ROMMA 4:17 - Boy Lonana

¹⁷ Ko ɓiira dira naa, «An tiniŋŋi a njaf suuna ŋgolo mba li a goryoŋu,» fok Lona nammi buygi ma nam vi umma. Lona ma hal iirira maŋ suu miɗina, va ma ka li ginɗina nam lamu.

ROMMA 4:17 ပူးပေါင်းရင်းမြစ်များ

URA TIN AYRA 17:16

An hin paɗ vunun ki kaɗu, an hin ɦaŋ goo u ndaɗu, an hin paɗ vunun ki kaɗu, ndaɗ hin mbuɗ su suuna, su mulina lay.»

URA TIN AYRA 17:20

An humuŋ cen maŋga kay Ismaella. Ni an hin paɗ vunun ki kamu, an hin zulum njafam ha fok na gak gak a fafaɗta. Nam hin vuɗ mulina doogo yam mba', goryom ŋgolona hin zul cocoo,

URA TIN AYRA 28:3

Ko Lona ma Saɓakŋa Kom Belna, paɗ vunum ki kaŋu, a aŋ vuɗ gorra zula. A njafaŋ mbuɗ ni suu zuli cocona.

EZAYI 43:6

An di mbayawra ana, «Ҥansina aya,» di dalira ana, «Vasi haɗi.» Goryon suu ay ki hu mbassa dayra hoŋonsina aya, u goryon suu tamagina suu ay hu vun ndaŋgara dodora bel bel.

EZAYI 44:7

Sa ma ko ndal an nana ni gege? Sa namma dan aya. Nam van u dla mayra ka hurumba ay ki jiviya col ay kay dla mayra an li suu warnara, di dla mayra hin li ha fokka ki lay. Ta ka mbay wandaŋga lay nam damira kiyo.

EZAYI 48:13

Na daŋ may, kon li ndaŋgara ni namu, kon ma njufna li huulona ni namu, lini an yasiya ni asi mbay fokonni na zak gaw.

EZAYI 49:12

Ay day lay ni suu mansina ka tuɗ ay huwa, suu daŋŋa col ay mbayawi, suu hiŋŋa ay u fiɗigina, suu daŋŋa col ay hu mbassa Sinimba may.

EZAYI 51:2

Humugi gagi kay bugi ŋgolo Abraham u sugi ŋgolo Sara suu vuɗugina. Hu li ma an yasina ni asi ni mba' daŋ, An hin paɗ vunun ki kasiya, zulusi ki bolowo.

EZAYI 55:12

Na daŋ may agi cuk ki ni u furira, agi hin tuɗ ni u heɓpa, ɦinira u li ma mbuy kolo dayna hin ko kosi li furira ha fokogiya, ŋgusugi suu bagina lay hin ko kasiya.

MATIYE 3:9

Saaragi hurugi ana, Abraham ni bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?

Boy Ma Ayra Ma JAŊ Ɓiirimma 5:21

Buna paɗ suu miɗina ki koloo, ɦasi iirira hurusiya, na may ni, Goona ɦal iirira maŋ suu nam min a ɦasira na.

Boy Ma Ayra Ma JAŊ Ɓiirimma 5:25

An dagi ha ni gasira, lin hin tok a mbara, nam mbawa da, suu may suu ki miɗina hin hum del Goŋ Lonna, suu humum delem asina hin kak iiriya.

Boy Ma Ayra Ma JAŊ Ɓiirimma 6:63

Musukka ɦal iirira ni ndaɗu, ta sa warna ni ɦawaa. Boy ma an dagina ni musukka u iirira.

SUNDA 15:18

Bu Suuna li ki u tlegeyem su nam takasi ay ki jew day dayna.»

ROMMA 3:29

Na ni Lona ni Lo vi suu Juifna dew su? Nammi ka Lona vi njaf suu daŋŋa layɗi su? Nammi Lona vi njaf suu daŋŋa lay.

ROMMA 4:18

Abraham viya ka juɓa kay dlara nam waɗ ka ginɗira kay hin mbuɗ a njaf suuna ŋgolo mba li a goryoŋu, ko Lona dira na «Ndum njaf maŋŋa hin lini na ga.»

ROMMA 4:2

Lini Abraham ay ɗegee ii Lona kay sun mamba nam laɗta ni, nam ndak a ŋga tam kaɗ fok Lona, namay ni nam ndak ka a ŋga tam fok Lonaɗi.

ROMMA 8:11

Lini Musuk Lonara ta col Yesu ay ki kolo hu miɗna iirira ka hurugiya ni, nam sa ma col Kristu ay ki kolo hu miɗna iirina, hin ɦagi iirira maŋ mbalatagira miɗira u Musuk mamba ka hurugi ndaɗta.

ROMMA 9:11

Lona u ŋgaɓ mamba ŋgaɓ suuna, ŋgaɓ mamba ni u yira nam yasira, ni ka kay sun masiraɗi, va ma tak ki ana Lona ka coli kay ŋgaɓ mambana ni, nam di Rebeka ni goryoɗ bay vuɗ tu lay asi bay li jivira u cora tu lay, ana, «Ma ŋgolna hin sun ma goona.»

ROMMA 9:26

Hu li ma asi di kasi ana ka suu mannaɗina, hu li namma ni asi hin yasi a, «goryoŋ Lona ma iirina.»

1 KORINTNA 1:28

Lona man dlara suuna panaɗ hu duliyara tanda gol irisi ko va lalas nara, kay ɓalak tlesuu irisi ndaki garaŋŋa kiyo.

1 KORINTNA 15:45

Kay ndaɗta magaara di ana, «Sa ma jewna Adam lam ay ni a sa ma iirina,» Adam ma daganna ma Musukka ɦal iirira.

1 TIMOTE 6:13

Fok Lona ma ɦal iirira maŋ tlena halaŋŋa fok Yesu Kristu ma diki kay dlara jivira vi vira fok Pons Pilat, an gaɗaŋu,

HEBRENA 11:12

Ni u sa dew ma ay gin ko sa miɗina nam vuɗ gorra zulira ko ciciwra huulona na. Zulira ko ŋgetlna doŋ lumma na.

HEBRENA 11:3

U vira aygi hum ana tlena halaŋŋi min ay ni u boyna vi Lona. Kay tlesuu aygi ka wasi u iriygina minisi ni vama sa ka wam u irimbina.

HEBRENA 11:7

U vira Nowa hum vun Lona hu li ma nam dam kay va ma hin li ha fokŋa, ni nam ka wi dla ndaɗta u irim tuɗi lay. Nam hum vun Lona, ceɗ lumba, suɗ tam ki u suu mamma huruɗu. Ni nam kaɓakŋa kay suuna hu duliyara, ni u viimba, Lona mbuɗ golom a sa ma ɗegeena.

1 PIYER 2:10

Ay jew ni agi ka suu vi Lonnaɗi, cecemmi agi mbuɗ suu vi Lonna. Jewni Lona ka wagi hahawagiɗi, cemmi agi mbuɗ ni suu nam wagi hahawagina.

2 PIYER 3:8

Boy namma wanni humugi maaram kiɗi, banayanna ii Bu Suuna wanni buu ma dewna ni ko basara buppa na, basara buppa ni ko buu ma dewna na may.