hu wihawra lay ni aygi furiya. Aygi wi ana wihawra hin mbuɗ ɗigil ira.

ROMMA 8:23

Ni ka tlesuu Lona lasina doy holɗi, aygi suu fi Musuk Lonara ko ɦala jewra vi Londa nana lay, aygi u haɗ huna huruygi kay juɓ Lona a nam di ana aygi ni goryomu, hin buɗuygi ki hu mbalatara lay.

ROMMA 9:10

Ni ka kay ndaɗta holɗi, goryoŋ Rebekana mba' jakŋi busi ni dew, buygi ma ŋgolna Isaak.

1 KORINTNA 10:16

Saaragi kay va cira ma Lona paɗ vunum ki kamma kay aygi mba gam deɓpa, hu li ma aygi caygina ni aygi taɓi dew u busu Kristuɗi su? Fu ma aygi ka ɓorowomma hu li ma aygi taygina na ni nam ka taɓaygi dew u mbalata Kristuɗi su?

2 KORINTNA 8:19

Nammi sa ma suu vina halaŋ ŋgaɓam a nam li u ami a ndarami ma sunda kay di ki kay oora, di ki kay bibiŋilla vi Bu Suuna kay min mamira njun u suuna may.

GALATENA 4:9

Cecemi agi wi Lona wa, cecemi Lona wagi wa may, ni nanaba agi hoŋ u ŋgussa maŋira lalassa nige? Agi min hoŋogi dagan a mbuɗ tagi mborɓii masisina ni nanage?

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

FILIPINA 3:1

Cecemi gorsenna furiyugi kay taɓpa hu Bu Suuna, ka kan loɓ a an hoŋogi va ma an ɓiirim ki jewnaɗi, kagi agi ni gasi na daŋ may.

FILIPINA 3:3

Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.

FILIPINA 4:4

Furiyugi hu Bu Suuna na gak gak an di olo furiyugiya.

KOLOSNA 2:6

Agi vagi hurugi ana Yesu ni Bu Suuna kakagi hu taɓpa u namu.

1 PIYER 1:8

Agi wam ka u irigi tuɗi lay ni agi minimu, agi bay wam u irigi tu lay ni agi tin hurugi kamu. Kay ndaɗta agi lagi furira ŋgolla, ta sa ndak ka a di boy namma u vunumbira.

1 SAMUEL 2:1

Ane cen di ana, «An hurun fi heɓpa ni u Yawe, ɗegee yan ki kolo ni u Yawe. Vunun mal ki ŋgolla eg suu babali mansina. An li furira kay saɓak maŋŋa.